الرستميون كانو سلالة حاكمة في فترة 767–909 ب.م. في منطقة حول مدينة تيهرت (تيارت اليوم) مبنية على فكر الإمام الفرسي عبد الرحمن بن رستم من المذهب الإباضي.
مدينة تيهرت تعرفت بتطورها التجاري و الفكري، و التعايش فيها تع كل الأديان.
في هداك الوقت، كانوا السلالات حاكمين في شمال إفريقيا: الأغالبة السنيون بالقيروان (تونس)، الأدارسة الشيعيون بفاس (مروك) و الرستميون الإباضيون بتيهرت و الصفريون في آڨادر (تلمسان).
تاريخ edit
عبد الرحمان بن رستم فرخزاد هو المؤسس تع الدولة الرستمية. و المؤرخون ماشي متافقين على أصولوا .البكري وابن حزم اقولوا بلي سلالتو من ملوك الأكاسرة الساسانيين الفرس. ابن خلدون اقول بلي راهو من أبناء رستم فرخزاد قائد الجيش الفارسي المشهور في معركة القادسية، و ياقوت الحموي فيرجعه إلى مولى عثمان بن عفان وهو بهرام أحد أبناء كسرى يزدجرد. عبد الرحمن راح لشمال إفريقيا وهو طفل و كبر في القيروان.
في القرن 8 ب.م. القبائل الأمازيغية تع شمال إفريقيا رفضوا حكم الخلافة الأموية و عجبهم فكر الخوارج لكانوا اقولوا بلي كل المسلمين سواسية مهما كان الأصل أو اللون، و بلي الخليفة لازم تكون بتعين أحسن رجل من الامة مهما كان. على بيها بزاف الدول الامازيغية المسلمة الاولى كانت مبنية على فكر الخوارج (السفرية في تلمسان و سجلماسة، الإباضية في تيهرت).
إبن رستم ولى إمام تع أول دولة إباضية في شمال إفريقيا و عاصمتها مدينة تيهرت, و كان قريب من الخوارج تع تلمسان و سجلماسة.
في عام 909, طاحت الدولة الرستمية و تيهرت، بعد حرب مع الكتامة و الفاطميون, و هجروا سكانها لسدراتة في ورقلة و منبعد للمزاب.
| الحاكم | ||
|---|---|---|
| 1 | عبد الرحمن بن رستم | 776-784 |
| 2 | عبد الوهاب بن عبد الرحمن | 784-832 |
| 3 | أفلح بن عبد الوهاب | 832-871 |
| 4 | أبو بكر بن الأفلح | 871-871 |
| 5 | محمد بن الأفلح | 871-894 |
| 6 | يوسف بن محمد الحكم | 894-897 |
| 7 | يعقوب بن الأفلح | 897-901 |
| 8 | يوسف بن محمد الحكم | 901-906 |
| 9 | يقظان بن محمد أبي اليقظان بن أفلح. | 906-909 |
ثقافة edit
العاصمة تيهرت كانت معروفة بثقافتها، كانوا فيها مكتبات و عدت كتب تع الفقه، الطب و علم الفلك، بلعربية و بلأمازيغية تاني. كانوا الرستميون ينشروا تاني الإسلام عبر كل إفريقيا بواسطة التجارة، و كانوا تجارهم اروحوا بعيد. المجتمع كان منوع و مخلط، أمازيغ، عرب، فرس، اباضيون، سنيون و وحدوخرين إتبعو في المعتزلة، مسيح، و سوق تع ليهود. ما بقاوش بزاف أثار المدينة، بصح فن الرستميون موجود في أثار مدينة سدراتة (ورقلة).