10 iyul 2019, Çərşənbə
- 4 July 2022: Wn/az/Mövlud Çavuşoğlu Ermənistandakı ekstremist qruplar haqqında danışıb
- 30 March 2020: Wn/az/Ermənistanda Robert Koçaryanın yenidən həbsi Serj Sarkisyanın isə dindirilməsi gözlənilir
- 11 July 2019: Wn/az/Ermənistanın elektrik sistemində qəza baş verib
- 3 March 2019: Wn/az/Azərbaycan Vikimənbədə Ermənistanı keçdi
- 15 December 2018: Wn/az/Ermənistanda 20 nəfəri Azərbaycana işləməkdə ittiham ediblər
Ermənistanın paytaxtı İrəvanda və bəzi rayonlarında 10 iyul 2019 tarixində, günorta saatlarından elektrik enerjisi təminatında problemlər yaranıb. Telefon stansiyası və internet ara-sıra kəsilib, İrəvan metropolitenində hərəkət dayanıb. İrəvan sakinləri elektrikin qeyri-sabitliyi nəticəsində məişət elektrik cihazların sıradan çıxması halları barədə xəbər veriblər.
Ermənistan baş nazirinin müavini Tiqran Avinyan ölkə elektrik sistemində problem yarandığını bildirib. Tiran Avinyan Ermənistan energetik sistemində qəza baş verdiyini bildirib: "Ermənistan energetik sistemində qəza baş verib. İrəvan istilik elektrik stansiyası və Hrazdan istilik elektrik stansiyasının 5-ci bloku dayandırılıb. Bütün respublika üzrə elektrik enerjinin kəsilməsi halları mümkündür", - Ermənistan baş nazirinin müavini yazıb və problemi "axşam saat 7-yə qədər həll etmək üçün" təmir işləri aparıldığını bildirib.
İrəvan metropoliteninin bəzi stansiyalarında qatarlar dayanıb, Fövqəladə Hallar Nazirliyi böhran mərkəzi briqadaları qatarlarda qalan sərnişinlərə metro tunellərindən çıxmağa kömək edirlər.
İrəvan meriyası mətbuat katibi Hakob Karapetyan Facebook vasitəsilə vəziyyətin nəzarət altında olduğu, saat 14-də olan məlumata görə, bütün sərnişinlərin evakuasiya edildiyi, lakin bəzi qatarların tunellərdə dayanıb qaldığını yazıb. "Elektriklə bağlı problem həll olunmayınca İrəvan metrosu işləməyəcək", - Karapetyan qeyd edib.
Mənbə
edit- Ermənistan elektrik sistemində qəza - BBC Azərbaycanca