【2019年6月7號訊】
今旦日，中國大陸2019年其高考開始了。中國教育部講，有蜀千三十一萬隻儂報名高考。
早起頭九點，開始考語文。全國一卷其作文，讓考生寫演講稿，倡議大家「熱愛勞動，由自家做起」。全國二卷由下底五隻選項裏勢揀蜀隻，介使青年哥當事人其身份寫：
- 1919年5月4號，著學生集會懸頂其演講；
- 1949年10月1號，參加中華人民共和國開國大典慶祝遊行之後寫乞厝裏儂其批；
- 1979年9月15號，參加新生開學典禮之後寫乞同學其批；
- 2019年4月30號，收看《紀念五四運動100週年大會》之後其觀後感；
- 2049年9月30號，寫乞某某隻「百年中國功勳人物」其國慶節慰問其批信。
語文其考試遘十一點半結束。下晝三點考數學。
消息來源
edit- 逾千万考生赶考 2019全国高考今起拉开大幕. 新华网. 2019-06-07 （中文（中国大陆））.
- 5.6万考生迎高考，7日考语文、数学两科，8:20就可以进考场了. 长江网. 2019-06-07 （中文（中国大陆））.