Wn/shn/လုမ်းတတ်းသိၼ်လၵ်းမိူင်းထႆး ၽွမ်ႉၸႂ် တႃႇထွမ်ႇငိၼ်း လိူင်ႈ တႃႇယႃႉပႅတ်ႈ ပႃႇတီႇ Move Forward
ဝၼ်းၽတ်း၊ ဢေႇပရႄႇ 4၊ 2024
.svg)
မိူဝ်ႈ လိူၼ်ဢေႇပရႄႇ ဝၼ်းထိ 3 ၼၼ်ႉ လုမ်းတတ်းသိၼ် ၵဵဝ်ႇၵပ်းလၵ်းမိူင်းထႆး လႆႈၽွမ်ႉၸႂ် တႃႇထွမ်ႇငိၼ်းၵူတ်ႇထတ်း လိူင်ႈဢၼ်ဢၢၼ်း ယႃႉပႅတ်ႈ ပႃႇတီႇၶိုပ်ႈၼႃႈ Move Forward Party (MFP) ၼၼ်ႉၼႆႉယဝ်ႉ။ ၵွၼ်ႇၼႃႈပၢင်လိူၵ်ႈတင်ႈ ဢၼ်ႁဵတ်းမႃး မိူဝ်ႈပီၵၢႆၼၼ်ႉ MFP လႆႈပၼ်ၵႂၢမ်းမၼ်ႈၸႂ်မႃးတီႈ ပၢင်သူၼ်းတုမ်ၶႅပ်းၵၢင်ၸႂ်ၶဝ်ဝႃႈ ၶဝ်တေပိၼ်ႇလၢႆႈ ၵူတ်းမၢႆႁၢဝ်ႈႁႅင်း ဢၼ်ပဵၼ် လွင်ႈယႃႉသလေးၶိူဝ်းၶုၼ် တီႈ မိူင်းထႆးၼၼ်ႉလႄႈ ၵဵဝ်ၵပ်းလူၺ်ႈ ၶေႃႈၵႂၢမ်းၼၼ်ႉသေ ၸုမ်းၵမ်ၵၢၼ်လိူၵ်ႈတင်ႈ လႆႈတၢင်ႇလဝ်ႈထိုင် ၸွမ်လုမ်းထတ်းသိၼ်ဝႃႈ တႃႇယႃႉပႅတ်ႈ ပႃႇတီႇၶိုပ်ႈၼႃႈ MFP ၼၼ်ႉယဝ်ႉ။
MFP ၼႆႉ မၼ်းလႆႈပၼ်ၵႂၢမ်းမၼ်ႈၸႂ် တီႈ ပၢင်သူၼ်တုမ်ၶႅပ်းၵၢင်ၸႂ်ဝႃႈ ၶဝ်တေပိၼ်ႇလၢႆႈ ၵူတ်းမၢႆလွင်ႈယႃႉသလေႇၼႃႈတႃႇၶိူဝ်းၵုၼ်၊ တေပိၼ်ႇလၢႆႈ တပ်ႉသိုၵ်း လႄႈ လွင်ႈၵုမ်းၵမ်ပၢႆးမၢၵ်ႈမီး ဝႃႈၼႆလႄႈ တီႈပၢင်လိူၵ်ႈတင်ႈ ဢၼ်ႁဵတ်းမႃး ၼႂ်းလိူၼ်မေႇ ပီၵၢႆၼၼ်ႉ လႆႈၶႅပ်းၵၢင်ၸႂ် ဢၼ်ၼမ်သေပိူၼ်ႈသေ ဢွင်ႇပႄႉမႃးလႄႈ လႆႈဝႃႈ ပဵၼ်လွင်ႈပိၼ်ႇလၢႆႇ သၢႆငၢႆၵၢၼ်မိူင်း မိူင်းထႆး မႃးယဝ်ႉ။ ၵူၺ်းၵႃႈဝႃႈ လွင်ႈၶတ်းၸႂ် ပႃႇတီႇၶဝ်ၼၼ်ႉ ဢမ်ႇလႆႈဢွင်ႇမၢၼ်မႃးသေ ယွၼ်ႉလႆႈထူပ်း လိူင်ႈ ၵၢၼ်မိူင်း ၵၢၼ်ထတ်းသိၼ် မႃး ႁူဝ်လိူၼ်မၼ်းလႄႈ ၸင်ႇလႆႈထုၵ်ႇဝႆႉပႅတ်ႈမႃးတီႈ ၼႂ်းၸုမ်း လူင်ပွင်ၸိုင်ႈႁူမ်ႈပွင်း ၼၼ်ႉယဝ်ႉ။
