36 III. Ba me lafatunõ daʼõ, ba so manõ Yesu, ba hunõra bakha.[1]
37 Ba tobali dõdõra ba ataʼu ira, lawai bekhu niʼilara [2]
38 Ba imane khõra: Hadia wa tokea ami, ba hana wa manufa dõdõmi?
39 Mifaigi dangagu ba ahegu, wa yaʼodo; mibabaya ndraʼo, ba mifaigi, ba mbekhu sa, ba lõ nagole, ba lõ tõla, si mane niʼilami khõgu.[3]
40 Ba me iw̃aʼõ daʼõ, ba iʼoromaʼõ khõra gahe ba tanga.[4]
41 Ba me lõ faduhu dõdõra na, ba waʼomuso dõdõ, ba me ahõlihõli dõdõra, ba imane khõra: Hadia, so gõda maʼifu khõmi ba daʼe?
42 Ba labeʼe khõnia giʼa nisala õsa.
43 Ba ihalõ, iʼā fõnara.
44 Ba imane khõra: Daʼõ niw̃aʼõgu khõmi, me sodo khõmi na, wa lõ tola lõ itõrõ fefu zi so ba zura goroisa andrõ khõ Moze ba ba zura zamaʼeleʼõ ba ba zura zinunõ, ba khõgu andre.[5]
45 Awena ibokai dõdõra, fa aboto ba dõdõra zi so ba zura.[6]
46 Ba imane khõra: Si manõ ba zura, sanaõgõ famakao Keriso ba si maoso moroi ba ngai zi mate, na no irugi tõlu ngaluo,
47 ba niʼoʼmbakhaʼõ wamalalini era era ba fangefa horõ, ba dõinia, ba niha fefu misa, nibõrõtaigõ ba Yeruzalema. [7]
48 Yaʼami zi so ba mbõrõ ba daʼõ.
49 Ba ufatenge ba khõmi nifabuʼu Namagu andrõ; ba yaʼami, ba sahono ba mbanua, irege no teʼabõlõʼõ ami faʼabõlõ andrõ moroi si yaw̃a.[8]
(Luka 24 : 36 – 49)