Wics stukiskisla[1], ti siskisla[1], n stiskisla[2] wa skwatstas ti qiqti ti tsitstsipii, alh7ays c ti siqw'yuuslh tc. Qiqtiis tc - axkuks alh7ayiixws c ti siqw'yuuslh tc, axw sk'ciixws.[3]. Mtiis ala stn ts was s7axw tsayutss tc s7alh7alhtsims. Axkuks un7alh7alhtsims ti siqw'yuuslh tc c tu s7alh7ays ti stukiskisla tc. Tmtsaatsii wa alh7ay wa tsitstsiipi ts.[3]
Ama7itsk stics ti "golden crowned kinglet" ti stukiskisla tc. Ayna kwtuu sqwlculhtsutaw ala ts'ktanaw. Alats'iitumulhs tuu David Sibley s7alh7aynaw kw' wa alh7ay wa tsitstsipii ska alh7aytimutaw ala stn ts - smaliixwtmacwaw ts ala asiiqws wa stntn.[4] Ayuts Joshua Moody sclhskwatstanaw wa axw waltulht wa tsitstsipii ts. Kalaalhmtim tu wa qw'las wa alh7ay wa tsitstsiipi alh Nuxalk - samwiis tsk ti alh7ay t'ayc s7axw waltulhs ka sutkams.[5]