မိူဝ်ႈလိူၼ်ပူၼ်ႉမႃးၼၼ်ႉ ၸုမ်းၵမ်ၵၢၼ်လိူၵ်ႈတင်ႈ လႆႈဢွၼ်ၵၼ် ၽွမ်ႉၸႂ် တႃႇတၢင်ႇလိူၵ်ႈဢီးလူထိုင်တီႈ လုမ်းတတ်းသိၼ်ၵဵဝ်ႇၵပ်းလၵ်းမိူင်း ဢၼ်တႃႇ ယႃႇပႅတ်ႉ ပႃႇတီႇၶိုပ်ႈၼႃႈ MFP ယွၼ်ႉလူၺ်ႈ ၵႂၢမ်းမၼ်ႈၸႂ်ဢၼ်ဝႃႈ တေဢၢၼ်း လႅၵ်ႈလၢႆႈ ၵူတ်းမၢႆလွင်ႈယႃႉသလေးၼႃႈတႃၶိူဝ်းၶုၼ် ဢၼ်ဝႃႈၼၼ်ႉယဝ်ႉ။
တီႈၼႂ်းလိၵ်ႈတၢင်ႇလၢတ်ႈ လုမ်းတတ်းသိၼ်လၵ်းမိူင်း မိူင်းထႆး ဢၼ်ပိုၼ်ဢွၵ်ႇ မိူဝ်ႈ လိူၼ်ဢေႇပရႄႇ 3 ဝၼ်းၼၼ်ႉဝႃႈဝႆႉဝႃႈ လႆႈႁပ်ႉၶၢမ်ႇ လွင်ႈတုၵ်းယွၼ်း တႃႇငိၼ်းထွမ်ႇၵူတ်ႇထတ်း လိူင်ႈ MFP ဝႃႈၼႆယဝ်ႉ။ ၽၢႆႇပႃႇတီႇၶိုပ်ႈၼႃႈၶဝ်ၼႆႉ တႃႇတေတၢင်ႇလၵ်းထၢၼ်သၢၵ်ႈသေၼၼ်ႉ ၶဝ်မီးၶၢဝ်းယၢမ်း တႃႇ 15 ဝၼ်း ဝႃႈၼႆယဝ်ႉ။ မိူင်ႈၼႂ်းလိူၼ်ၸၼ်ႇဝႃႇရီႇၼၼ်ႉၵေႃႈ လုမ်းတတ်းသိၼ်တၢင်ႇလုမ်း လုမ်းၼိုင်ႈ လႆႈတႅပ်းတတ်းဝႃႈ ၵႂၢမ်းမၼ်ႈၸႂ် ပၢင်သူၼ်းၶႅပ်းၵၢင်ၸႂ် ပႃႇတီႇၶိုပ်ႈၼႃႈၼႆႉ မၼ်းမိူၼ်ၵၼ်တင်း လွင်ႈၶတ်းၸႂ် တႃႇပၢၵ်ႈပႅတ်ႈ ပိူင်ၶုၼ်ႁေႃၶမ်း မိူင်းထႆး ဝႃႈၼႆယဝ်ႉ။ ပႃႇတီႇၶိုပ်ႈၼႃႈ ဢၼ်မီးတၢင်းယိူင်းဢၢၼ်းပိၼ်ႇလၢႆႈၼၼ်ႉတႄႉ တီႈၼႂ်းလၵ်းၵၢၼ်ပႃႇတီႇၶဝ်ၼႆႉ ၶဝ်သႂ်ႇဝႆႉ လွင်ႈတႃႇမူၼ်ႉမႄး ၵူတ်းမၢႆလွင်ႈယႃႉသလေႇၼႃႈတႃၶိူဝ်းၶုၼ် ဢၼ်ၸၢင်ႈပၼ်တၢမ်ႇၶွၵ်ႈလႆႈ ထိုင် 15 ပီ ၼိူဝ် ၽူႈထတ်းသၢင်လူလၢႆ ၶုၼ်ႁေႃၶမ်း လႄႈ မုင်ႉႁိူၼ်းၶိူဝ်းၶုၼ် ၼၼ်ႉယဝ်ႉ။
