Wn/shn/ၵၢၼ်ႇတိုၵ်းသူၼ်းၶွင်ႇသီႇႁူမ်ႇလူမ်ႈ တႃႇၵမ်ႉထႅမ်ပၼ် ပိူင်ယုၵ်းယၢင်ႇၵိုတ်းတိုၵ်းၷႃႇꩡႃႇ

ဝၼ်းၽတ်း၊ ၸုၼ်ႇ 6၊ 2024 

ၽွင်းတၢင်ဢမႄႇရိၵၢၼ်ႇ ၸုမ်းၸၢတ်ႈၸိုင်ႈလုမ်ႈၾႃႉ လိၼ်ႇတႃႇတေႃးမၢသ်ႉၵရိၼ်းၾီးလ်

ဢမႄႇရိၵၢၼ်ႇ လႆႈတိုၵ်းသူၼ်း ၶွင်ႇသီႇပၢႆးႁူမ်ႇလူမ်ႈ ၸုမ်းၸၢတ်ႈၸိုင်ႈလုမ်ႈၾႃႉ တႃႇၵမ်ႉထႅမ်ပၼ် ပိူင်ယုၵ်းယၢင်ႇၶေႃႈတၢင်ႇလၢတ်ႈ လွင်ႈၵိုတ်းတိုၵ်း ဢိတ်ႇသရေး ႁႃးမၢတ်ႉသ် ဢၼ်ပဵၼ် ၸဝ်ႈၸွမ်ၸိုင်ႈပၢႆႇတႅၼ်ႇ တၢင်ႇလၢတ်ႈ ဢၼ်ပႃး ၸၼ်ႉသၢမ်ၸၼ်ႉၼၼ်ႉဝႃႈၼႆယဝ်ႉ။ မိူဝ်ႈဝၼ်းၸၼ်ၼၼ်ႉ ၽွင်းတၢင်လူင်ဢမႄႇရိၵၢၼ်ႇ ဢၼ်ၵဵဝ်ႇၵပ်း ၸုမ်းၸၢတ်ႈၸိုင်ႈလုမ်ႈၾႃႉ လိၼ်ႇတႃႇတေႃးမၢသ်ႉၵရိၼ်းၾီးလ် လႆႈဢဝ် ၶေႃႈတၢင်ႇလၢတ်ႈၼၼ်ႉ ပိုၼ်ၽႄႈပၼ် ၽူႈၶဝ်ႈၸုမ်း 14 မိူင်းၼၼ်ႉယဝ်ႉ။

တီႈၼႂ်း ၶေႃႈပိုၼ်ၽၢဝ်ႇ ၽွင်းတၢင်လူင် ဢမႄႇရိၵၢၼ်ႇၼၼ်ႉ လၢတ်ႈဝႆႉဝႃႈ ၽူႈဢွၼ်ႁူဝ် လႄႈ လူင်ပွင်ၸိုင်ႈ တီႈၼႂ်းမိူင်းပိုၼ်ႉတီႈ ၵမ်ႉၼမ် လႆႈဢွၼ်ၵၼ် ၵမ်ႉထႅမ်ဝႆႉၸွမ်း လၢႆးၵၢၼ်ဢၼ်ၼႆႉသေ ၶႂ်ႈတုၵ်းယွၼ်း ႁႂ်ႈၶွင်ႇသီႇပၢႆးႁူမ်ႇလူမ်ႈ ႁူမ်ႈပႃးၸွမ်း တီႈတုၵ်းယွၼ်း တႃႇပွင်ႈသၢင်ႈ ၶေႃႈၽွမ်ႉၸႂ်ဢၼ်ၼႆႉ ဝႃႈၼႆယဝ်ႉ။

ၸဝ်ႈၸွမ်ၸိုင်ႈပၢႆႇတႅၼ်ႇ လၢတ်ႈတီႈ မႅၵ်ႉၵၸိၼ်းတၢႆးမ် ဢၼ်ဢွၵ်ႇမိူဝ်ႈဝၼ်းဢင်းၵၢၼ်းၼၼ်ႉဝႃႈ တွၼ်ႈတႃႇသိုပ်ႇၸုၵ်းယၼ်ၵႂႃႇလႆႈ ၸွမ်းလူၺ်ႈၵၢၼ်မိူင်းသေ မၼ်းမီးဝႆႉလွင်ႈတၢင်းဢၼ်ယုမ်ႇယမ်လႆႈတႃႇႁႂ်ႈ ၸွမ်ၽွင်းလူင်ဢိတ်ႇသရေး ၼႄႇတၼ်ႇယႃႇႁု ဢွၵ်ႇတီႈၼႂ်း ၵၢၼ်သိုၵ်း ဝႃႈၼႆယဝ်ႉ။

မိူဝ်ႈဝၼ်းၸၼ်ၼၼ်ႉ ၸိူဝ်းပဵၼ် ၽွင်းလူင်ၵၢၼ်ၼွၵ်ႈမိူင်း ဢီးၵျိပ်ႈ၊ ၶႃႇတႃႇ၊ သေႃႇတီႇဢႃႇရေးဝီးယႃး၊ ယူႇဢေႇဢီး လႄႈ ၵျေႃႇတၢၼ်ႇၸိူဝ်းၼႆႉ လၢတ်ႈဝႃႈ ႁႂ်ႈဢိတ်ႇသရေး လႄႈ ႁႃးမၢတ်ႉသ်ၶဝ် ဝူၼ်ႉလိုၵ်ႉလမ်ႇ ၽၢႆႇလီ ၼိူဝ် ၶေႃႈတၢင်ႇလၢတ်ႈ ၸဝ်ႈၸွမ်ၸိုင်ႈပၢႆႇတႅၼ်ႇ ဝႃႈၼႆယဝ်ႉ။

ငိူၼ်ႈငဝ်ႈတိုၼ်း

• United States Mission to the United Nations. "Statement by Ambassador Linda Thomas-Greenfield on U.S.-drafted UN Security Council Resolution on Gaza Ceasefire and Hostage Deal" — United States Mission to the United Nations, June 3, 2024
• Jns. "US floats Security Council resolution demanding Gaza ceasefire" — Jewish News Syndicate, June 4, 2024
• VOA News. "Biden: ‘Every Reason’ to Believe Netanyahu Dragging Out Gaza War to Save Himself Politically" — VOA News, June 4, 2024
• Jacob Magid. "Biden: People have ‘every reason’ to think Netanyahu extending war to stay in power" — The Times of Israel, June 4, 2024
• The New York Times. "Biden Suggests Netanyahu Is Prolonging War to Stay in Power" — The New York Times, June 4, 2024
• Kevin Liptak. "Biden hints Netanyahu is dragging out Gaza war for political survival" — CNN, June 4, 2024