Yuri Gagarin (òrere Yuri Alexeyevich Gagarin me igwegwen iso me Ebeke, mè ire Юрий Алексеевич Гагарин me usem Rọṣia; iman: 9 Mâchi 1934 – 27 Mâchi 1968) ìre ogwu Rọṣia, ogwu òwulu ujinyọn̄ mè ogwu usọ emen efet [astronaut]
[infobox]
Ibene ugwem kan̄ edit
Eman Yuri Gagarin me ama-ija [village] Klushino òkup igbet Ghzatsk (ònikup mgbọ keyi me Smolensk Oblast, Rọṣia) me 9 Mâchi 1934. Mîwene erieen̄ ama Ghzatsk inikigwen Gagarin me acha 1968 isa inyi ọmọ umin. Ogwu ute mè ogwu uga Alexey Ivanovich Gagarin mè Anna Timofeyevna Gagarina, ekekirọ uko egbagbaan̄ iche [collective farm].<ref2> Mfufuk ìtumu ibe ogwu uga îkima ifufuk ikpa enenen sà ogwu ute ore ogwu usọ uti òrọriọọn̄ ikwaan̄ kan̄ ijaan̄ lek. Yuri okore òso ita me etete bọn ini; ogwu ngwan̄ enenwaan̄ ogwu ugane okitap ubọk ikpukpo ọmọ mgbọ ogwu uga mè ogwu ute ekisi ikwaan̄. Ike îkupbe me lek efie efie ene me Mgba-ntitiin̄ Sọviet, ebi ototun̄ ukan̄ Gagari mîbọkọ uyọt mgbọ ebi Nazi ejibibe akọn̄ inu me emen mgbọ Akọn̄ Linyọn̄ òso iba. Mîsan̄a ebi ngwan̄ kan̄ iba ugane iria isi Jameni ebi Nazi mè ekesi ikwaan̄ òbọp me acha 1943, ema kpegwu ikom ika mege mgbọ akọn̄ ya otabe.
Me mgbọ ijija kan̄ îbene ikikaan̄ ulọk me lek emen efet [space] mè <planets>, mè ibene ikimumun̄ ifolek ijeje ọmọ okijebe ikana emen efet, eyi ònenirọ iso.<ref3> Ebi ijejeen̄ kan̄ me uwu-ikpa ekimun̄ ọmọ kire gwun̄ òkigwat lek igobo inu itet, mè ikitap lek me ikween̄-inu, mè ogwu òkitap asabọn ufialek [mischievous]. Ebi ìkijeen̄ ọmọ <math> mè <sayensi> ìre ebi ìrarak iwulu me uji akọn̄ efet eyi Mgba-ntitiin̄ Sọviet [Soviet Air Force] me emen mgbọ akọn̄ ya, eya onenitap gwuja [young] Gagarin nkeek me emen.
Nrọnnye edit