I. Fameta'u mado Yuda ba banua Yeruzalema: so wamakiko dania
edit1 Taroma li Yehowa, khö Zefania andrö, ono Gedalia ono Gamaria ono Hisikia, me luo razo mado Yuda Yosia, ono Gamoni.[1]
2 Ufarahugö wanibo fefu hadia ia ba guli danö! iŵa'ö Yehowa. 3 Uhori niha, fabaya urifö niha, uhori wofo ba dalu mbanua ba i'a ba nasi, ba fangala andrö, fabaya sebua horö, uhori niha ba guli danö! iŵa'ö Yehowa.[2] 4 U'oro'ö dania dangagu yaŵa mado Yuda ba yaŵa mbanua Yeruzalema, ba uhori ba da'ö döi Mba'ali andrö ba töi gere nadu andrö, fabaya ere,[3] 5 awö fefu zangalulu ba ngahönö ba mbanua si yaŵa, ba dete nomora yaŵa, awö zangalulu andrö, si möi ba hölu ba khö Yehowa ba same'e hölu göi Milikomo andrö,[4] 6 awö zi no mangerogö Yehowa, si lö mangalui ya'ia, si lö manofu ya'ia![5]
II. No ahatö mbaŵa andrö khö Zo'aya, baŵa wangotu'ö Yeruzalema
edit7 Böi mihede-hede föna Yehowa, So'aya! Me no ahatö mbaŵa andrö khö Yehowa; no i'asiwai zumange Yehowa, no i'amoni'ö nikaoninia andrö.[6] 8 Ba na baŵa wame'e sumange andrö khö Yehowa, ba u'otu'ö zalaŵa, awö nono razo, awö dozi sonukha nukha Ndrawa.[7] 9 Na luo da'ö, ba udozigö u'otu'ö sanawö toyo mbawandruhö, sangöhöna famakao awöra ba falimosa, ba nomo Zo'aya ya'ira.[8] 10 Na luo da'ö dania — iŵa'ö Yehowa — ba so we'ira-ira, i'otarai mbawa göli gi'a, ba fege-ege si otarai zi mamatonga mbanua, ba fangarö-ngarö sabölö-bölö si otarai hili-hili.[9] 11 Mi'ege-ege, ya'ami si so omo ba "lösu", me no ahori tekiko zaniaga andrö, ba me no muhori zolu'i-lu'i ana'a. 12 Ba na luo da'ö, ba u'ohe zulu, wamaigi-maigi ba Yeruzalema, ba u'otu'ö ira, si no abe'e manö ba wöröwörö andrö khöra, ba sanguma'ö tödöra: "Yehowa andrö, ba tebai ibe'e zalöfö, ba tebai göi ibe'e te'ala ita!"[10] 13 Ba nirabu dania zi so khöra, ba omora, ba sadudu: ba na molau omo ira, ba lö la'onahia, ba na lafazökhi kabu nagu, ba lö'ö zui labadu nösi mbua![11]
III. Baŵa safökhö dania mbaŵa da'ö
edit14 No ahatö mbaŵa sebua andrö khö Yehowa; no ahatö ia, ba alio sibai irugi. Mifondrondrongo? no baŵa andrö khö Yehowa! Mu'ao mege-ege zabölö andrö. 15 Baŵa wönu mbaŵa andrö ba baŵa wa'ata'u ba baŵa wa'atosasa, baŵa wa'adudu ba baŵa wa'afufu, baŵa zi bongi ba baŵa wa'ogömi-gömi, baŵa lawuo ba baŵa wa'alu;[12] 16 baŵa wolau torofe ba baŵa wangekhugö niha, ba wanuwö banua saro, awö watalinga göli andrö si no alaŵa. 17 Ba ufeta'u niha, ena'ö timba zi lö hörö ira wowaö-waö, me no molalö ira khö Yehowa. Ba aduwa dania ndrora, timba gawu-gawu, ba betu'ara, timba zöi. 18 Tebai möi fangorifira wiröra, ba he ana'ara, na baŵa wönu Yehowa andrö, ahori dania i'a danö alitö wönunia andrö. Ihori manö sa dania zowanua ba guli danö fefu, lö mudöna-döna.[13]
Famotokhi ba gahe
editFabaliŵa lala
editOlayama Zefania: 1 • 2 • 3
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö