I. Amabu'ula li: ebua dania lakhömi gosali si bohou andrö, moroi ba zi föföna edit
1 Ba ba zi dua wulu a sara, ba mbaŵa si fitu, ba so niŵa'ö Yehowa, nifa'ema Haga'i sama'ele'ö, imane:
2 Hede khö Zerubabeli, ono Zelatieli, kumandru ba mado Yuda, ba khö Yosua, ono Yosadaki, ere sebua, ba ba niha sato, ömane: 3 Ha niha na zi tosai ba khömi, si no mangila osali andre, lakhöminia föna? Ba he wisa wamaigimi ya'ia iada'e? Hadia, tenga hulö zi lö boto, wamaigimi?[1]
4 Ba iyae, ba böi busi dödöu, ya'ugö Serubabeli! iŵa'ö Yehowa; böi busi dödöu, ya'ugö Yosua, ono Yosadaki ere sebua! Böi mibusi dödömi, ya'ami niha ba danö fefu, iŵa'ö Yehowa, ba mibabaya halöŵö; utolo sa'ae ami, 5 iŵa'ö Yehowa ngahönö, nifagölösigu khömi, me aheta ami ba danö Miserayi, ba abölö Gehehagu ba khömi. Böi mibusi dödömi![2]
6 Imane sa Yehowa ngahönö: Hatö ma'ifu tö, ba ufaheu mbanua si yaŵa, awö danö, ba asi ba tanö sabe'e.[3] 7 Ufahufa niha baero, fefu, ba tobali owulo gama-gama niha baero fefu, ana'a, ba anönö nomo andre lakhömi ube'e, iŵa'ö Yehowa ngahönö.[4] 8 Khögu wirö ba khögu gana'a, iŵa'ö Yehowa ngahönö. 9 Lakhömi gosali andre dania, ba ebua moroi ba lakhöminia föna, iŵa'ö Yehowa ngahönö, ba fangorifi ube'e ba naha andre, iŵa'ö Yehowa ngahönö.[5]
10 Ba ba zi dua wulu a öfa ba mbaŵa si siŵa, si no töra döfi razo Dario, ba so niŵa'ö Yehowa, nifa'ema Haga'i, sama'ele'ö imane:
11 Da'ö niŵa'ö Yehowa ngahönö: Sofu ba gere he wisa lala ba da'ö: 12 Na so zi so saŵi ni'amoni'ö ba nono mbarunia, ba na tobaya nono mbarunia ba roti, ba ma ba gule-gule, ba ma ba nagu, ba ma ba wanikha, ba ma hadia ia ni'a, ba he wisa, ni'amoni'ö dania göi da'ö?
13 Ba lamane ere: Lö'ö!
Ba isofu na Haga'i, imane: Ba na so zi no ra'i-ra'iö ba zi mate, ba na ibabaya hadia ia da'ö no mege, hadia, si ra'i-ra'iö dania da'ö göi?
Ba lamane ere: Ya'ia![6]
14 Ba humede Haga'i, imane: Si manö göi ba niha andre, si manö ba soi andre, wamaigigu, iŵa'ö Yehowa, si manö göi ba nilau dangara fefu: nibe'era sumange khögu, ba da'ö, ba no si ra'i-ra'iö. 15 Ba iada'e, ba mifaigi he wisa ma'ökhö ba he wisa mege, me lö nifa'anömi kara na, omo Yehowa! 16 He wisa khömi mege? Larugi mbasitö: 20 nganu'i ladöna-döna, ba no ha 10; Ba larugi, wolazi nagu: 50 lauru laŵa'ö, ba no ha 20. 17 No u'otu'ö ami fa'akhozi ngalai wakhe ba fa'ahohomö ba teu kara, ba halöŵö dangami andrö, fefu; ba no lö fangawuli khögu ba khömi! iŵa'ö Yehowa.[7] 18 Ba mifaigi, i'otarai ma'ökhö andre ba ba götö dania, i'otarai zi dua wulu a öfa, ba mbaŵa si siŵa, baŵa me tebe'e tou doyo gosali Yehowa![8] 19 Mitöngöni, na so na ba halasa mbua danö ba na lö'ö na mowua nagu ba ara ba dalimo ba falo! I'otarai luo da'ö, ba ufahowu'ö ami.
20 Ba ifuli humede Yehowa khö Haga'i, ba zi dua wulu a öfa, ba mbaŵa da'ö, imane:
21 Ömane khö Zerubabeli, kumandru ba mado Yuda: Ufaheu mbanua si yaŵa, awö danö, 22 utuli'ö dadaomo razo ba uhori wa'abölö gamatöröŵa niha baero. Utuliö gureta, fabaya si fakureta yaŵa, ba alau kudo, fabaya si fakudo ba hulu, faoma ba mbawa zi'öli nawöra.[9] 23 Ba na luo da'ö — iŵa'ö Yehowa ngahönö — ba uhalö ndra'ugö, ya'ugö Serubabeli, ono Zelatieli, enonigu, iŵa'ö Yehowa, ba ufataro ndra'ugö, timba laeduru tandro; me no utuyu ndra'ugö, iŵa'ö Yehowa ngahönö.[10]
Famotokhi ba gahe edit
Fabaliŵa lala edit
Olayama Hagai: 1 • 2
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö