Wb/nia/Amaedola/Amuata Niha

Böi bulö'ö gamaedola andre tou, börö nikhete moroi ba mbuku ia (li Indonesia: kutipan).

Na so gamaedola sibohou, sura ia ba gangolifa ngawalö gamaedola molo'ö börö hurufonia. Höndrögö ba da'a. Saohagölö

Amaedola Nono Niha Sifakhai ba Gamuata Niha

Amuata nifaigi,
bua-bua nitöngöni.
Ananido anani sambua hie u'a mbawi.
Olofodo olofo sambua bowoa u'a gowi.
Andrö ayau lagasi,
andrö ayau guro,
me so ba nuwu durumö,
wokasi mudo famahono.
Ba no mozae-zae duho goma,
ha ba dete alösö yaŵa,
ba dödö awukho obou bakha.
Bulu geu rörö matiana,
bulu gendruo rörö kudo,
gaya bulu mosu-mosu,
maliŵa-liŵa na so deu,
gaya fombali huhuo,
ilau nikondro na so do.
Ena'ö lö afökhö,
ena'ö lö akao,
ae yomo uro,
yae nahau bolaboko.
Gogowaya zabuso,
la'oro zolu'i gumo.
Haru lelagu famakoe dölö-tölögu,
agadölö na so gögu,
agaköi ba halöŵögu.
He no atua na mamöri-möri hua,
ba he no awuyu-wuyu na aböu du'u-du'u.
Hiza me hino-hino dölagu:
ubözi dalu zökha ba ndru'u,
ulafoyoi mba'e ba hogu geu,
ukhamö ba wolangi gelefu,
ukhamö ba hohou gewu-kewu.
Hiza me no atua alau nawu:
u'usu dalu lada lö aetu,
ba ufelai nasio lö mangulu.
Hulö latunu go'o ba Dumöri,
felezara zamaböli
ba felendrua zanöri-nöri.
Hulö molahe gotu ba nasi,
so lahe ba mbanua ba molahe tou ba danö.
Namo mbulu mbalikhi,
namo mbulu go'o,
si lö lokha atö so
ba wa'aila ba zato.
Nifangolombu nagole abou hunö,
nifangolombu töla isika lae-laenia.
Nifemanga döwu itö (töwu maru)
ami zandroto.
Nifofanö mbawi lalu,
nitörö da'io ba itörö ahe.
Nifuwu'u-wu'u landröta,
nifozae-zae mboto goma,
ba dödö obu'u bakha,
ba mbawa lö alua yaŵa.
Nikha'ai mbulu gi'iŵa,
la'ohe ba ni'eŵa wato.
No adölö-dölö lö bu'u,
no ohau-hau lö sinegu,
no manögi gera ba dalu,
no manögi go ba dalosu.
No mo nago hili,
atambu bu angao nösi.
Ono alawe Dugala
ha mururu ba lulu
ba no aheta gu'i ba nose.
Riti-riti balu-balu hötu.
Sibölökau'u ba halama,
ebua dödögu na fasala.
Sibölökau'u ba mbanua,
ebua dödögu na alua.
Sofanö ba zilaluo,
i'o'ö ia lumö-lumönia.
Sökhido towi,
fawio hörögu bösi.
Tebulö nangi ba hili,
tewu'a nangi ba nasi,
ba lö tebulö mbalö li.

Nitöngöni

Amaedola amilita andre mufa'oli molo'ö amuata niha (li Indonesia, kepribadian) nifa'oli Onesius Otenieli Daeli bakha ba Pemaknaan Amaedola Nias, sambua zinura si lö nasa muraka.
No mu'oguna'ö dandra wamabali (li Indonesia, tanda pemisah) ba wanandrai fehede nifomendrua.
Tola manö wa so nasa zi fasala muraka, tolo ösa ba wangatulö'ö ya'ia.
Na so wehede si lö ö'ila eluaha (fehede föna) böi dölö bulö'ö. Odödögö ua wanofu ba niha sindruhu mangila li Niha simane niha sonekhe ba gamaedola ma hoho.

Fabaliŵa lala

Olayama Gamaedola: A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö