Wikimedia Incubator

Wb/nia/Yohane II/1

< Wb | nia | Yohane II
Wb > nia > Yohane II > 1

Fangowai Yohane Kiria andrö

edit

I. 1 Satua andrö zanura da'e, khö Kiria nituyu andrö, ba ba nononia andrö, somasi ndra'o si ndruhu-ndruhu. Ba tenga ha ya'o, no dozi tanö bö'ö göi, si no aboto ba dödö si duhu.[1] 2 Börö zi duhu andrö, si lö tebulö ba dödöda, si lö aefa khöda, irugi zi lö aetu. 3 Yafalukha ami wa'ebua dödö, awö wa'ahakhö dödö, awö wa'ohahau dödö, khö Lowalangi Ama, ba khö Yesu Keriso, Ono Nama andrö, ba wa'aduhu ba ba wa'omasi.[2]

Fa'omuso dödönia ba mbua-buara si sökhi andrö

edit

II. 4 No omuso sibai dödögu, me no usöndra, ba nonou andrö, zanörö lala zi duhu, solo'ö oroisa andrö, nitemada khö Nama.[3] 5 Ba iada'e, ba u'andrö khöu, ya'ugö Kiria, tenga hulö na oroisa si bohou usura khöu, no oroisa si no so khöda, i'otarai mböröta, ena'ö faoma ta'omasi'ö nawöda.[4] 6 Ba da'ö wa'omasi andrö, ena'ö tatörö lala goroisania. Da'ö goroisa, ena'ö mitörö, si mane nirongomi, i'otarai mböröta.[5]

Famangelama ba zamaelungu andrö

edit

III. 7 Noa sa ato zamaelungu, si no möi ba niha ba guli danö, si lö manehe, wa no tobali ösi niha Yesu Keriso. Da'ö zamaelungu, da'ö zi fa'udu andrö, khö Keriso.[6] 8 Mi'angelama, fa böi aekhu gölömi, ba halöŵömi andrö, ena'ö ahori mitema luo.[7] 9 Dozi sanalu'i, si lö ahono ba wamahaö Keriso andrö, ba lö Lowalangi khöra; ba zi lö tebulö ba wamahaö andrö, ba da'ö so Nama, fabaya Ono.[8] 10 Na so zi möi khömi, si lö molohe famahaö da'ö, ba böi mifa'amöi ia yomo, ba böi mi'owai ia.[9] 11 Awönia ba mbua-buania si lö sökhi andrö na so zangowai ya'ia.

Fango'ozui sura

edit

IV. 12 Oya nisuragu khömi ena'ö, ba lö omasido ufake garate ba taŵa; udöna-döna sa möido khömi, ba fahuhuo ita, ena'ö mo'ahonoa wa'omuso dödöda.[10] 13 La'owai ndra'ugö ono nakhiu ira alawe nituyu andrö.

Famotokhi ba gahe

edit
  1. ↑ YohIII 1:1
  2. ↑ TimI 1:2
  3. ↑ YohIII 1:3
  4. ↑ YohI 3:11,23
  5. ↑ YohI 5:3; Yoh 15:10
  6. ↑ YohI 2:18; 4:1–3
  7. ↑ Fam 3:11
  8. ↑ YohI 2:23
  9. ↑ TesII 3:14; KorI 16:22; Gal 1:8,9
  10. ↑ YohIII 13:14; YohI 1:4

Fabaliŵa lala

edit

Olayama Zura Yohane II: 1

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Yohane_II/1&oldid=6229881"