Wikimedia Incubator

Wb/nia/Yuda/1

< Wb | nia | Yuda
Wb > nia > Yuda > 1

Fangowai

edit

I. 1 Yuda zanura da'e, enoni Yesu Keriso, talifusö Yakobo, ba nikaoni andrö, ni'omasi'ö, ba khö Lowalangi Ama, ba nirorogö khö Yesu Keriso.[1] 2 Yafalukha ami wa'ahakhö dödö ba fa'ohahau dödö ba fa'omasi, yatedou khömi.[2]

Samaelungu andrö ba bua-buara si lö sökhi

edit

II. 3 He ya'ami ni'omasi'ö! me no i'o'oudo tödögu, ba wanura khömi, he wisa wangorifi andrö, si no faoma falukha ita, ba lö tola lö usura khömi wamarou dödö, uŵa'ö, ena'ö mitimba zi fa'udu ba wamati andrö, si no mufa'ema zamuza, ba ni'amoni'ö andrö.[3] 4 Noa sa fatewu ösa niha, ba nitandrösaigö huku andrö, ba zura, föna sa'ae; si no mangerogö Lowalangi; labalia'ö, ba wa'asilöyaŵa la'oguna'ö wa'ebua dödö Lowalangida andrö, ba samatörö ya'ita andrö, si ha samösa, So'aya ya'ita, Yesu Keriso, ba la'osilö'ögö.[4] 5 Ba ufasugi ba dödömi, me no mi'ila zamuza fefu, hadia ia, wa no ifakiko zi lö mamati So'aya, ba zi samuza andrö, me no aefa i'efa'ö ira ba danö Miserayi.[5] 6 Ba he mala'ika andrö, si lö mangaro'ö khöra fa'asalaŵara, sondröi nahiara andrö, ba no itaha ba rate si lö mamalö-malö, bakha ba zogömi-gömi, ba wanguhuku ya'ira, na baŵa sebua andrö dania.[6] 7 Si mane Sodoma ba Gomora ba banua ba ngaira andrö, si no mohorö göi, hulö si mane ya'ira, si no molohi ösi niha bö'ö, me no mube'e famaedo ira, me lataha wotu andrö, ba galitö si lö mate-mate.[7] 8 Ba si manö sa göi da'ö, sangifi-ngifi andrö, lata'unöi nösira, lö ba dödöra zalaŵa, latandraŵaisi zolakhömi.[8] 9 Ba satua mala'ika andrö, Mikhaeli, me fasoso ira Gafökha, me fahuhuo ira, ba mboto Moze andrö, ba ata'u ia i'etu'ö hukunia, fanandraŵaisi, imane: Yamu'otu'ö ndra'ugö So'aya![9] 10 Ba ya'ira andrö, ba latandraŵaisi zi lö la'ila na i, ba hadia zi no to'ua la'ila, si mane saliŵa-liŵa ba danö, si lö tödö, ba lahalö famakikora.[10] 11 Alai ira, me no latörö lala Ga'ino andrö, ba me no adöni dödöra ba wamaelungu luo Mbile'amo andrö, ba me no tekiko ira, ba wolaŵa Gora andrö.[11] 12 Da'ö zolau si lö sökhi, ba gowuloa fa'omasi andrö khömi, si lö ada'u-da'u orudu ba wemanga-manga; ya'ira zokubaloi ya'ira; no lawuo si lö teu ira, ni'oloi'ö nangi, eu sangaruwu na baŵa deu, si lö bua, si no mendrua mate, si no abo'a baya,[12] 13 dulu nasi sabölö, saila ita khöra gotu-otu, döfi selungu-lungu, ba ni'irö'ö si bongi andrö, sogömi-gömi andrö, si lö aetu.[13] 14 Ba noa sa göi ifa'ele'ö he wisa ira Khenoki andrö, fitu nga'ötö i'otarai duada Adamo, no imane: "Hiza, möi Zo'aya, awö ngafulu ngahönö ni'amoni'ö andrö khönia,[14] 15 ba wanguhuku fefu, ha niha ira, ba ba wangotu'ö fefu zi no mangerogö Lowalangi, ba khöra andrö, ba mbua-buara andrö fefu, falösökhi andrö, nifa'uara, ba ba wehede safaito, fefu, nilau zanao horö andrö, si no mangerogö Lowalangi, khönia."[15] 16 Sikökö-kökö andrö, sanahigö Lowalangi, ba nifatörönia khöra, sanörö lala wangisöra, ba fayaŵasa lua-lua mbewera, lasuno niha ba zi so ira, na so harera ba da'ö.[16] 17 Ba ya'ami ni'omasi'ö, ba mitörö-törö tödömi daroma li andrö, si no lahönagö fanguma'ö sinenge Zo'aya ya'ita, Yesu Keriso,[17] 18 me lamane khömi: "Ba götö safuria dania, ba so zango'aya, sanörö lala wangisöra andrö, ba wa'elungura."[18] 19 Si oniagö ya'ira andrö, sanörö lala niha; si lö eheha.[19]

