ဝၼ်းၸၼ်၊ မၢတ်ႉၶျ် 25၊ 2024
_with_disputed_territories.svg)
ယွၼ်ႉ ပၢင်သိုၵ်းၵႃႇၸႃႇလႄႈ ဢိတ်ႇသရေးၼႆႉ လႆႈမီးလွင်ႈသိူၵ်ႈသမ်ႇၶဵင်ႈၶႅင်ၵၼ်တင်း ၸုမ်းဢူၺ်းလီၵၢၼ်သိုၵ်း ပိူင်လူင်မၼ်းလႄႈ တွၼ်ႈတႃႇ ႁူပ်ႉထူပ်းဢုပ်ႇဢူဝ်းၵၼ်တင်း လူင်ပွင်ၸိုင်ႈ ဢမႄႇရိၵၢၼ်ႇ ၼႆသေ ၽွင်းလူင်ၵၢၼ်ၵႅတ်ႇၵင်ႈဢိတ်ႇသရေး Yoav Gallant လႆႈတႄႇၶၢဝ်းတၢင်းၸူး ဝႃႇသျိၼ်ႇတၼ်ႇယူႇယဝ်ႉ။
ယွၼ်ႉပိူဝ်ႈ တီႈၵႃႇၸႃႇၼၼ်ႉ ၵူၼ်းမိူင်း လႆႈတၢႆ ႁူဝ်မိုၼ်ႇမၼ်း၊ တိူၵ်ႈ တီႈယူႇတၼ်းသဝ်း လႆႈလူႉလႅဝ်လႄႈ ၵူၼ်းဢၢၼ်ႇႁူဝ်လၢၼ်ႉမၼ်း လႆႈႁၢမ်းႁိူၼ်းႁၢမ်းယေးသေ ယွၼ်ႉလူဝ်ႇတၢင်းၸွႆႈထႅမ်ဝႆႉယူႇလႄႈ ၼင်ႇႁိုဝ် ပေႃးတေၸၢင်ႈၸွႆႈထႅမ်လႆႈၼၼ်ႉ ႁႂ်ႈယွၼ်ႇယွမ်းပၼ် လွင်ႈတိုၵ်းတေႃးၼႆ ၽၢႆႇဢမႄႇရိၵၢၼ် တိုၵ်းသူၼ်းယူႇသေတႃႉ ဢိတ်ႇသရေး ဢမ်ႇပႆႇယွမ်းႁၢပ်ႉၵွၼ်ႇ။
ယွၼ်ႉပိူဝ်ႈ တီႈၵႃႇၸႃႇၼၼ်ႉ ၵူၼ်းမိူင်း လႆႈတၢႆ ႁူဝ်မိုၼ်ႇမၼ်း၊ တိူၵ်ႈ တီႈယူႇတၼ်းသဝ်း လႆႈလူႉလႅဝ်လႄႈ ၵူၼ်းဢၢၼ်ႇႁူဝ်လၢၼ်ႉမၼ်း လႆႈႁၢမ်းႁိူၼ်းႁၢမ်းယေးသေ ယွၼ်ႉလူဝ်ႇတၢင်းၸွႆႈထႅမ်ဝႆႉယူႇလႄႈ ၼင်ႇႁိုဝ် ပေႃးတေၸၢင်ႈၸွႆႈထႅမ်လႆႈၼၼ်ႉ Gallant ၼႆႉ ပေႃးဝၼ်းၸၼ်မႃး တေထူပ်းၵၼ်တင်း ၽွင်းလူင်ၵၢၼ်ၵႅတ်ႇၵင်ႈ ဢမႄႇရိၵၢၼ်ႇ Lloyd Austi, ၽွင်းလူင် ၵၢၼ်ၼွၵ်ႈမိူင်း ဢမႄႇရိၵၢၼ်ႇ Antony Blinken, ၽူႈပၼ်တၢင်းၶႆႈၸႂ် ပၢႆးႁူမ်ႇလူမ်ႈ ၸိုင်ႈမိူင်း ႁိူၼ်းၵႅဝ်ႈၶၢဝ် Jake Sullivan လႄႈ ဢိၵ်ႇတင်း ၸၼ်ႉတႃၶုၼ်ထၢၼ်ႈယႂ်ႇ ၸိူဝ်းၼႆႉၼႆ လႆႈလၢတ်ႈဝႆႉ တီႈၼႂ်း ၶေႃႈပိုၼ်ၽၢဝ်ႇ ဢိတ်ႇသရေးဝႆႉယူႇ။
လိူဝ်သေၼၼ်ႉဢမ်ႇၵႃး မိူဝ်ႈဝၼ်းသုၵ်းၼၼ်ႉၵေႃႈ တီႈပၢင်ဢုပ်ႇဢူဝ်း ၼႂ်းၵႄႈ ၽွင်းလူင်ၵၢၼ်ၼွၵ်ႈမိူင်း ဢမႄႇရိၵၢၼ်ႇ Blinken လႄႈ ၽူႈဢွၼ်ႁူဝ် ဢိတ်ႇသရေး ၶဝ်ၼၼ်ႉ လႆႈမီးလွင်ႈၶဵင်ၶႅင် တေႃႇၵၼ်မႃးလႄႈ ၸွမ်းၼင်ႇ လွင်ႈၽိတ်ႈမွၵ်ႇ ၽွင်းလူင်ၵၢၼ်ၵႅတ်ႇၵင်ႈ ဢမႄႇရိၵၢၼ်ႇ Austin သေ ၽွင်းလူင်ၵၢၼ်ၵႅတ်ႇၵင်ႈ ဢိတ်ႇသရေး Gallant ၸင်ႇလႆႈမီး ၶပ်ႉမၢႆၶၢဝ်းတၢင်း ဢမႄႇရိၵၢၼ်ႇမႃး ၸိူင်ႉၼင်ႇၼႆယဝ်ႉ။
ဢမႄႇရိၵၢၼ်ႇၶဝ် တုၵ်းယွၼ်း ဢိတ်ႇသရေး ႁၢဝ်ႈႁၢဝ်ႈႁႅင်းႁႅင်း တွၼ်ႈတႃႇ ယႃႇႁႂ်ႈတိုၵ်းဝဵင်း ရႃႇၾႃႇ ဢၼ်ၵူၼ်းပၢႆႈၽေး ပႃးလဵတ်ႈသတၢႆး လၢၼ်ႉပၢႆ မႃးသေႃႉယူႇဝႆႉၼၼ်ႉယဝ်ႉ။
ငိူၼ်ႈငဝ်ႈတိုၼ်း
- VOA News. "အစ္စရေးကာကွယ်ရေး၀န်ကြီး ၀ါရှင်တန်ခရီးစဥ်စတင်" — VOA News, March 24, 2024
- Rachel Pannett, Annabelle Timsit and Sarah Dadouch. "Israeli defense chief to visit Washington as tensions rise over Gaza war" — The Washington Post, March 24, 2024
- AFP in Jerusalem. "Israel defence chief to head to Washington for Gaza talks" — The Guardian, March 23, 2024
- EMANUEL FABIAN, JACOB MAGID and LAZAR BERMAN. "Gallant to leave for Washington Sunday at invitation of US defense chief" — The Times of Israel, March 23, 2024
