Wp/arq/إسلام في الجزاير

لاسلام ف لجزاير هو دين تاع دولة .و يطبقوه 98% و لا 99% مشعب عل حساب بورفستوبوك الماناش تاع لاصي. ؛جاية فلمرتبة تاسعة بسكوفيها بزاف لمسلمين ومكلاسيا فلمرتبة ثالثة فلقارة تاع أفريقيا (مورا نيجر ومصر) 2.2%مشعب لمسلم فلعالم يعيشو فدّزاير ..

لجامع لكبير فلجازاير

لاكثرية تاع لمسلمين تابعين للمذهب لملكي .و كاين لّي تابعين للمذهب لاباضي كيما بني مزاب

وفان كاين بزاف طرق صّوفية و زّوايا وهذي عندها دور كبير فلمجتمع تاع لجازاير.

تاريخ

تاريخ لاسلام فلجازاير

لاسلام ف لجازاير جالمرّة لولا ف 670 من عند لعسكر تاع لجينيرال لعربي عقبة بن نافع ؛لّي امروه لأمويين وف 776 رستميين داروا أول سلالة حاكمة مسلمة دزيرية ولبربريين تحولوا ل لاسلام وعتانقوه كيما دين رسمي ليهم و ممبعد بداو يستفادوا مدّين جديد وبداو يخلصو لغرامة ولجزية و كانت غالية بزاف ومن بعد دارو حكومتهم لاسلامية لخاصة بيهم.

لاسلام لعصري فلجازاير

لاسلام دين صالح لكل بلاصة و فكل وقت واحكامو يطبقوها فلجازاير بشكل نصفي مايطبقوش قاع لاحكام كيما قطع يد سّارق و لقصاص للقاتل هاذو ما يطبقوهمش بسكو يشوفوهم أحكام صعيبة عل لانسان عل جال لانسانية و الاسلام هو دايمن رمز للدولة وهو دين دّولة وأساس سّيادة تاعها وقريب قاع احكام لميراث دايينها ملاسلام بطبيعة لحال بسكو هي لقسمة لمنصمة للوراثة .

تّنظيم سّياسي و علاقتو بلاسلام

وزير ّشؤون دّينية ولأوقاف عندو حاجة عندها علاقة مع دّين لاسلامي ولجدول لّي يشوفوا فيه ليامات وشهور و لوقات تاع صلاة ودعاء و يامات لحفلات ولاعياد دّينية ولاعلان على رمضان و[لحج ولي يروحو لمكة باه يحجوا ولمعاودة تاع بنيان للجوامع ونصايح لعليا لاسلامية الي تهتم بالاعمال تاع دين في لبلاد وتصنع تاع رّايس و لاعضاء تاع دولة.

دور تاعو يدوه مدّستور ولقانون تاع لجازاير

هذا يضمن باش لمواطن تكون عندو حرية ثّقافة ولحكومة وتضمنلهم حماية لأئمة ولكهنة ورّهبان باش يكونو مستقلين عل لوزارة نتاع ثّقافة ودشنهم لحكومة. لحكومة تعاون بشوية دراهم من لمالية نتاعها باش تبني لجوامع ،لأئمة ولّي يقراو لاسلام فلجامعات وطلاب لعلم تاع ليكولات لخاصة لي يقرو فيها شّريعة لإسلامية (لقوانين تاع دّين لاسلامي)ورجعت من سبتمبر2005 إجباريا في قاع لأطوار دّراسية وثّانوية ،وبنظرة واحدوخرا،لحكومة في كل عام تكونطرولي تعليم تاع دّين ودير دورات علاجال باش تحذر لمجتمع ملعنف.

من علم لمجتمع

نهار عيد لميلود نبوي شّريف هو نهار لّي زاد فيه آخر لانبياء و رّسل ،رسول لاسلام محمد عليه صّلاة وسّلام وعندها بزّاف قرون. لّي يحتافلو بهاذ ليوم ،يديروه سبة باش يديروا بزاف لي زاكسيدو تضر صحتهم كل عام. ولّي يقراو لقرآن وذراري الي يحفظوا لقرآن يعطولهم كدوّات من وزارات مختلفة وجمعيات كيما لإحسان فكل لاعياد دّينية.

شوف تاني