ဝၼ်းၸၼ်၊ မေႇ 20၊ 2024
_with_disputed_territories.svg)
လႆႈလၢမ်းဝႆႉတႄႉ ၵျဵၵ်ႉသူႇလီႇဝႅၼ်ႇ ဢၼ်ပဵၼ် ၽူႈပၼ်တၢင်းၶႆႈၸႂ် ၵၢၼ်ႁူမ်ႇလူမ်ႈ ႁိူၼ်းၵႅဝ်ႈၶၢဝ် ဢမႄႇရိၵၢၼ်ႇ လဵပ်ႈတေမွၵ်ႇလၢတ်ႈပၼ်ႁဵင်းတဵၵ်း ၼိူဝ် ၸွမ်ၽွင်းလူင် ဢိတ်ႇသရေး ပႅၼ်ႇၸမိၼ်ႇ ၼႄႇတၼ်ႇယႃႇႁု ဝႃႈ တႃႇႁႂ်ႈ ႁဵတ်း လွင်ႈႁၢင်ႈသိုၵ်း ဢၼ်တိူဝ်းဝႆႉယိူင်းမၢႆတီႈၼိူဝ် ႁႃးမၢတ်ႉသ် ၸိူဝ်းမီးတီႈ ၵႃႇၸႃႇၼၼ်ႉၵူၺ်း ဢၼ်ဝႃႈၼၼ်ႉယဝ်ႉ။
ယွၼ်ႉပိူဝ်ႈ တပ်ႉသိုၵ်းဢိတ်ႇသရေးၼႆႉ လႆႈလေႃႇတိုၵ်း ၼိူဝ်လိၼ် ၸဵမ်ၼိူဝ် ၵၢင်ႁၢဝ်လႄႈ ၸူးတီႈ ထုင်ႉၵႃႇၸႃႇယူႇလႄႈ ၵူၼ်းမိူင်းပႃးလဵတ်ႈသတၢႆးတီႈၵႃႇၸႃႇ ပဵၼ်ဢၼ်လႆႈၺႃးတၢင်းတုၵ်ႉယူႇ တႄႉတႄႉဝႃႈဝႃႈၼၼ်ႉယဝ်ႉ။ ႁိူၼ်းၵႅဝ်ႈၶၢဝ် လႆႈလၢတ်ႈမႃး လူင်ႈၼႃႈ မိူဝ်ႈပႆႇတႄႇပၢင်ဢုပ်ႇဢူဝ်းၼၼ်ႉဝႃႈ ၶဝ်လႆႈလၢမ်းဝႆႉဝႃႈ သူႇလီႇဝႅၼ်ႇ တေတိုၵ်းသူၼ်းဢိတ်ႇသရေးၵႂႃႇ တႃႇယႃႇႁႂ်ႈ ႁၢင်ႈသိုၵ်းလေႃႇတိုၵ်း ဝဵင်းရႃႇၾႃႇ တီႈလႅၼ်လိၼ် ပွတ်းၸၢၼ်းၵႃႇၸႃႇၼၼ်ႉ တဵမ်ထူၼ်ႈ လႄႈ ႁႂ်ႈလႆႈလွင်ႈၽွမ်ႉၸႂ် ၵိုတ်းတိုၵ်း ဝႃႈၼႆယဝ်ႉ။
ဢိတ်ႇသရေးၶဝ် ႁၼ်ထိုင်ဝႃႈ ဝဵင်းရႃႇၾႃႇၼႆႉ ပဵၼ် ၼႃႈလိၼ်မၼ်ႈၵႅၼ်ႇလိုၼ်းသုတ်း ႁႃးမၢတ်ႉသ်ၶဝ် ၼႆယဝ်ႉ။ ၵူၺ်းၵႃႈဝႃႈ ၵူၼ်းမိူင်း ၸိူဝ်းလုၵ်ႉတီႈ ထုင်ႉၵႃႇၸႃႇသေ ၶၢႆႉၵႂႃႇၼၼ်ႉၵေႃႈ ဢွၼ်ၵၼ် သေႃႉယူႇဝႆႉတီႈ ဝဵင်းရႃႇၾႃႇၼၼ်ႉယဝ်ႉ။ မိူဝ်ႈပႆႇတႄႇ လွင်ႈႁၢင်ႈၵၢၼ်သိုၵ်း လူင်ႈၼႃႈသွင်ဝူင်ႈၼၼ်ႉ တီႈဝဵင်းရႃႇၾႃႇၼၼ်ႉ ဢၼ်မိူင်းပႃးလဵတ်ႈသတၢႆး ယူႇဝႆႉ မွၵ်ႈ 1.4 လၢၼ်ႉၼၼ်ႉယဝ်ႉ။ ဝၢႆးသေၼၼ်ႉ တေၵႂႃႇတၢင်းလႂ် ဢမ်ႇႁူႉလီသေတႃႉ ၵူၼ်းမိူင်း ဢၼ်ပၢႆႈဢွၵ်ႇ ဝဵင်းရႃႇၾႃႇၵႂႃႇၼၼ်ႉ မီးယူႇ မွၵ်ႈ ပႅတ်ႇသႅၼ်ၼၼ်ႉၼႆႉ ဢၼ်ပဵၼ် UNRWA ၸုမ်းၸၢတ်ႈၸိုင်ႈလုမ်ႈၾႃႉ ဢၼ်ၵဵဝ်ႇၵပ်း ၵူၼ်းပၢႆႈၽေး လႆႈမွၵ်ႇလၢတ်ႈ မိူဝ်ႈဝၼ်းသဝ်ၼၼ်ႉယဝ်ႉ။
ငိူၼ်ႈငဝ်ႈတိုၼ်း
- VOA News. "US envoy discusses ‘potential’ of Israel-Saudi offer with Netanyahu" — VOA News, May 19, 2024
- BBC News. "US security adviser urges Netanyahu to connect war to 'political strategy'" — BBC News, May 19, 2024
