Wp/arq/قفطان

القفطان هو لبسة يلْبسوها ف بزاف بلايص ف العالم , آسيا الوسطى و تركيا ( الِّي فيها دوكا إيران و بلايص واحدوخرين )،و لماغول تحت سلالة  لِّي أسسها بابور , و بعض لبلدان لمْستْقلة فْ طاليان كيما جمهورية لْبندقية و الإمبراطورية الأموية و دولة لعثمانية .هاد الكلمة فلْ حق هي فلقة طويلة كانتْ في بكري عندو إسوامات واحدوخرا كيما كفيتان ولاَّ قديم عليه كفتان ,كفتان شوفو كفتان, الكلمة بلْفرونسي هي نقل لَلْكلمة بْ تركية .

تعريف

وتعرف لقفطان من قبل عدد من قواسم مشتركة: يجو طوال ف لْيدين طوال ولاّ دومي مونش ,يجي بلاّ كول ولاٍ بيه و يجي مفتوح من لقدام .كامل سور ودور (بلْقفالي و لاّ بلا بيهم). هي كلما دخلو لقفطان ف لٕباس نقليدي نتاعهم ودارولو عفسة خاصة بيهم صوا ف لكتان  لِّي يخدموه بيه و لاّ ف لاكولار و لبرودي و لاّ زواق و لاّ لموتيف هاذْ شي خلاهم يخرجولنا لقفطان لتركي ، لفارسي ، و لمغولي و لجزايري و لمروكي . وكل قفطان وكيفاه يتخدم كاين لي يخدموه بل صاتان ولا لقطيفة وكل واحد كيفاه يزوقو ويشبحو كاين لي يتخدم بسفيفة ولا بسوتاج ولمرجان مع لفصوص و زويتنات لي بلا بيهم مايكملش لقفطان ومنبعد ولي تطبع كثر هي لمحزمة تكون شوية صغيرة ومشبحة على حساب لقفطان.

تاريخ

الإنتشار لْجيوغرافي تاع الْ إسلام خلاه ينتاشر و يتحول غير ب شويَّة مع لوقت و على حساب لبلادات و لقافات تاوعهم ، تاني لعالم لعربي الاسلامي تاع ضروك كان كل يوم يجوزو فيه لقوافل لتجارية و يجيبو معاهم بزاف صوالح ، حتى ف الْ حج لْمكة و كي يزورو لمَدينة  لِّي كانت من قبل لْ إسلام مركز تاعْ تجارة وتبدال سّلعة ، هاذْ شي  الِّي خلاهم يقوُو لتِجارة و لتعارف بين لشّعوب والأمم  الِّي جايين منْ شرق و تاوع آسيا و إفريقيا و أوروبا مالقري هاذْ شي ماحتَّمش الْ إسلام قاع الِّي دخلو باه بلبسو لقفطان على خاطر هاذْ شعوب مختالفين ما هومش كيف كيف على حساب لوضع لهرمي و الإجتماعي ، كاين وحد الامم و وحد الْقبايل تاع لْبربر  الِّي ما بدلوهش و حافظو على لباسهم التقليدي . حبة حبة ، ناس تاع بكري  لِّي صنعو القفطان سمحو فيه مقابل الّبسة تاع لامود ، على حساب ثَّقافة و لحضارة  الِّي مسيطرة فهاذاك الوقت ، بصح ب لمقابل لقفطان  لِّي جاي من الأندلس للمغرب (تحتاج الى ادلة ) طوّل وحكم حكم فْ لمنطقة ،حتى في ياماتنا هاذو هاذْ لكلمة يستعملوها باهْ يوصفولنا لبسة طويلة تقليدية غير للحفلات ، يلبسوها لمروكيات و لجزايريات يفصلوها مراركة (كلام مبالغ فيه و لا يستند الى اي إثبات ، ) هاكا باه يقعد دايمن لقفطان ألامود و يعطوها فورما جديدة و مام ينشروها فْلعالم. لخدمة  الِّي يعرضوها فْلمجّلات لمروكية كيما مجلة المرأة لمروكية ، و مام كي يديرو كل عام حفلة كيما لحفلة تاع القفطان  لِّي جوزوها في التليفيزيو في القناة المروكية 2m ، قاع هاذْ شي خلا القفطان يطور بلْخف و زيد تاني لادوموند تاع ݴناس عليه على خاطر المروكيات يلْبسوه سيرتو فْ الحفلات الدينية و لا تاع العايلات ( العراس ولاّّ الزيادة...).

