ဝၼ်းၸၼ်၊ မေႇ 27၊ 2024
.svg)
.jpg)
လုၵ်ႉတီႈ သႅၼ်ႇတႃႇၵဵဝ်ႇၵပ်း ၽေးသၽႃႇဝၸိုင်ႈမိူင်း လႆႈပိုၼ်ၽၢဝ်ႇ မိူဝ်ႈဝၼ်းတိတ်ႉၼၼ်ႉဝႃႈ မိူဝ်ႈဝၼ်းသုၵ်း ယၢမ်းၸဝ်ႉ 3 မူင်းၼၼ်ႉ လႆႈမီးလွင်ႈလိၼ်ၵူၼ်ႇ တီႈ ဝၢၼ်ႈႁူၵ်းဝၢၼ်ႈ ဢၼ်မီးတီႈ ၸႄႈတွၼ်ႈ Maip-Mulitaka တီႈ ပွတ်းႁွင်ႇ မိူင်းပႃးပႂႃႇၼိဝ်းၵီးၼီး ၼၼ်ႉလႄႈ ၵူၼ်း 2000 ပၢႆ လႆႈႁၢႆဝႆႉ ဝႃႈၼႆယဝ်ႉ။
ၸုမ်းၽႄ ၶွင် ၸုမ်းၸၢတ်ႈၸိုင်ႈလုမ်ႈၾႃႉ ၸုမ်းၼိုင်ႈလၢတ်ႈဝႃႈတႄႉ ၵူၼ်းဢၼ်လႆႈတၢႆၵႂႃႇၼႆႉ တေဢမ်ႇယွမ်း 670 ၵေႃႉ ဝႃႈၼႆယဝ်ႉ။ တီႈဢၼ်လိၼ်ၵူၼ်ႇၼႆႉ မၼ်းပဵၼ် တီႈဢၼ်ထိူၼ်ႇလွႆလိုၵ်ႉသေ လွင်ႈၵႂႃႇလွင်ႈမႃးၵေႃႈယၢပ်ႇယဵၼ်းလႄႈ ၵၢၼ်ၽူတ်ႇၸွႆႈၵေႃႈ ဢမ်ႇႁွတ်ႈထိုင်လႆႈ ၸွမ်းၶၢဝ်းယၢမ်း။ ၸွမ်းလူၺ်ႈ သဵၼ်ႈမၢႆႁူဝ်ႁိူၼ်း ဢၼ်ၵဵပ်းဝႆႉလိုၼ်းသုတ်း မိူဝ်ႈပီ 2000 ၼၼ်ႉသေ ၵူၼ်းယူႇသဝ်း တီႈၼႂ်းမူႇဝၢၼ်ႇ ဢၼ်မီးတီႈၵႆၼၼ်ႉ မီးဝႆႉတင်းၼမ် ဝႃႈၼႆယဝ်ႉ။
လင်ႁိူၼ်းမွၵ်ႈ 150 ၼႆႉ လႆႈၸူမ်လိၼ်ၵႂႃႇသေ ၸုမ်းၽူတ်ႇၸွႆႈၶဝ် တိုၵ်ႉသွၵ်ႈႁႃ ၵူၼ်းၸိူဝ်းမီးဢသၢၵ်ႈယူႇ ဝႃႈၼႆယဝ်ႉ။ တီႈဢၼ်ပဵၼ် လွင်ႈလိၼ်ၵူၼ်ႇၼၼ်ႉ ယွၼ်ႉပိူဝ်ႈ ပဵၼ်တီႈႁိမ်း ထုင်ႉဢၼ်မီးပၢင်တိုၵ်း ၸၢဝ်းၶိူဝ်းၼၼ်ႉလႄႈ ၵူၼ်းၽူတ်ႇၸွႆႈၶဝ် လႆႈဢဝ်တင်း ထႅဝ်ရူတ်ႉတပ်ႉသိုၵ်း ပႂ်ႉတူၺ်းပၼ်လႄႈသင် ယွၼ်ႉပိူဝ်ႈပဵၼ်တီႈ ထုင်ႉဢၼ်လႆႈၵႂႃႇၵႆၼႃႇလႄႈသင် မၼ်းလႆႈၸိူင်ႉတႃႇတေႃႉဢဝ် ၶိူင်ႈၸၢၵ်ႈၵႂႃႇၸိူဝ်းၼၼ်ႉယဝ်ႉ။ ၽူႈမီးပုၼ်ႈၽွၼ်း ၸုမ်းၸၢတ်ႈၸိုင်ႈလုမ်ႈၾႃႉ ၵေႃႉၼိုင်ႈ လၢတ်ႈဝႃႈတႄႉ မိူဝ်ႈဝၢႆးဝၼ်း ဝၼ်းတိတ်ႉၼၼ်ႉ လႆႈဢဝ် ၸၢၵ်ႈၶုတ်းလိၼ် သူင်ႇၵႂႃႇယဝ်ႉသေ တိုၵ်ႉႁဵတ်း ၵၢၼ်ၽူတ်ႇၸွႆႈယူႇ ဝႃႈၼႆယဝ်ႉ။ ၵူၼ်းႁဵတ်းၵၢၼ်သွၵ်ႈႁႃၶဝ် လၢတ်ႈဝႃႈ တေႃႇထိုင်ယၢမ်းလဵဝ်တႄႉ လႆႈႁၼ်ဝႆႉတူဝ်တၢႆ မီး ႁူၵ်းၵေႃႉယဝ်ႉဝႃႈၼႆ။
ငိူၼ်ႈငဝ်ႈတိုၼ်း
- Lewis Jackson and Renju Jose. "Papua New Guinea landslide buried more than 2,000 people, government says" — Reuters, May 27, 2024
- Angus Watson, Sophie Jeong, Heather Chen, Lucas Lilieholm and Teele Rebane. "As many as 2,000 people feared buried under Papua New Guinea landslide as survivors dig with hands and spades" — CNN, May 27, 2024
- Rod Mcguirk. "Papua New Guinea says 2,000 people buried under landslide, requests help" — The Times of Israel, May 27, 2024
- Reuters. "More than 2,000 buried alive in Papua New Guinea landslide" — The Japan Times, May 27, 2024
- Arpan Rai. "Papua New Guinea says 2,000 people buried alive in landslide as hope fades for survivors" — The Independent, May 27, 2024
