Wp/blc/Nutl'l

Nutl'l tum wa apsulh ts alh Nuk'lat, wa apsulhaw wa Nutl'lmc ts.

Ti t'xt alh Nutl'l, alh Nuk'lat, ala qnks Axtsikayc (amat)

Ti Cannery alh Nutl'l, alh Tcatl'sik

Wa tl'msta ts

Wics wa sulhs Ximtswa wa tan7apsulhs ti apsulh t'ayc. Wicanaw Ximtswa, Sinuxyalh, Qaakma, n Qakatli wa pats'alhlt ts alh Nutl'l, klhtim kw7its'ik ats ulh Swak'c. Ximximlayc-tum ts'n ti staltmcaw wa Nutl'mc ts.

wa ts'ktanaw wa Nutl'lmc ts

Kamalh-sastlhaw wa Satskwmc ts wiclhta apsulhaw txw alh Satskw, wic kw Nutl'l wa lhkw' wa apsulh ts ala asaaxs Nuk'lat alh tu axw ayk' txw. Alh tu patsalh txw, alhis tu apsulh t'ax ala qnks tu Axtsikayctum tu smt tx. Sastaw tsk ula amats tu Anutl'lhlctum tu apsulh txw - axw alhnapits spacws s7aynaw c txw.

sastaw tuts'n wa Nutl'lmc ts ulh Nuxalk alh 1929.