ဝၼ်းဢႃးတိတ်ႉ၊ ၸုၼ်ႇ 30၊ 2024
.svg)
.jpg){kind=spacer}
ၸွမ်ပွင်ၸိုင်ႈၾရၢင်ႇသဵတ်ႈ ဢီမၼ်ၼူယႄလ် မႅၵ်ႉၶရူၼ်ႇ ၵိုင်ႉၵၢင်ႉပိုၼ်ၽၢဝ်ႇဝႃႈ တေၸတ်းႁဵတ်း ပၢင်လိူၵ်ႈတင်ႈသွမ်ႈ မိူဝ်ႈပူၼ်ႉမႃး 3 ဝူင်ႈၼၼ်ႉသေ မၼ်းတွတ်ႈၶႅပ်းၵၢင်ၸႂ် တီႈပၢင်လိူၵ်ႈတင်ႈ ပွၵ်ႈၵမ်းၼိုင်ႈ ဢၼ်တႄႇၸတ်းႁဵတ်းမိူဝ်ႈၼႆႉ။
ဝၢႆးသေ ပႃႇတီႇၽၢႆႇၶႂႃသုတ်းၶဝ် ပႄႉ ပၢင်လိူၵ်ႈတင်ႈ သၽႃးယူးရူပ်ႉ မိူဝ်ႈၸဝ်ႉလိူၼ်ၼႆႉယဝ်ႉ ၸွမ်ပွင်ၸိုင်ႈ သုၼ်ၵၢင် မႅၵ်ႉၶရူၼ်ႇ လႆႈပိုၼ်ၽၢဝ်ႇ လွင်ႈယႃႉပႅတ်ႈ သၽႃးတႂ်ႈ လႄႈ တႃႇႁဵတ်း ပၢင်လိူၵ်ႈတင်ႈ။ ပေႃးပၢင်လိူၵ်ႈတင်ႈ ပွၵ်ႈၵမ်းၼိုင်ႈ ပွၵ်ႈၵမ်းသွင်ယဝ်ႉတူဝ်ႈၵႂႃႇ ၽႂ်တေပဵၼ်မႃး ၸွမ်ၽွင်းလူင်။ ပႃႇတီႇၵၢၼ်မိူင်းဢၼ်လႂ် တေၵုမ်းၵမ်သၽႃးဢၼ်ဝႃႈၼၼ်ႉ တေမီးလွင်ႈတႅပ်းတတ်းမႃးယူႇ။
ၸွမ်ပွင်ၸိုင်ႈ မႅၵ်ႇၶရူၼ်ႇၵေႃႈ တေလႆႈႁူပ်ႉထူပ်း လွင်ႈတေလႆႈ ၸႅၵ်ႇဢႃႇၼႃႇ ၸွမ်း ပႃႇတီႇၵၢၼ်မိူင်း ၸိူဝ်းသၢၼ်ၶတ်း ပေႃႇလၸီႇမၼ်း ၵမ်ႈၼမ်ၼၼ်ႉယူႇ။ သင်ဝႃႈ ပႃႇတီႇၽၢႆႇၶႂႃသုတ်းၶဝ် လႆႈဢႃႇၼႃႇ ၼႂ်းပၢင်လိူၵ်ႈတင်ႈၼႆႉၸိုင် ဝၢႆးသိုၵ်းလုမ်ႈၾႃႉပွၵ်ႈၵမ်းသွင်ယဝ်ႉ ၼႆႉတေပဵၼ်ပွၵ်ႈဢွၼ်တၢင်းသုတ်းယဝ်ႉ။ ယွၼ်ႉပိူဝ်ႈ ပၢင်လိူၵ်ႈတင်ႈ ဢၼ်ၸတ်းႁဵတ်း မိူဝ်ႈဝၼ်းဢႃးတိတ်ႉ ဢၼ်ပဵၼ် ဝၼ်းလိုဝ်ႈၵၢၼ် ၶၢဝ်းမႆႈ တီႈမိူင်းၾရၢင်ႇသဵတ်ႈၼၼ်ႉလႄႈ ၵူၼ်းၸိူဝ်း တၢင်ႇယွၼ်း သုၼ်ႇတွတ်ႈၶႅပ်းၵၢင်ၸႂ် ဢၼ်လုၵ်ႉၼွၵ်ႈမိူင်းမႃးၼၼ်ႉ ၼမ်လိူဝ် ပၢင်လိူၵ်ႈတင်ႈ ပီ 2022 ၼၼ်ႉ ဢမ်ႇယွမ်း 5 ပုၼ်ႈ ၼႆယဝ်ႉ။
ငိူၼ်ႈငဝ်ႈၶၢဝ်ႇ
- Barbara Surk and Helena Alves. "Strong turnout in France’s high-stakes elections as support for the far right grows" — AP News, June 30, 2024
- Johanna Chisholm and Laura Gozzi. "Highest French election turnout in 40 years as far right seeks historic win" — BBC News, June 30, 2024
- Johanna Chisholm and Laura Gozzi. "France’s exceptionally high-stakes election has begun. The far right leads pre-election polls." — Associated Press, June 30, 2024
- DW News. "French election: Massive turnout as voting nears end" — DW News, June 30, 2024
