Wn/cdo/Dĕ̤ng-hāi iù-sùng puâng-dùng, Dṳ̆ng-guók Guók-gă Hāi-iòng-guŏh: Sĕng-tái sê̤ṳ gáu īng-hiōng
2018 n. 1 ng. 15 h. séng
Siŏh-màng (14 hô̤), Dṳ̆ng-guók Guók-gă Hāi-iòng-guŏh (中國國家海洋局) uōng-câng gì siĕu-sék gōng, Guók-gă Hāi-iòng-guŏh hāi-gīng-sùng (海警船) dĭk-dĭk găk 6 hô̤ Dĕ̤ng-hāi iù-sùng dâung siŏh dŏi gì sū-câi gáng-cháik (監測). Gŏng-gé̤ṳ uōng-câng siĕu-sék, cā-tàu 10 diēng cō̤-êu, sùng hàng-bók-cháuk lā̤ huōi-siĕu kó̤ làu. Huōi huōng-ùi cĭng duâi, siĕu iā gèng, â̤ gáu 200 mī. Sùng gà̤-dēng huōi-iĕng ŭ-tók-tók. Sùng-tā̤ (船體) iâ mâing-mâing sīng lŏk kó̤. Â-dáu 3 diēng cō̤-êu, iù-sùng gó̤-lòng ciáh sīng kó̤. Ĭng-ôi sùng siĕu kó̤, cĭng că̤ iù-ŭ (油污) găk hāi gà̤-dēng siĕu, sĕng-tái kuàng-gīng (生態環境) sê̤ṳ gáu ék-dêng īng-hiōng.
Dṳ̆ng-guók Guók-gă Hāi-iòng-guŏh gōng, â̤ gă-giòng (加強) gáng-cháik, hŭng-sék (分析) iù-ŭ cìng-kuóng, lì pàng-gū (評估) hāi-iòng kuàng-gīng.
6 hô̤ màng-buŏ 8 diēng cō̤-êu, Bă-nā-mā-gék (巴拿馬籍) „SANCHI“ iù-sùng gâe̤ng Hiŏng-gē̤ng-gék sáng-huó-lùng (散貨輪) „CF CRYSTAL“, giàng gáu liê Siông-hāi 300 gŭng-lī gì hāi-méng-siông, dŏk-iòng dâung siŏh dŏi. Iù-sùng „SANCHI“ diē-sié ô ngìng-sék-iù (凝析油), sùng cṳ̄-káik cêu huōi-siĕu kó̤.
Siĕu-sék lài-nguòng
edit- 国家海洋局：东海油轮碰撞致生态环境受到一定影响. 人民網.
- 上海沖から漂流中のタンカーが爆発、沈没 ３２人が不明. 朝日新聞.
