【2018年2月17號訊】
昨暝（16號）是正月初一，福清市新厝鎮大澳村倛民間文藝隊來遘福州南後街，做民俗表演「海族舞」。早頭10點，表演開始。30幾隻村民頌𡅏黃色倛衣裳，掏𡅏真像魚倛乇做動作。魚真像敆海𡅏泅——蓝蓝倛天就是魚倛海洋。表演吸引了𣍐少市民，來覷倛儂佔了半爿街。
海族舞敆南宋倛辰候就已經有了。茲種舞源於新厝鎮大澳村，過了幾百年，敆福清倛海墘流傳雅遠。海族舞現在也是福清倛非物質文化遺產。
消息來源
edit- 福清非遗“海族舞”亮相南后街 展示原汁原味海丝特色. 福州新聞網.
- 福清狮子“舞”动南后街 今日有海族舞特色表演. 福州新聞網.