ဝၼ်းသဝ်၊ မၢတ်ႉၶျ် 30၊ 2024
_with_disputed_territories.svg)
.jpeg)
ၸွမ်ၽွင်းလူင်ဢိတ်ႇသရေး ပႅၼ်ႇၸမိၼ်ႇ ၼႄႇတၼ်ႇယႃႇႁု လႆႈယိုၼ်ယၼ်ပၼ် မိူဝ်ႈဝၼ်းသုၵ်းၼၼ်ႉဝႃႈ တႃႇၶိုၼ်းႁဵတ်း ပၢင်ႇဢုပ်ႇဢူဝ်း လွင်ႈငမ်းယဵၼ်ၵၼ်တင်း ႁႃးမၢတ်ႉသ် ဝႃႈၼႆယဝ်ႉ။ ဝၢႆးသေ လုမ်းတတ်းသိၼ် ၵူႈမိူင်းမိူင်း ICJ လႆႈ တမ်းၶေႃးပူင် ဢိတ်ႇသရေးဝႃႈ တႃႇၸွႆႈထႅမ် ပႃးလဵတ်ႈသတၢႆး ၸိူဝ်းဢၼ်ထူပ်းၺႃး ၽေးဢိုပ်းယူႇတီႈ ၵႃႇၸႃႇၼၼ်ႉ ၼႆယဝ်ႉ ထႅင်ႈဝၼ်းၼိုင်ႈၵေႃႈ ၸွမ်ၽွင်းလူင်ဢိတ်ႇသရေး ၸင်ႇလႆႈ ၽွမ်ႉၸႂ်မႃး ၼင်ႇၼႆယဝ်ႉ။
ဢိတ်ႇသရေး လႆႈပိုၼ်ၽၢဝ်ႇ မိူဝ်ႈဝၼ်းသုၵ်းၼၼ်ႉ လၢတ်ႈဝႃႈ ပေႃးဝႃႈ ပွႆႇပၼ် ၵူၼ်းဢိတ်ႇသရေး ၸိူဝ်းတိၺွပ်းၵႂႃႇၼၼ်ႉၸိုင် တေၵိုတ်းလွင်ႈႁၢင်ႈသိုၵ်း တီႈၵႃႇၸႃႇၼႆသေ ယၢမ်းလဵဝ် လႆႈၵိုတ်းတိုၵ်းဝႆႉ ၸိူဝ်ႈၵႅပ်ႉသေ တွၼ်ႈတႃႇလႆႈၶေႃႈၽွမ်ႉၸႂ်ၵိုတ်းတိုၵ်းၼၼ်ႉ တေဢုပ်ႇဢူဝ်းၵႂႃႇထႅင်ႈၼႆယဝ်ႉ။
ပၢင်တိုၵ်းၵႃႇၸႃႇၼႆႉ ၶဝ်ႈမႃးၼႂ်း ႁူၵ်းလိူၼ်ယဝ်ႉသေ တွၼ်ႈတႃႇၵိုတ်းတိုၵ်းလႆႈထႅင်ႈၵမ်းၼိုင်ႈၼႆႉ ၸဵမ်မိူဝ်ႈ ပွႆႇပၼ် ၵူၼ်းဢိတ်ႇသရေး ၸိူဝ်းတိၺွပ်းၵႂႃႇ ပဵၼ်ပွၵ်ႈဢၼ်တၢင်းသုတ်း မိူဝ်ႈလိူၼ်ဢွၵ်ႇထူဝ်ႇပႃႇၼၼ်ႉယဝ်ႉသေ ပႆႇလႆႈပွႆႇပၼ်ၶိုၼ်းထႅင်ႈလႄႈ ၼင်ႇႁိုဝ် ၵူၼ်းၸိူဝ်းထုၵ်ႇႁႃးမၢတ်ႉသ်ၶဝ် တိၺွပ်းၵႂႃႇၼၼ်ႉ ပေႃးတေ လႆႈလွတ်ႈဢွၵ်ႇမႃးၼၼ်ႉ ဢမႄႇရိၵၢၼ်ႇ၊ ၶႃႇတႃႇ လႄႈ ဢီးၵျိပ်ႈၶဝ် ၶဝ်ႈၵၢင်သေ ငူပ်ႉငိပၼ်ယူႇၼၼ်ႉယဝ်ႉ။
ၸွမ်ၽွင်းလူင် ဢိတ်ႇသရေး ၼႄႇတၼ်ႇယႃႇႁု ၼႆႉ လႆႈၺႃးတင်း လွင်ႈပၼ်ႁႅင်းတဵၵ်းၼႂ်းမိူင်း ယွၼ်ႉပိူဝ်ႈဝႃႈ တႃႇ ၵူၼ်းဢိတ်ႇသရေး ၸိူဝ်းထုၵ်ႇႁႃးမၢတ်ႉသ်ၶဝ် တိၺွပ်းၵႂႃႇ မိူဝ်ႈ ဢွၵ်ႇထူဝ်ႇပႃႇ 7 ဝၼ်းၼၼ်ႉ ႁႂ်ႈပေႃးလွတ်ႈဢွၵ်ႇမႃး ၼၼ်ႉ ဢမ်ႇပႆႇၸၢင်ႈႁဵတ်းပၼ်လႆႈ တဵမ်တဵမ်ထူၼ်ႈထူၼ်ႈ လႄႈ လႆႈဢုပ်ႇဢူဝ်းၵၼ်တင်း ၽူႈငူပ်ႉငိၶဝ်သေ မၼ်းလႆႈ ပၼ်ၶႂၢင်ႉ တႃႇႁႂ်ႈ တူဝ်တႅၼ်းဢိတ်ႇသရေး ၶဝ်ႈပႃးတီႈ လွင်ႈဢုပ်ႇဢူဝ်းၵိုတ်းတိုၵ်း ဢၼ်တေႁဵတ်းတီႈ ၶႃႇတႃႇ လႄႈ ဢီးၵျိပ်ႈ ၼႂ်းဝူင်ႈဝၢင်ႈတေမႃးၼၼ်ႉယဝ်ႉ။ ၵူၼ်းဢိတ်ႇသရေး ၸိူဝ်းႁႃးမၢတ်ႉသ်ၶဝ် တိၺွပ်းဝႆႉတေႃႇထိုင်ယၢမ်းလဵဝ်ၼႆႉ တေမီးယူႇမွၵ်ႈ 100 ၵေႃႉၼႆႉၼႆႆႆႆႆႆယဝ်ႉ။
ငိူၼ်ႈငဝ်ႈတိုၼ်း edit
- VOA News. "Netanyahu Approves Fresh Cease-Fire Talks With Hamas" — VOA News, March 29, 2024
- VOA News. "ဟားမတ်(စ်)နဲ့ အပစ်ရပ်ရေး ဆွေးနွေးဖို့ Netanyahu သဘောတူ" — VOA News, March 30, 2024
- The Associated Press. "Netanyahu says Israel will return to table for cease-fire talks with Hamas" — Associated Press, March 29, 2024
