參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2018年1月15號訊】
昨暝（14號），中國國家海洋局網站倛消息講，國家海洋局海警船直直敆6號東海油船撞蜀堆倛所在監測。根據網站消息，早頭10點左右，船含不撮𡅏火燒去了。火範圍真大，烧野懸，會遘200米。船懸頂火煙烏黜黜。船體也慢慢沈落去。下晝3點左右，油船囫圇隻沈去。因為船燒去，真儕油污敆海懸頂燒，生態環境受遘一定影響。
中國國家海洋局講，會加強監測，分析油污情況，來評估海洋環境。
6號暝晡8點左右，巴拿馬籍「SANCHI」油船共香港籍散貨輪「CF CRYSTAL」，行遘離上海300公里倛海面上，突然撞蜀堆。油船「SANCHI」裏勢有凝析油，船此刻就火燒去。
消息來源
edit- 国家海洋局：东海油轮碰撞致生态环境受到一定影响. 人民網.
- 上海沖から漂流中のタンカーが爆発、沈没 ３２人が不明. 朝日新聞.