• 
  محمد شاه قاجار, شاه إيران (1808-1848), أوريجين من أذربيجان
• 
  عليم خان , الأمير التالي تاع بوخارة , بلقفطان الأوزبيكي (فوتو في 1911)
• 
  القفطان الأرميني في (1779)
• 
  محمد علي, نايب لحاكم في مصر ، بالقفطان العثماني (1840)

الإمبراطورية العثمانية

لقفطان  لِّي كان يلبسو السُلطان العثماني يشكَّل واحد من المجموعات المُهِمة تاع لْ قصر التوبكابي فْ اسطنبول ، كاين وحدين منهم يسواوْ بزاف كاين  لِّي كانو يستعملوهم كتعويضات  لْ لِّي سارفيس  لِّي يديريهملهم الكبار تاع القوم ولا الجينيرالات  لِّي يربحو في الحرب ، فْ الحفلات الدِّينية القفطانات العثمانية فْ أغلب الاحيان يجي فيهم برودي ملْ لقدام ، و فْ  لِّي مونش ، يرسمو فيهم بدقة وحد الاشكال ترمز لْ نبالة ، كاين فْ ما يخص التزواق ، موتيف ، سفافي ، و  لِّي كولور يبينو الڤراد تاعْ الِّي لابسهم. فْ القرن الرباطاعش  لِّي موتيف كانو كبار و  لِّي كولور سامبل بصح طورو الخصائص وولاَّو مع الوقت غير ب  شويَّة كلاس و يبريو . فن القفطان وصل لأوجو في الوقت الزاوج تاع القرن السباطاعش جابولو كتان من نوع سليمية ، ولاو فيه سفيفات عراض مل فوق للتحت ، و برودي متحوف . الكتان]] كان فْ الاساس يخدموه فْ اسطنبول و بورسا هاذي نهار  لِّي ما يستوردوهش من جنوة و بندقية ولا فارس و لا لهند و لاّ لاشين . كل كتان كان عندو  لِّي اوبسيو تاوعو خاصين غير بيه و كل واحد و اسمو : فولور ، تفتاس ، تافي ، بيريمكيك ، أبا ، كنفس ، قاتما ، ديبا ، كاتني ، كمها ، سيراز ، سرناك ، زرباف و وخداخرين بزاف ، و واحد لي كولور كانو يخدموه بيه : زرق تاع لاشين ، لَحمر التركي ، و فيولي ، بيسميس أية ، لسفنجر طايب ، و لصفر تاع الزعفران. كي ولينا فْْ عام 1920 ، مصطفى كمال أتاتورك اب تاع تركيا تاع ضروك طيح السلطان العثماني و كان باغي يڤلعْ ب القوة م الجذرة السلطة و الحكومة القديمة ، ارادتو باه يقلع النِّظام القديم و يتحضّر بينها كي منع البسة العثمانية كيما القفطان و طربوش و قالهم لبسو الكسوة تاعْ الغرب . كلام مبالغ فيه و بلا ادلة

• 
  لبسة السلطان العثماني القوقازي (القرن تساطاعش ) من سوريا و الأردن و فلسطين.
• 
  مملوك العثماني في الشرق الأوسط باللبسة العادية (1779)

