Nu7usqnamkim Margaret Siwallace alh Nutl'l alh 1908. Acwsalctimuts alh Crosby Indian Girls School, ti skul alh Port Simpson. Wic Sisinay wa sawasiixw wa skwatstas ilh7aylh. Nuxalkmcuts ilh. Ays tuu s7ittsinuks, was itq'umsciwas. Acwsalctum ilh ska staltmcs wiclhta scncnasiis ilh. Slhkw'lcam ilh, naycaktis wa slax wa acwsalctimut ts ska napamcwit ala iixsa ts, wa alhkwtl' ts, wa smayustalh ts, n wa stl'cwilh ts.
Atma ilh alh 1985, alh Nuxalk.