Wp/blc/Spikw'

Tic ti spikw' tc ti alhk'cicw ti nmnmk' tc alh ti alhqulhuus t'ayc. alh7ayliwanaw ts c ti laakts - lhkw'aw kuks ats ala laakts ts. Wics "Hoary Marmot" wa itts'xlhiixw wa skwatstas ti nmnmk' t'ayc. Paaxim kw'tuu ca "Whistler".

Ti spikw'

ti s7alh7aynaw ala ts'ktanaw ts

wic wa tl'uk'ankiixws wa smsmt ts wa amataw wa spikw' ts. Tam-xlamantanaw ts ala qnks wa t'xt ts - wic its'ik wa xlamantanaw ts wa amataqw'saw ssutkams. tsitumanaw ula s7a7mlhanmis. Alhpsaw ats ala spus, wa slaws, wa slawsikuuts, wa nususkw'iiqw ts, n wa sximuts ts. Suptawkw' ts.

Qwlculhtsutaw ats stanapsulhaw ts, axwmas numawiitimutaw. Yanicit ska axtsmaw ala snxaalh ts. Nu7usqnamktim wa 2-5 wa spiipkw'i ts Si7mts. K'ismawilham stsitumanaw ssutkams.

s7alh7aynaw ala tl'msta

cwt'nictim wa spikw' ts c tu lhikw'lcaaxta ts ca nucmikta ts. Yustamktim ts ala spikw'anlh ts. T'ksnictim kw'tuu. Yaliwni ti spikw'anlh ala scwpanilhanlh n ti yakyanlh tc. Kalhspikw'aw wa acwlh ts ca q'up - q'uptim wa spikw' ts si7usqanaw ala anutsiixlhaw ts. Sp'iixwtim kw' kamalh7usqanaw. Panyatim wa sqalhs ti spikw' tc - nupapntstum wa panyatim wa sq'alhs tc ala patsalh s7alhpsilh alh ts. Nutiq'iktit kw' wa mawlxs wa spikw' sikstut ti smawliits ti spikw'anlh.

Ala smayustalh ts

Wicanaw wa spikw' ts wa asulictsaw wa patsalhlt ts alh Anxalhi.