ဝၼ်းသုၵ်း၊ မၢတ်ႉၶျ် 22၊ 2024
ၽူႈမီးသုၼ်ႇလၢတ်ႈ ထၢၼ်ႈၵၢၼ်ၼွၵ်ႈမိူင်းဢမႄႇရိၵၢၼ်ႇ Matthew Miller တႅမ်ႈဝႆႉတီႈ သိုဝ်ႇသၢၼ်တူင်ႇၵူၼ်းမၼ်း တီႈ X ၼၼ်ႉဝႃႈ မိူင်းႁူမ်ႈတုမ် ဢမႄႇရိၵၢၼ်ႇ လႆႈသႄႉသွမ်းၼိူဝ်ဢၼ် သိုၵ်းမၢၼ်ႈ ၶိုင်သၢင်ႈ ပၵ်းပိူင်ႁၢပ်ႇၵၢၼ်သိုၵ်းၵူၼ်းမိူင်း ဢၼ်တေ ဢၢၼ်းဢဝ် ၵူၼ်းၼုမ်ႇတီႈမျၢၼ်ႇမႃႇ တဵၵ်းယဵတ်ႈသႂ်ႇၼႂ်း တပ်ႉသိုၵ်းမၢၼ်ႈ ၼၼ်ႉ ၼႆယဝ်ႉ။
ထၢၼ်ႈၵၢၼ်ၼွၵ်းမိူင်းဢမႄႇရိၵၢၼ်ႇ မွၵ်ႇလၢတ်ႈဝႃႈ ၶဝ်လႆႈၶၢဝ်ႇဝႆႉဝႃႈ ၶွင်ႇၸီႇသိုၵ်းမၢၼ်ႈၼႆႉ မိူဝ်ႈပူၼ်ႉမႃးလိူၼ်ပူၼ်ႉၼၼ်ႉ ၶဝ်လႆႈပိုၼ်ၽၢဝ်ႇ ၵူတ်းမၢႆႁၢပ်ႇၵၢၼ်သိုၵ်းၵူၼ်းမိူင်းသေၵေႃႈ တႄႇၶိုင်သၢင်ႈယူႇယဝ်ႉ ဝႃႈၼႆ။ ၵူၼ်းမိူင်း ဢၢၼ်ႇႁူဝ်လၢၼ်ႉမၼ်း တီႈၼႂ်းမိူင်းမျၢၼ်ႇမႃႇၼႆႉ ဢွၼ်ၵၼ်လႆႈၶၢမ်ႇ လွင်ႈတဵၵ်းတဵင် ၶွင်ႇၸီႇသိုၵ်းမၢၼ်ႈယဝ်ႉသေ၊ ၶဝ်ဢမ်ႇထုၵ်ႇလီၸၼ်ဢဝ် ၵူၼ်းမိူင်း သႂ်ႇတီႈၼႂ်း လွင်ႈတဵၵ်းတဵင်ၼၼ်ႉၼႆ ၽူႈမီးသုၼ်ႇလၢတ်ႈထၢၼ်ၵၢၼ်ၼွၵ်ႈမိူင်း ဢမႄႇရိၵၢၼ်ႇ လႆႈမွၵ်ႇလၢတ်ႈ VOA ဝႃႈၼၼ်ယဝ်ႉ။ ၽူႈမီးသုၼ်ႇလၢတ်ႈ လႆႈတွပ်ႇလၢတ်ႈဝႃႈ ၶဝ်တိုၵ်းသူၼ်းထႅင်ႈ တွၼ်ႈတႃႇ ႁႂ်ႈၶွင်ႇၸီႇသိုၵ်းမၢၼ်ႈ ၵိုတ်းယိုတ်း လွင်ႈၵေႃႇၵၢၼ်ႇႁၢႆႉ ဝႃႈၼႆယဝ်ႉ။
ၶဝ်တိုၵ်းသူၼ်းဝႃႈ ၼင်ႇႁိုဝ် တီႈၼႂ်းမိူင်းမျၢၼ်ႇမႃႇ တေပဵၼ်မႃးလွင်ႈဢုပ်ႉပိူင်ႇ ၸွမ်းၼင်ႇပိူင်တီႇမူဝ်ႇၶရေႇၸီႇ ၼၼ်ႉ ႁႂ်ႈၵူႈမူႇၵူႈၸုမ်း လႆႈႁူပ်ႉထူပ်း ဢုပ်ႉဢူဝ်းၵၼ်သေ ႁႂ်ႈႁႃၶေႃႈတွပ်ႇ ၵတ်းၵတ်းယဵၼ်ယဵၼ် ဝႃႈၼႆယဝ်ႉ။ တီႈၼႂ်းမိူင်းတႄႉ ယွၼ်ႉပိူဝ်ႈ တႄႇၶိုင်သၢင်ႈ ၵူတ်းမၢႆႁၢပ်ႇၵၢၼ်သိုၵ်းၵူၼ်းမိူင်းလႄႈ တီႈၼႂ်းၵႄႈ ၵူၼ်းၼုမ်ႇ လႄႈ မုင်ႉႁိူၼ်းၶဝ် လႆႈမီးလွင်ႈတၢင်းမႆႈၸႂ်မႃးသေ ၵူၼ်းၼုမ်တီႈၼႂ်းမိူင်းၵေႃႈ ႁႃလွၵ်းႁႃလၢႆး ၵူႈမဵဝ်းမဵဝ်း ၵူႈၽၢႆႇၽၢႆႇသေ ဢွၼ်ၵၼ် ဢွၵ်ႇပၢႆႈငိူင်ႈဝႄႈ ၸူး ၼွၵ်ႈမိူင်းယူႇယဝ်ႉ။
ငိူၼ်ႈငဝ်ႈတိုၼ်း edit
- VOA News. "စစ်ကောင်စီ စစ်မှုထမ်းဥပဒေအကောင်အထည်ဖော်မှု ကန်ဝေဖန်" — VOA News, March 22, 2024
