Tohu-tohu wamarou tödö
editI. 1 Ba me no si manö, ya'ami ira talifusögu, somasi ndra'o, ba zihulu dödögu, fa'omuso dödögu, ba si no amaedola dakulagu, ba mimanö wangabe'e'ö ya'ami, ba khö Zo'aya, ya'ami, somasi ndra'o.[1] 2 U'andrö khö Gewodia, ba u'andrö khö Zitikhe, ena'ö ha sambua dödö, ba khö Zo'aya. 3 U'andrö sa göi khöu, ya'ugö awögu si lö faröi andrö, tolo ira, si no fa'awö khögu, ba wangombakha turia somuso dödö, awö Gelemeno ba awögu tanö bö'ö ba halöŵö, nitanö töi ba zura wa'auri andrö.[2] 4 Böi yamamalö-malö wa'omuso dödömi, ba khö Zo'aya! ufuli uŵa'ö: Mi'omusoi'ö dödömi![3] 5 Ya'aboto ba dödö niha fefu wa'ebolo dödömi andrö! No ahatö Zo'aya.[4] 6 Böi mibusi tödö hadia ia, ba gofu: hadia ia mbörö, na so zabu dödömi, ba mibokai khö Lowalangi, ba wangandrö ba ba wangalulu, yafao wangandrö saoha gölö.[5] 7 Ba irorogö dödömi, awö gera-erami fa'ohahau dödö andrö, khö Lowalangi, sabölö moroi ba gera-era niha fefu, ba khö Keriso Yesu.[6] 8 Ba hadia baero ö, ya'ami ira talifusö, hadia zi duhu, hadia zi so töi, hadia zatulö, hadia zohau-hau, hadia zomasi ita, hadia zatulö dödöda famondrongo, na so hadia ia mbua-bua si sökhi, na so hadia ia nisuno, da'ö mifatou-tou tödömi.[7] 9 Nitöngönimi göi, nitemami andrö, nirongomi, ni'ilami khögu, da'ö milau, ba itolo ami Lowalangi wa'ohahau dödö andrö.[8]
Fangandrö saohagölö ba dolo-tolo
editII. 10 Ba no omuso sibai dödögu, ba khö Zo'aya, me no ifuli tokea ami, ba wamatou-tou tödömi soguna khögu; noa sa mifatou-tou föna göi, ba lö lala khömi. 11 Tenga andrö uŵa'ö da'ö, me ambö khögu; noa sa to'ölö ndra'o, ahono dödögu, gofu he wisa khögu.[9] 12 Tola numana ndra'odo, ba tola fahöna khögu; no tefamaha ndra'o, gofu he wisa, ba gofu hadia ia, he sabuso ndra'odo, ba he solofo, he fahöna khögu, ba he ambö.[10] 13 Ulaŵa manö fefu, börö zanga'abölö ya'o andrö.[11] 14 Ba sökhi zui nilaumi, me no mitolo ndra'odo, ba wamakao andrö khögu. 15 Ba mi'ila sa göi, ya'ami banua Wilifi, wa ba mböröta wangombakha turia somuso dödö andrö, me uröi Makedonia, ba sambua lö banua, si lö aefa-aefa khögu, ba wanolo, baero ami, ha ya'ami.[12] 16 Me sodo ba Desalonika göi, ba no mifa'ohe'ö khögu zoguna khögu, mato mendrua.[13] 17 Tenga sangalui buala andrö ndra'odo, ha lua-luania andrö u'alui, si fahöna, ba wangofaya khömi. 18 Ba noa sa ahori utema, ba töra na i khögu; no fahöna khögu, me no utema khö Gefaforito nifa'ohe'ömi andrö, si sökhi sibai hua, sumange omasiö, somasi Lowalangi.[14] 19 Ba a'oi ibe'e khömi dania Lowalangigu fefu zoguna khömi, ba lakhömi, ba khö Keriso Yesu, me no fahöna khönia.[15] 20 Ba nifosumange Lowalangi, Amada, götö-götö wa'ara! Yaduhu.[16]
Fango'ozui zura
editIII. 21 Mi'owai ni'amoni'ö fefu ba khö Keriso Yesu. La'owai ami awögu andre, talifusö. 22 La'owai ami fefu ni'amoni'ö, ba oföna sa zi so yomo khö kaizaro andrö.[17] 23 Ya'ebua dödö Zo'aya ya'ita, Yesu Keriso, ba dödömi andrö![18]
Famotokhi ba gahe
editFabaliŵa lala
editOlayama Zura Filifi: 1 • 2 • 3 • 4
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö