Wp/blc/Stn

S7asnuxalkmcutsilh, tsutilh sstns wa tsakwaax wa alhkwtl' ts, wa alh7ay c tu tsatstawlhp txw, tu lk'laylhp txw, n tu aq’miixalhp txw. Stntum tuu wa acwlh ts ala ktl'aatl'qi wa alhkwtl' ts, wa supuslhp ts, wa Ts’xwtalhp ts. Wic wa asikaax ts, wa stntn ts, wa amats wa slax wa stn.

nuts'kakim ti tsatstawlhp t'ayc alh Nuxalk. Tic ta Harlan Smith tu kstcw ti alhqulhuus t'ayc.

Clhspus wa acwlh, wa clhsqalutslh ts n wa alh7ay ts ca supuslhp ts. k'ilhspus kw' ats sutkams. Ayawaqw'sayc tu spuss txw was klhim alh ts.

qw'lasii tuu wa acwlh ts. clhqw'als wa acwlh ts, wa micmikalhp ts, wa q'lhp ts, wa lhmk'mlhp ts. axwmas klhim wa qw'alss wa stn ats ala sutk ts.

Acwsalctimutts ala slhk'mstalh ts

Tic t'ayc ti stn. tsactsakwaax ti stn tc. qwli ti stn tc. Alhi ti kulhnk, ti asiiqw, n wa slhip'nakt alh ti stn. Kamalh qwli ti stn sutkams, alhi wa qwals alh tc. Kamalh axw qwlis ti stn sutkams, alhis ka spus alh tc s7amlhams.

Stn ats

• Aplslhp
• Aq’ilhp
• Aq’miixalhp
• Ic7iixwtalhp
• Icp’iclhp
• Iixlhp
• Ink’iptlhp
• Lhmk’mlhp
• Lk’laylhp
• Micmikalhp
• Nacnaaxwmlhp
• Plhtknknlhp
• Q’lhp
• Quts’ulhkw
• Qwaaxwqwiklhp
• Sat’lalhp
• Scncntslhp
• Sq’talhp
• Supuslhp
• Tl’actl’aqw’lhp
• Ts’xwtalhp
• tsatsliislhp
• Tsatstawlhp

stamks siyustamkim wa stn

tutusts'laaxlhakw' wa lunluuksm ca stn. nuts'kiikit kw' wa p'uyaax wa stn ts ca tsiixwt ts. Slaax wa ksnmak ts ka alh7aytum ka nuts’kakim ka stn, ka tsatstawlhp. tamstl'lutsakw' ca micmikalhplh wa sts'laaxlh, tampaqi7yalanaw wa nusts'kmc ca tsatstawlhp. tutuq'lscwakw' c tu stw'inliitss wa plhtknknlhp ts n wa tsatstawlhp ts. tututs'lanakw' ca spusii wiclh wa supuslhp, wa ts'xwtalhp. tamsatl'anaw wa nusatl'amc ts ca aq'miixalhp. tamsulhaw alh tu ayk' txw cta tsatstawlhp, aynawtuu alh ti suncwt ca ays7ays wa stn.