Famarou tödö ena'ö abe'e ira ba wamati

edit

III. 20 Ba ya'ami ni'omasi'ö, ba mi'a'azökhi ami, ba wamatimi andrö, ni'amoni'ö sibai, ba mi'angandrö, balazi Geheha ni'amoni'ö.[20] 21 Mi'aro'ö ami, ba wa'omasi Lowalangi ita, midöna-döna wa'ahakhö dödö Zo'aya ya'ita, Yesu Keriso, ba wa'auri si lö aetu.[21] 22 Ba mihakhösi tödö ösa, sangiwa tödö;[22] 23 mi'orifi, misöbi ba galitö; ba tanö bö'ö, ba mihakhösi tödö, ba mi'ata'ufi, ba mi'ogorofi göi mbaru andrö, si no ra'i-ra'iö ba nösi niha andrö.[23]

Fango'ozui sura

edit

IV. 24 Ba khönia, sangila mondrorogö ya'ami, fa lö manendre ami, sangila mama'aso ya'ami föna lakhöminia andrö, si lö sinegu ba sowua-wua tödö,[24] 25 khö Lowalangi si ha sambua andrö, sangorifi ya'ita, balazi Yesu Keriso, So'aya ya'ita, ya khönia lakhömi ba fa'asalaŵa ba fa'abe'e ba fa'abölö, i'otarai föna nga'ötö danö, ba iada'e, ba götö-götö wa'ara dania! Yaduhu.[25]

Famotokhi ba gahe

edit
  1. ↑ Yak 1:1; Mat 13:55; KorI 1:2; Yoh 17:11,15
  2. ↑ FetII 1:2
  3. ↑ TimI 6:12
  4. ↑ FetII 2:1–3; Gal 2:4; 5:13; Tit 1:16
  5. ↑ Heb 3:16–19
  6. ↑ Yoh 8:44; FetII 2:4,9
  7. ↑ FetII 2:6; MozV 29:23; MozI 19:5; Yes 66:24; Mat 25:41
  8. ↑ FetII 2:10
  9. ↑ FetII 2:11; Dan 12:1; Fam 12:7
  10. ↑ FetII 2:12
  11. ↑ YohI 3:12; FetII 2:15,16; MozIV 16
  12. ↑ FetII 2:13,17; Hes 34:2; Mat 7:19
  13. ↑ Yes 57:20; FetII 2:17
  14. ↑ MozI 5:18,22; MozV 33:2; Mat 25:31
  15. ↑ TesII 1:7,8; Mat 12:36
  16. ↑ FetII 2:18; Yak 2:1,9
  17. ↑ FetII 3:2
  18. ↑ FetII 3:3 b.t.; TimII 4:1 b.t.
  19. ↑ Amaed 18:1; Rom 16:17; KorI 2:14
  20. ↑ Kol 2:7
  21. ↑ Tit 2:13
  22. ↑ TimII 2:25
  23. ↑ Rom 11:14; KorI 3:15
  24. ↑ TesI 5:23; Rom 16:25 b.t.
  25. ↑ FetII 3:18; TimI 1:17; 2:3

Fabaliŵa lala

edit

Olayama Zura Yuda: 1

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Yuda/1&oldid=6229883"