ၵူၼ်းမၢႆလွင်ႈယႃႉသလေႇၼႃႈတႃၶိူဝ်းၶုၼ် ဢၼ်ဝႃႈၼႆႉ လႆႈယိူင်းဢၢၼ်း တႃႇၵႅတ်ႇၵင်ႈပၼ် ၶုၼ်ႁေႃၶမ်း ဢၼ် တူင်ႇဝူင်းၵူၼ်းထႆးၶဝ် ၼပ်ႉယမ်ၼၼ်ႉယဝ်ႉ။ ၵူၺ်းၵႃႈ ပီပူၼ်ႉမႃးၸိူဝ်းၼၼ်ႉတႄႉ ၽူႈထတ်းသၢင်ၶဝ်ဝႃႈ ၵူတ်းမၢႆဢၼ်ၼႆႉ ၶဝ်ပိုတ်ႇဝႆႉ တီႈပွင်ႇမၼ်း ၵႂၢင်ႈၵႂၢင်ႈၶႂၢင်ၶႂၢင်သေ ၶဝ်ၸႂ်ႉ တႃႇၵႅတ်ႇၵင်ႈ လွင်ႈၵိူဝ်ႉလဵၼ်ႈ ၶိူဝ်းၶုၼ် ဝႃႈၼႆယဝ်ႉ။
တီႈမိူင်းထႆးၼႆႉ ယွၼ်ႉလူၺ်ႈ ၽၢႆႇထတ်းသိၼ် ၶဝ်ႈသၢင်ႈၼႂ်းၵႄႈၵၢင်မၼ်းလႄႈ လႆႈမီးလွင်ႈတိူဝ်ႉၶိူၵ်ႈ ပႃႇတီႇၵၢၼ်မိူင်း ၼၼ်ႉၵေႃႈ ယၢမ်းမီးမႃးသေ ပႃႇတီႇ Future Forward ဢၼ်ပဵၼ် ပႃႇတီႇၵွၼ်ႇၼႃႈ MFP ၼၼ်ႉၵေႃႈ ၵဵဝ်ႇၵပ်းလူၺ်ႈ လွင်ႈငိုၼ်းတွင်းသေ လႆႈထုၵ်ႇယႃႉပႅတ်ႈ မိူဝ်ႈပီ 2020 ၼၼ်ႉယဝ်ႉ။
ငိူၼ်ႈငဝ်ႈတိုၼ်း
- Chayut Setboonsarng and Panarat Thepgumpanat. "Setback for Thailand's Move Forward Party as court accepts dissolution case" — Reuters, April 3, 2024
- Apornrath Phoonphongphiphat. "Thai court accepts petition to disband Move Forward Party" — Nikkei, April 3, 2024
- Cna. "Setback for Thailand's Move Forward Party as court accepts dissolution case" — CNA, April 3, 2024
- Patpicha Tanakasempipat / Bloomberg. "Thai Court Accepts Case Seeking to Dissolve Popular Opposition Party Move Forward" — Time, April 3, 2024
