Wn/cdo/天宮一號逿下其時間推遲 霆遘儂其可能性雅嫩

< Wn‎ | cdo
Wn > cdo > 天宮一號逿下其時間推遲 霆遘儂其可能性雅嫩
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

【2018年4月2號訊】

1號,天宮一號經過北京

中國失控空間站「天宮一號」其最新狀態評估出來了。評估表明,「天宮一號」落遘地球其時間,雅有可能比原來預測其固遲仂囝。

專家敆離地兜160遘180公里其高度追蹤遘了天宮一號其軌跡。根據茲萆發現,專家其最新預測是,天宮一號復蜀回逿裏大氣層其窗口時間,是敆格林尼治時間禮拜(4月1號)暝晡23:25左右。嚽表明進入窗口會是格林尼治時間其禮拜下晝遘拜一早頭。

中國方面已經無辦法聯繫遘返回艙。最後其下降過程也控制𣍐來。

但是專家認爲,天宮一號部件霆遘人群聚居區其可能性是雅嫩其。

英國航天局首席工程師克勞瑟(Richard Crowther)講:「天宮一號質量雅重,做雅硬。共以前失控其物體對比,天宮一號會承受固大其壓力,故此雷達也會競相追逐伊。復蜀回逿裏大氣層其時候,大部分艙體會燒燬,殘骸最可能霆遘海懸頂。」

消息來源 edit