Wikimedia Incubator

Wb/nia/Tito/2

< Wb | nia | Tito
Wb > nia > Tito > 2

Amuata si sökhi ndra niha Keriso

edit

I. 1 Ba ya'ugö, ba hadia zi faudu ba wamahaö si ndruhu andrö, da'ö ombakha'ö;[1] 2 ena'ö, böi sambö era-era ndra matua satua andrö, ena'ö si sökhi amuata ira, satua-tua, ena'ö atulö wamati, awö wa'omasi, awö wanaha tödö andrö.

3 Ba si manö ndra alawe satua, ba gamuatara, ena'ö soadu ba ni'amoni'ö andrö, böi samöbögö si lö duhu, böi samorege famadu tuo, ena'ö samahaö ba zi sökhi,[2] 4 ena'ö lafamaha zawena muhalö, ba wangomasi'ö ira matuara ba onora; 5 lafamaha, ena'ö atua-tua ba ohau-hau, ena'ö lahaogö halöŵöra baomora, ba ena'ö la'o'ö li ndra matuara, fa böi tetandraŵaisi daroma li Lowalangi andrö.[3]

6 Si manö göi ba nono matua: öfarou dödöra, ena'ö atua-tua.

7 Fefu hadia ia, ba be'e duma-duma ndra'ugö, ba mbua-bua si sökhi, ba ba wamahaö, ba böi fabaya zi lö göna, yamoadu,[4] 8 fehede satulö wehedeu, si lö sinegu, ena'ö aila zi fa'udu andrö, na tebai iböbögö khöda zi lö sökhi.[5]

9 Sawuyu andrö, ba farou dödö, ena'ö la'o'ö li zokhö ya'ira: ena'ö lafaigi zomasi zokhö, fefu, hadia ia, böi ndramamadaö,[6] 10 böi managö, ena'ö a'oi so wa lö faröi ira, si sökhi, ena'ö moturia lala Lowalangi, sangorifi ya'ita ba khöra andrö, fefu, labe'e.

Fa'ebua dödö Lowalangi si no mufa'ele'ö

edit

II. 11 Noa sa to'ele wa'ebua dödö Lowalangi andrö, sangorifi niha fefu;[7] 12 ifahaö ita, ena'ö taböhöli wa lö ba dödöda Lowalangi, awö wangisö andrö, ba guli danö, ba ena'ö satua-tua ita, ba satulö tödö, ba solo'ö li Lowalangi, ba götö da'e ba guli danö,[8] 13 sombalo-mbaloi tötönafö andrö, sohahau dödö, ba fa'ato'ele lakhömi Lowalangi sebua andrö, sangorifi ya'ita, Keriso Yesu,[9] 14 si no mame'e ya'ia, salahida, ba wangefa'ö ya'ita, ba zi lö atulö fefu, ba ba wangehao ya'ita, banua khönia, sowölö-ölö ba mbua-bua si sökhi.[10]

15 Da'ö ombakha'ö, ba farou dödöra, ba oigö dödöu wangotu'ö. Böi yamu'ositengagö ndra'ugö niha, ha niha ia.[11]

Famotokhi ba gahe

edit
  1. ↑ Faigi 1:9
  2. ↑ TimI 3:11; 5:10
  3. ↑ Efes 5:22 b.t.
  4. ↑ TimI 4:12; FetI 5:3
  5. ↑ FetI 2:12; 3:16
  6. ↑ Efes 6:5 b.t.; TimI 6:1 b.t.
  7. ↑ Faigi 3:4; YohI 4:9
  8. ↑ FetI 2:11; YohI 2:15 b.t.
  9. ↑ KorI 1:7; Fet 1:7
  10. ↑ Gal 1:4; TimI 2:6; Efes 5:27; 2:10
  11. ↑ TimI 4:11-12

Fabaliŵa lala

edit

Olayama Zura Tito: 1 • 2 • 3

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Tito/2&oldid=6229847"