Wp/arq/حيزية

حيزية
[[Image:|220px|center]]
السميّة الحقّانيّة:	حيزية بنت حمد لباي
خدايمهُ:
تاريخ تاع الزيادة:	1855
بلاصة تاع الزيادة:	سيدي خالد

حيزية

حيزية او حزية بطلة ورثوها من شاعر لجزايري محمد بن غيتون كتبها فلقرن تسطاعش و خلدها فلقرن لعشرين مين قدمها لمطربين تاع لبدوي عبد الحميد عبابسة و الخليفي احمد.

تاريخ تاع حيزية

علحساب لهدرة تاع جدودنا ، حيزية كانت من عائلة بوڨاز ، من دوار ذواودة ساجيين ، من سلالة قبايل بني هلال لي سكنو ف المغرب العربي فلقرن حداعش ، كانت صغيرة فلعمر و ڨلبها بيض مين كانت فسيدي خالد لبلاصة يسموها زيبان لغربية.

عايلتها رحلت كيما ڨاع لي كانو ساكنين معاهم للهضاب العليا فالحومان وولاو للواحة مين جا لبرد. بداو طريقهم من بازار صخرة, سهل سطيف فشمال حتى اولاد جلال فلجنوب .

حيزية, بنت أحمد الباي كانت تبغي ولد عمها سعيد ليتيم لي رباه عمه من صغره وهو من ناس لمعروفين فالدوار و بابا طفلة لصغيرة عاشت معاه حياة تاع حب شابة طولت لمدة شهر . بن ڨيطون كتب في قصيدته علعلنهار لي تموت فيه 1295 هجري او 1878 ميلادي وعلى هاذا تكون حيزية زادت فعام 1855

واش قالو على حيزية

علحساب دكتور بوجمعة هيشور (مصدر ماشي كافي)باحث فلجاميعة ،كاين بزاف صوالح متشابهين فالكتبة تاع الشعر و تفكير تاع لعرب فلپيريودا فهاذ لمرثية كاين وحد لنوع تاع لخطبة تاع لجانازات ، الشاعر ولا يبكي علجال الشابة ، مرثية باش يتعاطفو معاه ، و يدينا لعمق تاع مشاعر لمودة و لبلا و قاع هاذ لقصة تولي غير لربي سبحانه و المكتوب.