【2019年6月24號訊】
2019年福建省其高考分數今旦（24號）公佈。
考卷是20號改完其。福建省其網上評卷敆三萆位處做。答題卡敆福建省教育考試院掃描。兩萆主觀題評卷點共舊底蜀樣，敆福州大學共福建師範大學。今年共總有1640隻先生改卷。改卷其先生，都是由全省高中、市縣教研部門、本科高校裡勢揀出來其，都有中級共中級以懸其教師職稱，高中先生故着完成過蜀輪高中教學任務，學科骨幹評卷教師故着敆自家其領域有比較懸其學術水平。故敆𡅏讀書其本科生、研究生儥使改卷。
若是講見覺自家分數有賺，卜想申請介檢查蜀回，着敆26號17時點之前申請，過了時間就儥使做了。申請覆查其考生，着掏𡅏自家寫其申請、有效其居民身份證、普通高考準考證（應屆高級中等教育學校畢業生故着帶𡅏畢業中學教務處其介紹信），遘高考報名其縣（市、區）教育招生考試機構交《2019年普通高考成績覆查申請表》。7月2號之前，各縣（市、區）教育招生考試機構會將覆查結果通知考生。
消息來源
edit- 福建计划20日完成高考批卷 24日左右公布成绩. 东南网. 2019-06-18 [2019-06-24] （中文（中国大陆））.
- 福建高考成绩24日左右公布 26日17时前可申请复查. 海峽都市在線. 2019-06-23 [2019-06-24] （中文（中国大陆））.