الحكم العثماني

أغلب البلادات العربية ما عادا الْ مروك كانو أراضي مسيطرة عليهم الامبراطورية [[العثمانية مدة شحالْ من قرن ، كي نتقدمو غير ب شوية من الاندلس و مراكش و فاسالمغرب حاليا و  الِّي راهم ضروك جزاير و تونس هاذوك جابو معاهم قفطانات عثماتية ، و ما عندهمش نفس تَّطور و تأثيرات كيما تاع الْ مروك. (كلام مبالغ فيه و لا يستند الى اي ادلة ) هي ف صح ما عدا شَّخصيات الكبار تراكا و وخداخرين جزايرين و لاّّ توانسا  الِّي يحكمو فْ البلاد ، أغلب الرْجال ما يلبسوش القفطان . (غير صحيح كانوا يلبسوا القفطان )الى جانب البسة اخرى تاع الرجال تتكون من شوميز و جيليا و طربوش و سروال فضفاض ( زروال) اسمعه (الجابدور )مدورين عليه عندْ سنتورة كتَانَة يديروها كيما الْجيب يسموها لْفوطا و لا لبرنوس يدورو عليه عند سْنْتُورة فوطا .(معلومات مغالطة و لا تستند الى ادلة) هاذا علاه للقفطان ما عتابروهش البسة التقليدية (كلام مغالط) . في نهاية القرن التساطاعش و البْدية تاعْ القرن العشرين و معا البْدية تاعْ الإحتلال الاوروبي المخيرين تاع الرجال ولاو يلبسو الكوستيم الاوروبي و يديرو معاه طربوش.

القفطان على حساب البلدان

دْزاير

فْ تلمسان البسة التّقليدية (الشدّة) تتكون من تحت لا قرانيتير مْ القفطان ، بكري القفطان كان عْريض و عندو لي مونش . القفطان التّلمساني الِّي أصلو مْ عثماني هو قفطان قْصَير يلحق للْرُكبة و خطرات يجي شوِّية تحت الرُكبة ، هاذْ النوع مْ القفطان صايِي ما هوش يْإيكزيستي فْ أغلب البلدان الكبار بصح مازالو عايشْ و بثوة فْ تلمسان فْ الدزاير و ف تركيا و بلاد البلقان فْ دزاير العاصمة القفطان جا مْعَ العثمانيين ]]. مْ الكَرَاكُو البسة مسڤمينها ومعقدة بزاف فْ صنعتها ، القفطان دَّا مظهر رڤيڤ و غير بعض سُكان الصلييت  لِّي تزوجو معَ العثمانيين و لاّ النْسا التُركيِّين صْحاب الدْراهم يلبسو فْ وقت البرد قفطان مزوَّق بلْبرودي مبروديينو بخيطان مْ ذْهب و لاَّ الفضة ، منْ بعد يلْبسو فْ شْتا جيليا فوق القليلة، هي لبسة جاية لارج مع لي مونش عراض يخلو لا شوميز تبانْ . زيد على ذاك ، يبيّنلنا سلطة الباي العثماني]] حاكم تاع المنطقة باسم السلطان العثماني فْ اسطنبول ، هاكا نفهمو بلي كاين ديفيرونس فْ معنى البسة و لواش تمعني على حساب البلايص و المناطق : يلبسو القفطان في بلايص تاع الحكم كيما ( تلمسان و دزاير و قسنطينة و عنابة و تونس و ما يْإيكزيستيش قاع فْ البلايص البعاد و  لِّي ما يوصلولهمش بْ تاسّاهل سيرتو  الِّي مرتابطين بزاف بتقاليدهم .

• 
  الشدّة التقليدية التلمسانية فيها القفطان التقليدي (سنة2000).
• 
  يهودي جازايري لابس لبسة بل مودة اليهودية عثمانية ( القرن تساطاعش ).
• 
  خير الدين بربروس، باي الجزاير (القرن سيتاعش) .
• 
  جنود من الحكومة العثمانية في الدزاير لابسين فوطا من تحت فْ السروال.
• 
  قفطان تاع النسا اليّ مدو علي باش االداي الجزاير كادو للوالي تاع السويد في 1731 نهار اليِّ سينياو المعاهدة تاع السلام بين الدزاير و السويد

المروك

المضمون

المودال القديم تاع القفطان المروكي

هذا هو القفطان العثماني الذي تبناه المروك

القفطان المروكي جاي من أصول مختلفة ، فْ الْوَّل روماني ، ومنْ بعد الأندلس الغربية ، (معلومات تحتاج الى ادلة ) لمخيرين تاوع العرب المسلمين مْ الخِلافة الأموية فْ (القرن التاسع) (تحتاج الى ادلة ) ، القفطان تاع رجال دوريجين فارسي جابوه ما بين (القرن التّاسع) و (القرن الخْمسطاعشْ) .

