Wp/arq/مقروط

المقروط، يسمّوه تاني مقروض، و هوّا ڤاطو جزائري و شعبي يصنعوه بزّاف فل الجزائر، تونس تونس و شي ولايات تاع لمرّوك ، بصّح معروف ثانيك في ليبيا و مالطا .

مقروض تونسي بالتّمر

أسم وحداخر : مقروط

لأصل تاعو : تونس،

نّوع تاعو : حلويات الأغالبة

تسربية تاعو : بارد

لاستهلاك

البلادات لّي معروفة عندهم هاذ الحلوة هوما الجازاير، و تونس. بصّح البلادات لي حذاهم يعّرفوه تاني، كيما في غرب ليبيا لي هيّا پلاصة متأثّرة بزّاف بل عوايد تاع التوّانسا، و تاني وجدة و تيطوان فل حدود تاع المرّوك معا الجازاير، لي دخّلوه ليها المهاجرين الجازايريّين، و في فاس بلا شك دخّلوه ليها التوانسا تاع لقيراوان، فل عهد التاسع. المقروط رجع ضركا معروف حتّا في بلادات أوروبّا لّي يعيشو فيها الجازيريين و لا توانسا المهاجرين، كيما فرانسا ولابالجيك

كيفاش ينصنع

المقروط ينصنّع من طبقات، طبقة تاع العجينة لّي فيها السميد تاع الڤمح اليابس و طبقة تاع عجينة التّمر و خطرات دڤلة نور و مين ذاك الكرموس ولا الّلوز .امبعد نرولوهم و نقسّموهم على شكل مقروطات ولا موثلّثات ومبعد نقلوه في زيّت نباتي، و مبعد نغطسوه في سّيرو تاع السكّر و القارص معا لقشور تاع الشّينة، و معا التالي نسربوه بارد.

تسميّات تاع لمقروط

• جازاير:

• لقبايل دزاير و وهرن : مقروط.

• تلمسان : مقيرط ولا مقروط .

• لقسنطينيين : مقروض ولامقروط.

• ليبيا : مقروط.

• مالطا :امكيرت/ماكروت.

• المرّوك : مقروط كيما يسمّوه فل جازاير (وجدة معروفة بدّارجة لجازايرية).

• تونس : مقروض.

• تركيا : كوݕرديلار

نواع المقروط

لجازاير

المقروط لجازايري يقلوه ولا يطيّبوه فل كوشة كيما في الشّرق ، هذا النّوع تاع لڤاطو اصلو من لجنوب الشّرقي تاع لبلاد، ياكلوه في كامل لبلادو نصيبو بزّاف لنواع لي يختلفو علا حساب لمناطق ، نصيبوه بتّمر و سّميد ف صحرا لجازايرية ، القرفة و النّجمة في وهرن ، بلّوز و سكّر ڤلاصي ف دزاير ، لجازاير هيّا لي عندها بزّاف لنواع فل لمغرب لعربي ، و لمهمّين كثر هوما :

• مقروط التّمر :اصله من الصحرا و مصنوع ب السّميد و التمَر و القرفة و مازهر ، و مغطوس فل عسل، و ينقلا ف زّيت و لا يطيّبوه فل كوشة.
• مقروط العسل :اصلو من سّطيف والدزيريين يصنّعوه بالسّميد والّلوز مطحون و القرفة و مازهر.
• مقروط الّلوز :ولا مقروط مسكّر مصنوع بالّلوز مطحون رڤيڤ وسكّر رطب ،سّميد و قشور القارص و مازهر.
• مقروط الكوشة :اصلو من قسنطينة معروف بزّاف في الشّرق ، مصنوع بالسّميد و التّمر يطيبوه فل كوشة و يعتبر المقروط الاصلي.
• مقروط وهراني مصنوع بالسّميد و العقاقير.
• مقروط الدڤيڤ :اصلو من سوق اهراس يصنّعوه بالفرينة.
• مقروط مدور:هو مقروط عصري و يجي مدور و العقدة مصنوعة بالزبدة و التمر.
• مقيرط:اصلو من تلمسان مصنوع بالبيض و الكوكاو و لجلجلان محمّص يطيّبوه و مبعد يغطسوه فالعسيلة.
• مقروط بالكرموس:العقدة مصنوعة بالعجينة تاع الكرموس.
• مقروط مالح:اصلو من ليبيا و يصنعوه تاني في تبسة مصنوع بالبطاطا و العقاقير و العقدة تكون بالجاج والطومّاطيش و مرمّد بالجلجلان.

• 
  مقروط اللوز, نوع من العاصمة
• 
  مقروط اللوز باللوز
• 
  مقروط دقيق, نوع من سوق اهراس

• مقروط الصابلي:يصنعوه بالسميد و الفارينة و الزبدة و الخمارة تاع القاطو ونحشوه بالتمر ولا باللوز ولا بالكاوكاو ويطيب في الكوشة ,ومبعد يتعسل.
• مقروط الرولو:يديرو فيه السميد و الفارينة و الزبدة غامولي,و البيض و الحليب و يحلو العجينة و يزيدو فوقها التمر ومبعد يرولوه,ويقطعوه,يقلوه, ويعسلوه.

تونس

المقروط في تونس عندو بزّاف ليغوسات ، يندار بتّمر ولا تقليديا بلكرموس . هاذ التنوّع لكبير نلقاوه بسبّة التأثير تاع لحضارات لي فاتت علا تونس كيما لوندال ، لبزنطيين و لفنقيين لي أسّسو قرطاج و رومانيّين . المقروط ، دار الشّهرة لمدينةلقيروان التونسيّة لي دارت أول مهرجان وطني تاع لمقروط في 30ماي 2008 .

تشوف تاني

لمقالات لي عندها علاقة

• طياب الجازاير
• طياب المرّوك (المغرب)
• طياب التونسي