ဝၼ်းဢႃးတိတ်ႉ၊ မၢတ်ႉၶျ် 17၊ 2024
_-_Crimea_disputed.svg)
ပၢင်လိူၵ်ႈတင်ႈ ၸွမ်ၸိုင်ႈရတ်ႈသျႃး ဢၼ်ၸွမ်ၸိုင်ႈယၢမ်းလဵဝ် ဝလႃႇၻီႇမီႇလ် ပူႇထိၼ်ႇ တေသိုပ်ႇဢုပ်ႉပိူင်ႇထႅင်ႈ ဢႃႇယုၸွမ်ၸိုင်ႈ 6 ပီၼၼ်ႉ မိူဝ်ႈၼႆႉ သိုပ်ႇႁဵတ်းၵႂႃႇထႅင်ႈယူႇ။
ၵူၼ်းၸိူဝ်းဢၼ်ၵမ်ႉထႅမ် ပူႇထိၼ်ႇၵေႃႈ မီးသေ ၸိူဝ်းဢၼ် သၢၼ်ၶတ်းပၢင်လိူၵ်ႈတင်ႈၵေႃႈ မီးဝႆႉယူႇၵမ်ႈၽွင်ႈ။ တီႈပတ်ႉပိုၼ်ႉမိူင်းရတ်ႈသျႃးၼႆႉ လွင်ႈဢၼ်ပဵၼ် ဢဝ်မၢၵ်ႇပိုဝ်ႈသႂ်ႇ ဢွင်ႈတီႈပၼ်ၶႅပ်းၵၢင်ၸႂ်လႄႈသင်၊ လွင်ႈဢဝ် ၼမ်ႉသီၶဵဝ် ထွၵ်ႇသႂ်ႇၼႂ်း တိူၵ်ႈၶႅပ်းၵၢင်ၸႂ်လႄႈသင်၊ လွင်ႈဢၼ်ၶဝ်ႈၼႂ်း ဢွင်ႈတီႈပၼ်ၶႅပ်းၵၢင်ၸႂ်သေ ယႃႉလူႉလႅဝ်ၸိူဝ်းၼႆႉ မီးၵႂႃႇယူႇ ဢမ်ႇယွမ်း 6 တီႈ ဝႃႈၼႆႉယဝ်ႉ။ မိူဝ်ႈပီ 2017 ၼၼ်ႉ ယွၼ်ႉပိူဝ်ႈဢဝ် ယႃႈၶႃႈမႅင်းသီၶဵဝ် ႁူတ်းသေ ႁဵတ်းႁၢႆႉတေႃႇ Alexey Navalny ဢၼ်ပဵၼ် ၽူႈဢွၼ်ႁူဝ် ၽၢႆႇသၢၼ်ၶတ်းရတ်ႈသျႃး ဢၼ်တိုၵ်ႉႁႃ တၢႆၵႂႃႇတီႈၼႂ်းၶွၵ်ႈ မိူဝ်ႈပႆႇပေႃးႁိုင်ၼၼ်ႉသေ ၸိူဝ်းပဵၼ် ၽူႈသၢၼ်ၶတ်း လူင်ပွင်ၸိုင်ႈရတ်ႈသျႃးၶဝ် ၸင်ႇလႆႈဢဝ် ၼမ်ႉသီၶဵဝ် ထွၵ်ႇသႂ်ႇၼႂ်း တိူၵ်ႈၶႅပ်းၵၢင်ၸႂ်သေၵေႃႈ ၼႄ လွင်ႈသၢၼ်ၶတ်းၶဝ်မႃးယဝ်ႉ။
ၽူႈယႂ်ႇၽၢႆႇ ၵေႃႇမသျိၼ်ႇပၢင်လိူၵ်ႈတင်ႈ မွၵ်ႇလၢတ်ႈဝႆႉဝႃႈ ၽူႈလႂ်ၽႂ်သေဢမ်ႇဝႃႈ ပေႃးယႃႉၵဝ်း ပၢင်လိူၵ်ႈတင်ႈၼႆ တေၺႃးတၢမ်ႇၶွၵ်ႈ ထိုင် 5 ပီၼႆသေ၊ ၼၢင်းယိင်း ၵေႃႉဢၼ်ဢဝ် ၼမ်ႉသီၶဵဝ် ထွၵ်ႇသႂ်ႇၼႂ်း တိူၵ်ႈၶႅပ်းၵၢင်ၸႂ်ၼၼ်ႉၵေႃႈ လူင်ပွင်ၸိုင်ႈၶဝ် ပိုတ်ႇလိူင်ႈ ၵေႃႇၵၢၼ်ၽိတ်းၽိင်ႈ ဝႆႉယဝ်ႉ။ တီႈၶႅပ်းၵၢင်ၸႂ်ၼၼ်ႉ မီးဝႆႉ ပူႇထိၼ်ႇ လႄႈ ၼၢင်းယိင်းသၢမ်ၵေႃႉသေတႃႉ ၽူႈလဵပ်ႈႁဵၼ်းၶဝ် ထတ်းသၢင်ဝႃႈတႄႉ မၼ်းပဵၼ် ပၢင်လိူၵ်ႈတင်ႈ ဢၼ်ႁၢင်ႈႁႅၼ်းဝႆႉတႅတ်ႈၼႅတ်ႈ တႃႇႁႂ်ႈ ပူႇထိၼ်ႇ ၶိုၼ်းထုၵ်ႇလိူၵ်ႈထႅင်ႈၵူၺ်း ဝႃႈၼႆယဝ်ႉ။ ပၢင်လိူၵ်ႈတင်ႈ တူဝ်ႈမိူင်းၼႆႉ တႄႇဢဝ် လိူၼ်မၢတ်ႉၶျ် 15 ဝၼ်းတေႃႇ 17 ဝၼ်း လႄႈ ၸတ်းႁဵတ်းယူႇ ၶၢဝ်းတၢင်း 3 ဝၼ်းယဝ်ႉ။ ၵဵဝ်ႇၵပ်းလူၺ်ႈ လွင်ႈဢၼ် ၶဝ်ႁဵတ်းပၢင်လိူၵ်ႈတင်ႈပႃးတီႈ လႅၼ်လိၼ်ယူႇၶရဵၼ်း ၸိူဝ်း ရတ်ႈသျႃး သိမ်းဢဝ်ဝႆႉၼၼ်ႉလႄႈ ၶွင်ႇၸီႇၽၢႆႇႁူမ်ႇလူမ်ႈ လႄႈ မိူင်းၶဝ်ႈၸုမ်း ၸုမ်းၸၢတ်ႈၸိုင်ႈလုမ်ႈၾႃႉ 50 မိူင်းပၢႆ လႆႈသၢၼ်ၶတ်းသႄႉသွမ်း ရတ်ႈသျႃးယူႇ။
ငိူၼ်ႈငဝ်ႈတိုၼ်း
- VOA News. "ကန့်ကွက်ဆန္ဒထုတ်ဖော်မှုတွေရှိတဲ့ ရုရှားရွေးကောက်ပွဲ" — VOA News, March 16, 2024
- Associated Press. "Putin Poised to Rule Russia for 6 More Years" — VOA News, March 16, 2024
- Robyn Dixon. "As voting begins in Russian presidential election, so do the protests" — The Washington Post, March 16, 2024
- Guardian staff and agencies. "Russians urged to disrupt final day of Vladimir Putin’s presidential election" — The Guardian, March 17, 2024
