ဝၼ်းၸၼ်၊ သႅပ်ႇထႅမ်ႇပႃႇ 2၊ 2024
မိူဝ်ႈၼႆႉ ဢိတ်ႇသရေး ပိုၼ်ၽၢဝ်ႇဝႃႈ လႆႈႁၼ်ၶိုၼ်း တူဝ်တၢႆ ၵူၼ်း 6 ၵေႃႉ ဢၼ်ၸုမ်းႁမၢသ်ႉၶဝ် ဢဝ်ၵႂႃႇ တီႈၼႃႈလိၼ် ၵႃႇၸႃႇၼၼ်ႉ ၼႆယဝ်ႉ။ ၼႂ်းတူဝ်တၢႆၸိူဝ်းၼၼ်ႉ ပႃးၵူၼ်းၼုမ်ႇ ၸၢဝ်းဢိတ်ႇသရေး ဢမႄႇရိၵၢၼ်ႇ ၵေႃႉ႞ ဢၼ်ပေႃႈမႄႈမၼ်း ႁူပ်ႉထူပ်း ၽူႈဢွၼ်ႁူဝ် ၸၼ်ႉလုမ်ႈၾႃႉသေ တဵၵ်းလၢတ်ႈ ႁႂ်ႈပွႆႇပၼ်မၼ်း ဝႆးဝႆးၼၼ်ႉယဝ်ႉ။
ၽၢႆႇတပ်ႉသိုၵ်းဢိတ်ႇသရေးၶဝ်ၵေႃႈ လၢတ်ႈဝႆႉဝႃႈ ၵူၼ်းဢၼ်ၺႃးၺွပ်းဝႆႉၼၼ်ႉ လႆႈထုၵ်ႇဢဝ်တၢႆပႅတ်ႈမူတ်း မိူဝ်ႈသိုၵ်းဢိတ်ႇသရေးၶဝ် ပႆႇႁွတ်ႈၽႅဝ်ၼၼ်ႉ ၼႆယဝ်ႉ။ လွင်ႈဢၼ် ၵူၼ်းၺႃးၺွပ်းၶဝ် လႆႈတၢႆၵႂႃႇၼၼ်ႉ မီးလွင်ႈႁွင်ႉသၢၼ်ၶတ်းမႃးၼိူဝ် ၸွမ်ၽွင်းလူင် ပႅၼ်ႇၸမိၼ်ႇ ၼႄႇတၼ်ႇယႃႇႁု ဢၼ်ဢမ်ႇႁဵတ်းလႆႈ တႃႇႁႂ်ႈၵိုတ်းတိုၵ်း လႄႈ တႃႇႁႂ်ႈၵူၼ်းၺႃးၺွပ်းၶဝ် လွတ်ႈဢွၵ်ႇမႃးၼၼ်ႉ ၼႆယဝ်ႉ။
တႃႇတေၵိုတ်းတိုၵ်းတီႈၵႃႇၸႃႇ ပႃးၸဵမ်လွင်ႈပွႆႇပၼ်ၵူၼ်းၺႃးၺွပ်းဝႆႉၸိူဝ်းၼၼ်ႉၵေႃႈ လႆႈဢုပ်ႇၵုမ်ၵၼ်မႃး လၢႆလိူၼ်ယဝ်ႉ။ ၸွမ်ၽွင်းလူင် လၢတ်ႈဝႃႈ လွင်ႈဢၼ် ၸုမ်းႁမၢဝ်ႉၶဝ် ဝႆႉလိူတ်ႈၵတ်းၵတ်းသေ ၶႃႈႁႅမ်တၢႆ ၵူၼ်းၸိူဝ်းထုၵ်ႇၺွပ်းဝႆႉၼၼ်ႉ တေဢဝ်ပုၼ်ႈၽွၼ်း ၼႆယဝ်ႉ။ မၼ်းယင်းလၢတ်ႈဝႃႈ ၸိူဝ်းဢၼ်ၶႃႈႁႅမ် ၵူၼ်းၺႃးၺွပ်းၼၼ်ႉ ပဵၼ်ၵူၼ်းၸိူဝ်းဢမ်ႇၶႂ်ႈဢုပ်ႇဢူဝ်းၵၼ် ဝႃႈၼႆယဝ်ႉ။
ငိူၼ်ႈငဝ်ႈၶၢဝ်ႇ
- Josef Federman / Ap. "Israel Recovers Bodies of Six Hostages in Gaza, Including Israeli-American" — Time, September 1, 2024
- Jaroslav Lukiv & Adam Durbin. "Israel recovers bodies of six Gaza hostages" — BBC News, September 1, 2024
- Emily Rose and Nidal Al-Mughrabi. "Massive protests hit Israel after six hostages killed in Gaza" — Reuters, September 2, 2024
- JOSEF FEDERMAN and MELANIE LIDMAN. "Israelis erupt in protest to demand a cease-fire after 6 more hostages die in Gaza" — AP News, September 2, 2024
- Rebecca Cohen, Megan Lebowitz, Hayley Walker and Yarden Segev. "Six hostages, including Israeli American Hersh Goldberg-Polin, found dead in Gaza" — NBC News, September 1, 2024
