20 III. Ba daʼö ibörötaigö ihede-hedeʼö mbanua andrö, ba zoya tefazökhi tandra andrö khönia, me lö nifalalinira era-erara, imane:
21 Alai ndraʼugö, khorasi! alai ndraʼugö, Betisaʼida! Na ba Diro ba na ba Zidona menaʼö tefazökhi dandra andrö, nifazökhi ba khömi andrö, ba na föna saʼae lafalalini geraʼera menaʼö, no laʼonukha goni, ba no lalau nawu ba högöra menaʼö. [1]
22 Ba uŵaʼö na khömi: önaʼöna na zi göna Diro ba Sidona, na luo wanguhuku andrö, moroi ba zi göna ami.
23 Ba yaʼugö, Kafanauma, tenga no muʼalaŵaʼö ndraʼugö, irugi mbanua si yaŵa? Irugi mbanua tou tetiboʼö ndraʼugö dania. Na ba Zodoma menaʼö tefazökhi dandra andrö, nifazökhi ba khömö andrö, ba lö si tebulö ia menaʼö, irugi maʼökhö andre.
24 Ba uŵaʼö na khömi: Onaʼöna na zi göna mbanua Zodoma andrö, na luo wanguhuku andrö, moroi ba zi göna ndraʼugö. [2]
25 Me luo daʼö humede Yesu, imane: usuno ndraʼugö, Ama, Sokhö sorugo, awö danö, me no öbiniʼö daʼö ba zatuatua, awö ba zonekhe, ba me no öfaʼeleʼö ia ba ndraono. [3]
26 Yaʼia, Ama, me no waʼomasiu zi manö.
27 Fefu hadia ia, ba no ibeʼe ba dangagu Amagu. Ba lö saboto ba dödö Ono, baero Nama, ba lö saboto ba dödö Ama, baero Nono, awö ba zedöna ifaʼeleʼö Ono. [4]
Famotokhi ba gahe edit
Fabaliŵa lala edit
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö