ဝၼ်းသုၵ်း၊ မေႇ 3၊ 2024
.svg)
_(53467085122).jpg)
ၸဝ်ႈၸွမ်ၸိုင်ႈ ၵူဝ်ႇလမ်ႇပီႇယႃႇ ၵူႇသတႃဝူဝ် ၽႅတ်ႉတရူဝ်ႇ Gustavo Petro မွၵ်ႇလၢတ်ႈမိူဝ်ႈ ဝၼ်းပုတ်ႉၼၼ်ႉဝႃႈ ပဵၼ်လွင်ႈတုမ်ႉတွပ်ႇ ပၢင်တိုၵ်း ဢိတ်ႇသရေး-ႁႃးမၢတ်ႉသ် တီႈၵႃႇၸႃႇၼၼ်ႉသေ တေ တတ်းၶၢတ်ႇ ၵၢၼ်ၽွင်းတၢင်ၵၼ်တင်း မိူင်းဢိတ်ႇသရေး ဝႃႈၼႆယဝ်ႉ။ မၼ်းမွၵ်ႇလၢတ်ႈ တီး ပၢင်ၵႅဝ်ႈၵူၼ်းမိူင်း တီႈ ဝၼ်းၵူၼ်းႁဵတ်းၵၢၼ် လိူၼ်မေႇ ဝၼ်းထိ 1 ဢၼ်ၸတ်းႁဵတ်းတီႈ ဝဵင်းလူင်ပူဝ်ႇၵူဝ်ႇတႃႇ မိူင်းၵူဝ်ႇလမ်ႇပီႇယႃႇၼၼ်ႉဝႃႈ ၽူႈဢွၼ်ႁူဝ် ဢိတ်ႇသရေးၼႆႉ ၶဝ်ၵပ်းၵၢႆႇၵၼ်တင်း လွင်ႈၶႃႈမူၺ်ႉၶိူဝ်းၵူၼ်း ဝႃႈၼႆယဝ်ႉ။
ၸဝ်ႈၸွမ်ၸိုင်ႈ ၽႅတ်ႉတရူဝ်ႇ လၢတ်ႈဝႃႈ သင်ၸိူဝ်ႉဝႃႈ ပႃးလဵတ်ႈသတၢႆးၶဝ် တၢႆၼႆ ၼႆႉမၼ်းပဵၼ် ၶိူဝ်းၵူၼ်းတၢႆယဝ်ႉသေ ႁဝ်းၶႃႈ တေ ဢမ်ႇယွမ်းပဵၼ် ၸိူင်ႉၼၼ် ဝႃႈၼႆယဝ်ႉ။ ၽွင်းလူင် ၵၢၼ်ၼွၵ်ႈမိူင်း ဢိတ်ႇသရေး Israel Katz တွပ်ႇၶိုၼ်းၵမ်းလဵဝ်ဝႃႈ လွင်ႈတႅပ်းတတ်း ၸဝ်ႈၸွမ်ၸိုင်ႈ ၵူဝ်ႇလမ်ႇပီႇယႃႇၼႆႉ မၼ်းပၼ်ၶူဝ်းတွၼ်ႈ တွၼ်ႈတႃႇႁႃးမၢတ်ႉသ်ၶဝ် ဝႃႈၼႆယဝ်ႉ။
ၽွင်းလူင် ၵၢၼ်ၼွၵ်ႈမိူင်း ဢိတ်ႇသရေး Katz လၢတ်ႈတီႈ သိုဝ်ႇသၢၼ်တူင်ႇၵူၼ်းဝႃႈ တီႈၼႂ်းပိုၼ်း တေမၢႆတွင်းဝႆႉဝႃႈ ၵူႇသတႃဝူဝ် ၽႅတ်ႉထရူဝ်ႇ ၼႆႉ မၼ်းတႅပ်းတတ်းမႃး တႃႇယူႇၽၢႆႇ ၸိူဝ်းဢၼ်ပဵၼ်ၵူၼ်း ၶႃႈ လုၵ်ႈဢွၼ်ႇ တၢႆ၊ ၸုတ်ႇၽႆး၊ ၸိူဝ်းၵၼ်ႉၽူႈယိင်း လႄႈ ၸိူဝ်းတိၺွပ်းၵႂႃႇ ၵူၼ်းမိူင်း ၸိူဝ်းဢမ်ႇမီးတၢင်းၽိတ်းသင်ၼၼ်ႉ ဝႃႈၼႆယဝ်ႉ။
ၽွင်းမိူဝ်ႈ ဢိတ်ႇသရငေးၶဝ် တိုၵ်ႉႁၢင်ႈႁႅၼ်းသိုၵ်း တႃႇတိုၵ်းတေႃး ရႃႇၾႃႇယူႇၼၼ်ႉ ၽွင်းလူင် ၵၢၼ်ၵႅတ်ႇၵင်ႈ ဢမႄႇရိၵၢၼ်ႇ Lloyd Austin လႆႈၵပ်းၽူၼ်းလၢတ်ႈတေႃၵၼ်တင်း ၽွင်းလူင် ၵၢၼ်ၵႅတ်ႇၵင်ႈ ဢိတ်ႇသရေး Yoav Gallant ၼၼ်ႉယဝ်ႉ။ ၽူႈမီးသုၼ်ႇလၢတ်ႈ ၽႅၼ်ႇတၵုၼ်ႇ ငဝ်ႈငုၼ်းၵၢၼ်သိုၵ်းဢမႄႇရိၵၢၼ်ႇ မွၵ်ႇလၢတ်ႈဝႃႈ တီႈလွင်ႈဢုပ်ႇဢူဝ်း ၽၢႆႇတၢင်းလူဝ်ႇ လွင်ႈႁၢင်ႈသိုၵ်းဢိတ်ႇသရေး ဢၼ်လႅပ်ႈတေ ပဵၼ်မႃးလႆႈၼၼ်ႉ လႆႈဢုပ်ႇဢူဝ်းပႃး တႃႇမီး လၢႆးၵၢၼ်မၼ်ႈၵႅၼ်ႇ ဢၼ်တႃႇႁႂ်ႈ ၵူၼ်းမိူင်းပႃးလဵတ်ႈသတၢႆး ၶၢႆႉၸူး တီႈလွတ်ႈၽေး လႄႈ တႃႇႁႂ်ႈပိုတ်ႇဝႆႉပၼ် သဵၼ်ႈတၢင်း ဢၼ်တေ ၸၢင်ႈပၼ်လႆႈ လွင်ႈၸွႆႈထႅမ်တႃႇ ၵူၼ်းထူပ်းၽေး ၼႆယဝ်ႉ။
ငိူၼ်ႈငဝ်ႈတိုၼ်း
- Reuters. "Colombia to break diplomatic relations with Israel, President Petro says" — Reuters, May 2, 2024
- Astrid Suárez. "Colombia breaks diplomatic ties with Israel but its military relies on key Israeli-built equipment" — AP News, May 3, 2024
- Aljazeera. "Colombia to cut diplomatic ties with Israel over Gaza war, Petro says" — Aljazeera, May 1, 2024
- Afp, Lazar Berman. "Colombia to sever ties after months of panning Israel as ‘genocidal’" — Times of Israel, May 1, 2024