مالتقاليد للتَحضر

القفطان يسموه تاني تاكشيا فْ لاڥارسيو تاعو الخفيفة و المتحضرة ، يعتابروه واحد من مختلف البسة التقليدية تاع المروك ، على خلاف تاكشيتا كلمة القفطان هي الْإسم  الِّي يطلقوه على البسة التقليدية . القفطان المروكي وحدو فْ العالم على خاطر لي زوريجين تاوعو مختالفين خطرة من الرُوم و خطرة من الأندلس الغربية (كلام لا أساس له من الصحة و يحتاج الى إثبات) ، بصَّح تاني على خاطر الخياطين المراركة يطيرو و فنانين سيرتو على حساب البلاد الكبيرة كيما في فاس نلقاو أصل البسة ديال الجوهر ، هي غوب يلبسوها الأميرات الأندلوسيات و لا القيراوانيات ، (كلام مغالط مبالغ فيه و لا ستند الى إثباتات ) مام في مراكش ب لمسة الأفرو- بربرية ، و لا في تيطوان مع الكسوة الكبيرة و الشدّة الشمالية ، و في رباط مع المشطة اليِّ يسموها توكيدة . قاع البرودي و الأعراق و الثقافة المروكية خرجتلنا هاذْ القفطان اليِّ عندو بلاصة خاصة فْ العالم تاع لَامودة و تاني جي وحدو فْ التقاليد العربية المسلمة . كل عام ، القفطان المروكي ينال شرف فْ الإحتفالات الكبرى الِّي ديرها المرا المروكية ، في هاذْ  الِّي فات يعرضولنا لي مودال جْدُد تاع القفطان المروكي.

الروس

فْ الشَرق تاع لوروب و غرب شمال آسيا ، كلمة الْ قفطان(кафтан بروسية) يستعملوها باه يبينو نوع وخداخر تاع البسة ، كوستيم طويل لْ رْجال جاي لارج بزاف بصح لي مونش مزَيْرين . فْ القرن التساطاعش ، القفطان ما هو غير لبسة برانية يلبسوها غير الْفلاحيين و لاَّ التُجار . دروك ، راهم يلبسوها كعلامة دينية و تلبسها غير الرقة المحاظة ملْ الاورذودوكس المدينين تاوع بكري . مين كانت الإصلاحات السِياسية تاع سيزار بياغ اللَّول باه يغربو الْبلاد ، هاذا اليِّ منع النَاس باه يلبسو القفطان كيما الكوستيم الغربي ، مامْ دار مانيفيستاسيو حتم فيها هاذوك اليِّ يقدرو باه يشرو البسة الفرانسوية ، و لاَّ الهنغارية ولاَّ لالمانية . سيزار بنفسو قالهم بلِّي«  لي مونش الْعراض تاوعكم ما: تجيبلكم غير المصايب خطراتش طيح فْ المرقة ، و خطراطش تهرس الزداج».

تونس

مالغري معروف بصح مايلبسوهش لَخاطرش هاذ اللبسة لبسوها العثمانيين قبل ما تتحرر البلاد.

العالم الغربي

فْ العوام (1950) ، كريسيان ديور عرض عليهم قفطان مخدوم مْ الحرير كْحَل . و فْ عام 1960 إيف سان لوران هول لِّي رَسمو ودارلو سْبْتَة .الفنانة الماريكانية ليز تايلور لبست واحد جاي بْيَضْ و خْضَرْ ، فْ عرسها الزاوج مع ريتشار بيرتو . حتى لهاذو ليام ، رساميين شرفيين ( زوبير موراد ، نعيم خان ) مازالو يستحملو هاذْ لْبسة فْ لْمجموعة تاعهم . مام حتى بعض الديار الغربية ( ايترو ، بوتشي ، ماركيز ) يفكرونا بعام 1970 مين بغاو يتوشو السوق فْ العالم العربي.