ဝၼ်းသဝ်၊ မေႇ 4၊ 2024
.svg)
.jpg)
မိူဝ်ႈ လိူၼ်မေႇ လႄႈ လိူၼ်ဢေႇပရႄႇပူၼ်ႉမႃးၼၼ်ႉ ၸွမ်ၽွင်းလူင်ထႆႈၵဝ်ႇ ထၵ်းသိၼ်ၶျိၼဝတ်ႉရ် ၼႆႉ လႆႈႁူပ်ႉထူပ်းၵၼ်တင်း ၸုမ်းလူင်ပွင်ၸိုင်ႈ လွင်ႈၽွမ်ႉႁူမ်ႈၸိူဝ်ႉၸၢတ်ႈ NUG ၊ ၸုမ်းၸၢဝ်းၶိူဝ်း ယိပ်းၵွင်ႈၵၢင်ႇၵမ်ႈၽွင်ႈ ဝႃႈၼႆယဝ်ႉ။ မိူဝ်ႈပူၼ်ႉမႃး လၢႆလၢႆဝၼ်းၼၼ်ႉ လႆႈႁူပ်ႉထူပ်းၵၼ်တင်း ၸဝ်ႈသိုၵ်းလူင် ယွၼ်ႈသိုၵ်း ဢၼ်ပဵၼ် ၽူႈဢွၼ်ႁူဝ် RCSS/SSA ၶွင်ႇသီႇဢဝ်ၶိုၼ်ႈၸိုင်ႈတႆး / တပ်ႉသိုၵ်းၸိုင်ႈတႆး သေ၊ မိူဝ်ႈလိူၼ်ပူၼ်ႉမႃး ၼႂ်းလိူၼ်မၢတ်ႉၶ်ျၼၼ်ႉၵေႃႈ လႆႈႁူပ်ႉထူပ်းၵၼ်တင်း ႁူမ်ႈတုမ်ၸိူဝ်ႉၸၢတ်ႈယၢင်းၽိူၵ်ႇ (KNU)၊ ပႃႇတီႇမႂ်ႇသုင် ၸိူဝ်ႉၸၢတ်ႈယၢင်းလႅင် (KNPP)၊ ႁူမ်ႈတုမ်ၸိူဝ်ႉၸၢတ်ႈၶၢင် (KNO) လႄႈ ၸုမ်းလူင်ပွင်ၸိုင်ႈ လွင်ႈၽွမ်ႉႁူမ်ႈၸိူဝ်ႉၸၢတ်ႈ NUG ၸိူဝ်းၼႆႉ ဝႃႈၼႆယဝ်ႉ။
ၵူၼ်းႁူႉၸွမ်း ပၢင်ႁူပ်ႉထူပ်းၸိူဝ်းၼႆႉ လၢတ်ႈဝႃႈ ၸွမ်ၽွင်းလူင်ၵဝ်ႇထႆးၼႆႉ လႆႈႁွတ်ႈမႃး ဢုပ်ႇဢူဝ်း တႃႇၶဝ်ႈၵႄႈၵၢင်ၸွႆႈထႅမ် လိူင်ႈမျၢၼ်ႇမႃႇ ဝႃႈၼႆယဝ်ႉ။ ၸွမ်ၽွင်းလူင် သိတ်ႉထႃထဝိတ်ႉသိၼ် လၢတ်ႈဝႆႉဝႃႈ ၽွင်းၶၢဝ်းယၢမ်းၼႆႉ တပ်းသိုၵ်းမၢၼ်ႈၼႆႉ ယွၼ်ႉပိူဝ်ႈမၼ်း ႁႅင်းဢူၼ်ႈမႃးယူႇလႄႈ ပဵၼ်ၶၢဝ်းယၢမ်းလီ တွၼ်ႈတႃႇႁဵတ်း လွင်ႈငူပ်ႉငိ ဝႃႈၼႆႉယဝ်ႉ။ ၽွင်းပဵၼ်သၢႆငၢႆၼင်ႇၼႆ ဢၼ်ပဵၼ် ၸွမ်ၽွင်းလူင်ထႆးၵဝ်ႇ ထၵ်းသိၼ် ဢၼ်မီးလွင်ႈႁူမ်ႇငမ်းၼိူဝ် လူင်ပွင်ၸိုင်ႈထႆး ယၢမ်းလဵဝ်ၼႆႉ ၸင်ႇလႆႈႁူပ်ႉထူပ်းၵၼ်တင်း ၸုမ်းၸၢဝ်းၶိူဝ်း မႃးၼင်ႇၼႆယဝ်ႉ။
တီႈလႅၼ်လိၼ် ထႆး လႄႈ တီႈဢွင်ႈတီႈၼႂ်း မျၢၼ်ႇမႃႇၵမ်ႉပႃႈၼမ်ၼႆႉ လႆႈပဵၼ်ပၢင်တိုၵ်းဝႆႉ ၵႂၢင်ႈၵႂၢင်ႈၶႂၢင်ၶႂၢင်သေ ၸိူဝ်းပဵၼ် တပ်ႉၸၢဝ်းၶိူဝ်း ႈလႄ တပ်ႉၵႅတ်ႇၵင်ႈၵူၼ်းမိူင်းၶဝ် လႆႈမႄႇၶႂၢၵ်ႈသိမ်းဢဝ် ၼႃႈလိၼ်မႃးယူႇသေ ၸင်ႇလႆႈမီး လွင်ႈႁူပ်ႉထူပ်းၵၼ်မႃးၼင်ႇၼႆယဝ်ႉ။ မိူဝ်ႈတီႈ ဝဵင်းမျႃႉဝတီႇ ဢၼ်ပဵၼ် ဝဵင်းလႅၼ်လိၼ် ထႆး-မၢၼ်ႈ ၼၼ်ႉ ပဵၼ်ပၢင်တိုၵ်းႁၢဝ်ႈႁႅင်းၼၼ်ႉၵေႃႈ တူဝ်ၸွမ်ၽွင်းလူင်ထႆး လႆႈၶပ်ႉၶိုင် တႃႇမႃးႁွတ်ႈထိုင်တီႈ လႅၼ်လိၼ်သေတႃႉ ဢမ်ႇတၼ်းလႆႈပဵၼ်မႃး။ ဢၼ်ပဵၼ် ၽွင်းလူင်ၵဝ်ႇ ၵၢၼ်ၼွၵ်ႈမိူင်း ထႆး Panpree Bahiddha-Nukara ၼၼ်ႉတႄႉ လႆႈႁွတ်ႈၽႅဝ်မႃးထိုင်တီႈႁိမ်း ၶူဝ် တီႈလႅၼ်လိၼ်မၢၼ်ႈသေၵေႃႈ လႆႈတိုၵ်းသူၼ်း တင်းသွင်ပႃႈသွင်ၽၢႆႇ ႁႂ်ႈဢွၼ်ၵၼ်ဝူၼ်ႉဝူၼ်ႉသွၼ်ႇသွၼ်ႇသေ ႁဵတ်း ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
- VOA News. "ထိုင်းဝန်ကြီးချုပ်ဟောင်း Thaksin နဲ့ တိုင်းရင်းသားအဖွဲ့တချို့တွေ့ဆုံခဲ့" — VOA News, May 4, 2024
