Wikimedia Incubator

Wn/shn/ယွၼ်ႉၽႆးမႆႈ ႁူင်းၵၢၼ်ၸၢၵ်ႈပႅတ်ႇထရီႇ တီႈၵၢဝ်းလီၸၢၼ်းလႄႈ မီးလွင်ႈၵူၼ်းလုတၢႆ

< Wn | shn
Wn > shn > ယွၼ်ႉၽႆးမႆႈ ႁူင်းၵၢၼ်ၸၢၵ်ႈပႅတ်ႇထရီႇ တီႈၵၢဝ်းလီၸၢၼ်းလႄႈ မီးလွင်ႈၵူၼ်းလုတၢႆ

ဝၼ်းဢင်းၵၢၼ်း၊ ၸုၼ်ႇ 25၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
ဢွင်ႈတီႈ ၵၢဝ်းလီၸၢၼ်း
ႁူမ်ႈသၢင်ႈ!
Wn/shn/ၵၢဝ်းလီၸၢၼ်း
Wn/shn/ၵၢဝ်းလီၸၢၼ်း

မိူဝ်ႈၸုၼ်ႇ 24 ၼၼ်ႉ ယွၼ်ႉပိူဝ်ႈၽႆးမႆး ႁူင်းၵၢၼ်ၸၢၵ်ႈ ပႅတ်ႇထရီႇ လိတ်ႉတီႇယႅမ်ႇ Aricell ဢၼ်မီးတီႈ ဝဵင်း Hwaseong တီႈၽၢႆႇၸၢၼ်း ဝဵင်းလူင် Seoul တီႈမိူင်းၵၢဝ်းလီၸၢၼ်းၼၼ်ႉလႄႈ ၵူၼ်းႁဵတ်းၵၢၼ် လႆႈတၢႆၵႂႃႇ ဢမ်ႇယွမ်း 20 ၵေႃႉ ဝႃႈၼႆယဝ်ႉ။ လႆႈဢၢင်ႈဢိင် ၽူႈမီးပုၼ်ႈၽွင်း ႁွင်ႈၵၢၼ်ၶႄၽႆးသေ ၼႂ်းၶၢဝ်ႇလၢတ်ႈဝႃႈ ၼႂ်းၵႃႈၵူၼ်းတၢႆၵႂႃႇၼၼ်ႉ ၵူၼ်းမိူင်းၶႄႇ ၶဝ်ႈပႃးဝႆႉ 18 ၵေႃႉ ဝႃႈၼႆယဝ်ႉ။ တီႈၼႂ်းၶၢဝ်ႇ တႅမ်ႈဝႆႉဝႃႈ တႄႇမႆႈတီႈ ၸၼ်ႉသွင် ဢၼ်ပဵၼ်ဢွင်ႈတီႈ ၵူတ်ႇထတ်းႁဵတ်းႁေႃႇ ပႅတ်ႇထရီႇၼၼ်ႉ ဝႃႈၼႆယဝ်ႉ။

ၽူႈမီးပုၼ်ႈၽွင်း ႁွင်ႈၵၢၼ်ၶႄၽႆးၶဝ် လၢတ်ႈဝႃႈ တိုၵ်ႉသိုပ်ႇႁဵတ်း ၵၢၼ်သွၵ်ႈႁႃၽူတ်ႇၸွႆႈ ၵူၼ်းၸိူဝ်းဢၼ်တိုၵ်ႉႁၢႆယူႇၼၼ်ႉဝႃႈၼႆယဝ်ႉ။ တီႈၸၼ်ႉသွင်ႁူင်းၵၢၼ်ၸၢၵ်ႈ ဢၼ်ၽႆးတႄႇမႆႈၼၼ်ႉ လႆႈဝႆႉ ပႅတ်ႇထရီႇ လႄႈ ၶိူင်ႈၵဵဝ်ႇၵပ်း မွၵ်ႈ 35,000 ၼႆႉၼႆယဝ်ႉ။ ယွၼ်ႉပိူဝ်ႈဝႃႈ မၼ်းမီးဝႆႉၽေးၶဵၼ် ဢၼ်တေၸၢင်ႈသိုပ်ႇ တႅၵ်ႇထႅင်ႈလႄႈ မီိးတၢင်းယၢပ်ႇၽိုတ်ႇ တႃႇၶဝ်ႈတီႈၼႂ်း ႁူင်းၵၢၼ်ၸၢၵ်ႈ ဝႃႈၼႆယဝ်ႉ။ ပႅတ်ႇထရီႇလိတ်ႇတီႇယႅမ်ႇၼႆႉ လႆႈၸႂ်ႉ တႄႇဢဝ်တီႈ ၶွမ်းလႅပ်ႉတွပ်ႉ တေႃႇထိုင် ရူတ်ႉၾႆးၾႃႉၼၼ်ႉယဝ်ႉ။ ပႅတ်ႇထရီႇယၢင်ႇၸိူဝ်းၼႆႉၼႆႉ ႁႅင်းတႅၵ်ႇမၼ်းၵေႃႈယႂ်ႇသေ တႃႇဢဝ်လွၵ်းလၢႆးၶႄၽႆးၵဝ်ႇသေ ၶႄယၢပ်ႇဝႆႉ ဝႃႈၼႆယဝ်ႉ။

ၽူႈမီးပုၼ်ႈၽွင်း ႁွင်ႈၵၢၼ်ၶႄၽႆးၶဝ် လၢတ်ႈဝႃႈ ယၢမ်းလဵဝ်တႄႉ တီႈလွင်ႈၶႄၽႆးၼၼ်ႉ ဢဝ်သၢႆးႁႅင်ႈၸႂ်ႉလိူဝ်သေ ဢဝ်ၼမ်ႉႁူတ်း ဝႃႈၼႆယဝ်ႉ။ Yoon Suk Yeol ဢၼ်ပဵၼ် ၸဝ်ႈၸွမ်ၸိုင်ႈ ၵၢဝ်းလီၸၢၼ်း လႆႈၸိသင်ႇ ၸဝ်ႈၼႃႈတီႈၶဝ် တႃႇႁဵတ်း လွင်ႈသွၵ်ႈႁႃၽူတ်ႇၸွႆႈ ၶိုၵ်ႉၶၵ်ႉ တီႈ လွင်ႈၽႆးမႆႈႁူင်းၵၢၼ်ၸၢၵ်ႈၼၼ်ႉယူႇ ဝႃႈၼႆယဝ်ႉ။


ငိူၼ်ႈငဝ်ႈၶၢဝ်ႇ

Retrieved from "https://incubator.wikimedia.org/w/index.php?title=Wn/shn/ယွၼ်ႉၽႆးမႆႈ_ႁူင်းၵၢၼ်ၸၢၵ်ႈပႅတ်ႇထရီႇ_တီႈၵၢဝ်းလီၸၢၼ်းလႄႈ_မီးလွင်ႈၵူၼ်းလုတၢႆ&oldid=6310489"