ဝၼ်းဢင်းၵၢၼ်း၊ မေႇ 21၊ 2024
မိူဝ်ႈဝၼ်းၸၼ်ၼၼ်ႉ ၸဝ်ႈၸွမ်ၸိုင်ႈ ဢမႄႇရိၵၢၼ်ႇ ၵျူဝ်းပၢႆႇတႅၼ်ႇ လႆႈထတ်းသၢင်သႄႉသွမ်းၼိူဝ် လွင်ႈဢၼ် ၸွမ်ၽူႈတၢင်ၼႃႈ လုမ်းတတ်းသိၼ် ၵၢၼ်ၽိတ်းၽိင်ႈ ၵူႈမိူင်းမိူင်း ဢၼ်တိုၵ်ႉႁၢင်ႈႁႅၼ်း တႃႇဢွၵ်ႇဝရၢၼ်းတိၺွပ်း ၸွမ်ၽွင်းလူင် ဢိတ်ႇသရေး ပႅၼ်ႇၸမိၼ်ႇ ၼႄႇတၼ်ႇယႃႇႁု လႄႈ ၸိူဝ်းပဵၼ် ၽူႈမီးၸၼ်ႉထၢၼ်ႈယႂ်ႇ ၸိူဝ်းၼၼ်ႉ ၼႆယဝ်ႉ။ မၼ်းလၢတ်ႈဝႃႈ လွင်ႈႁဵတ်းသၢင်ႈဢၼ်ၼႆႉၼႆႉ ပဵၼ်ဢၼ်လီၸႂ်သဵင်ႈတႄႉတႄႉ ဝႃႈၼႆယဝ်ႉ။
ၽွင်းလူင်ၵၢၼ်ၼွၵ်ႈမိူင်း ဢၼ်ႇထူဝ်ႇၼီႇပလိၼ်ႇၵႅၼ်ႇၵေႃႈ လႆႈမီးၶေႃႈထၢမ်မႃးၼိူဝ် လၢႆးၵၢၼ် လွင်ႈတၢင်ႇၽိုၼ် တႃႇဢွၵ်ႇလိၵ်ႈဝရၢၼ်းတိၺွပ်း လႄႈ သုၼ်ႇတႅပ်းတတ်းတြႃး လုမ်းတတ်းသိၼ် ICC ၼၼ်ႉသေ မၼ်းၵေႃႈ လႆႈထတ်းသၢင်သႄႉသွမ်း မႃးၼင်ႇၵဝ်ႇ။ ယွၼ်ႉလွင်ႈႁဵတ်းသၢင်ႈဢၼ်ၼႆႉသေ ၸိူဝ်းပဵၼ် လွင်ႈငူပ်ႉငိ တႃႇၵိုတ်းတိုၵ်း ၼႂ်းၵႄႈ ဢိတ်ႇသရေး လႄႈ ႁႃးမၢတ်ႉသ်ၶဝ်သေ တႃႇႁႂ်ႈပွႆႇပၼ် ၵူၼ်းၸိူဝ်းထုၵ်ႇၺွပ်းဝႆႉၸိူဝ်းၼၼ်ႉၵေႃႈ တေၸၢင်ႈလုလႅဝ်ၵႂႃႇ ဝႃႈၼႆယဝ်ႉ။
မိူဝ်ႈလိူၼ်မေႇ 20 ၼၼ်ႉ ၽူႈယႂ်ႇၽၢႆႇလုမ်းၵၢၼ်ၽိတ်းၽိင်ႈ ၵူႈမိူင်းမိူင်း Karim Khan လႆႈႁဵတ်း ၶေႃႈပိုၼ်ၽၢဝ်ႇဢွၵ်ႇဝႃႈ တိုၵ်ႉႁၢင်ႈႁႅၼ်း တႃႇဢွၵ်ႇလိၵ်ႈဝရၢၼ်းတိၺွပ်း ၸွမ်ၽွင်းလူင် ဢိၼ်ႇသရေး ပႅၼ်ႇၸမိၼ်ႇ ၼႄႇတၼ်ႇယႃႇႁု၊ ၽွင်းလူင်ၵၢၼ်ၵႅတ်ႇၵင်ႈ ယွၾ်ႉၵႃလၼ်ႉ၊ ၽူႈယႂ်ႇၸုမ်းႁႃးမၢတ်ႉသ် သၢမ်ၵေႃႉ ဢၼ်မီးယူႇတီႈ ၵႃႇꩡႃႇၼၼ်ႉ လူၺ်ႈလိူင်ႈၵၢၼ်ၽိတ်းၽိင်ႈ ဢၼ်လႆႈပူၼ်ႉပႅၼ်ၼိူဝ် ၵူၼ်းမိူင်း တီႈပၢင်သိုၵ်း ဢိတ်ႇသရေး-ႁႃးမၢတ်ႉသ်ၼၼ်ႉ ဝႃႈၼႆယဝ်ႉ။ ၼႂ်း ၶေႃႈပိုၼ်ၽၢဝ်ႇ ၶၢၼ်း ၽူႈယႂ်ႇ ဢၢႆႇၸီႇၸီႇၼၼ်ႉဝႃႈ ၶဝ်မီးလွင်ႈတၢင်းဢၼ်မႅၼ်ႈတၢင်းမၼ်း ဢၼ်ယုမ်ႇယမ်လႆႈဝႃႈ ၵူၼ်းႁႃႈၵေႃႉၼႆႉ ၶဝ်လႆႈႁဵတ်းလွင်ႈပူၼ်ႉပႅၼ် ၵၢၼ်ၽိတ်းၽိင်ႈၼိူဝ် ၶိူဝ်းၵူၼ်း တီႈပၢင်တိုၵ်းၵႃႇၸႃႇ ဢၼ်ပဵၼ်မႃး ၶၢဝ်းတၢင်း ၸဵတ်းလိူၼ်ၼၼ်ႉ ဝႃႈၼႆယဝ်ႉ။
ၸဝ်ႈၸွမ်ၸိုင်ႈ ဢိတ်ႇသရေး ဢၢႆသၵ်ႉႁႃရ်ꩡွၵ်ႇ လၢတ်ႈဝႃႈတႄႉ လွင်ႈတႅပ်းတတ်းဢၼ်ၼႆႉ ပဵၼ်ဢၼ်လီဢွၵ်ႇတေႃးသတႄႉတႄႉဝႃႈဝႃႈသေ လႆႈပဵၼ်မႃး သၢႆငၢႆ ပိူင်တတ်းသိၼ်ၵူႈမိူင်းမိူင်း တေလုလႅဝ်ယဝ်ႉ ဝႃႈၼႆ။ ၽွင်းလူင်ၵၢၼ်ၼွၵ်ႈမိူင်း ဢိတ်ႇသရေး ဢိတ်ႇသရေးၵတ်ႉꩡ် ၵေႃႈ လၢတ်ႈမႃးၼင်ႇ ၵႂၢမ်းမၢႆ ၸဝ်ႈၸွမ်ၸိုင်ႈ ႁႃရ်ꩡွၵ်ႇသေ လွင်ႈဢၼ် ဢၢႆၸီႇၸီႇ ၶတ်းၸႃ တႃႇဢွၵ်ႇလိၵ်ႈဝရၢၼ်းတိၺွပ်း ၸွမ်ၽွင်းလူင် လႄႈ ၽွင်းလူင်ၵၢၼ်ၼွၵ်ႈမိူင်းၼႆႉ မၼ်းပဵၼ် ၶေႃႈတႅပ်းတတ်း ဢၼ်လီဢွၵ်ႇတေႃးသသေပိူၼ်ႈ ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
- VOA News. "The ICC and the Israel-Hamas war in Gaza" — VOA News, May 20, 2024
- Ivana Kottasová and Madalena Araujo. "ICC prosecutor seeks arrest warrants against Sinwar and Netanyahu for war crimes over October 7 and Gaza" — CNN, May 20, 2024
- Josef Federman. "War crimes prosecutor seeks arrest of Israeli and Hamas leaders, including Netanyahu" — AP News, May 21, 2024
- Stephanie van den Berg, Anthony Deutsch and Charlotte Van Campenhout. "ICC prosecutor seeks arrest warrants for Israel's Netanyahu and Hamas leaders" — Reuters, May 21, 2024
