Abichi Otutuuk Naijiria ìre abichi òkaan̄ nkwukwuuk 33 me emen, eyi uwu òkikpọ chieen̄ me lek usem me Naijiria òrere National Language Centre enen̄ebe isun̄ me emen 1980 cha. Ǹkeek ebi ìsasan̄a abichi yi isibi ìre ke mêkọt isa ikige otutuuk usem Naijiria me ekatapge nkwukwuuk mgban-iba me lek okwukwut ya.
Efit efit usem òwa ekitumu me Naijiria. Mije abichi eyi Latin, îyọt ikọkọt irom <typewriter> eyi òbokige usem Naijiria. Me emen 1980 cha, ebi Ebon Otutuuk Usem Naijiria ebene ikiweek ubọk mêsabe isan̄a abichi ge mêkọtbe isa ige usem geelek me Naijiria. Ebi uwu-ikwaan̄ usem yi, enenisa ata ekiket eyi Kay Williamson ogwu usọ usem osan̄abe isibi me acha 1981, isa ibene ikwaan̄ kiban̄. Me acha 1985 re 1986, Edward Oguejofor mè Victor Manfredi, egbagbaan̄ mèlek uwu-ikwaan̄ Ebon Otutuuk Usem Naijiria, irom ... sa me ntap-ubọk usọ-ikwaan̄ ònan̄a me ubọk kè Herman Zapf, ogwu usọ òrom <typewriter>, ogwu Jameni.
Nkwukwuuk ikọ
Me nkwukwuuk chi, ekisa iman̄ ubene ida (´), iman̄ ngele ida (`), iman̄ ida òkirọrọn̄ (ˆ), itoon̄ me inyọn̄ ikọ isa ijeen̄ ike ida okupbe. Kpekitap iman̄ geege me lek ekem ekem ida.