Wikimedia Incubator

Wb/nia/Fetero I/5

< Wb | nia | Fetero I
Wb > nia > Fetero I > 5

Famarou tödö zatua

edit

I. 1 U'andrö ba zatua andrö, ba khömi, ya'o, awöra satua, samaduhu'ö famakao Keriso andrö, ba awö ba lakhömi andrö, nifa'ele'ö dania.[1] 2 Mikubaloi rorogöfö Lowalangi andrö, ba khömi, böi mibe'e ni'o'ou ami; ena'ö na saoha gölö, dali Lowalangi, böi ba wangalui luo saila ita, ena'ö na moroi ba wa'omasi;[2] 3 böi si mane salaŵa, ba dana khöra; ena'ö na tobali duma-duma ami, ba nikubaloi andrö.[3] 4 Ba mitema dania dakula andrö, si tebai aleu, lakhömi andrö, na to'ele dania zatua gubalo.[4]

Famarou tödö ba wa lö fayaŵa

edit

II. 5 Si manö göi ami, ya'ami si akhi, mi'o'ö li zi a'a andrö. Ba dozi ami, ba faoma mi'olembe wa lö fayaŵa andrö ba khö nawömi; itimba sa Lowalangi zi fayaŵa, ba i'ebua'ö dödönia ba zangide-ide'ö ya'ira.[5] 6 Ba mi'ide-ide'ö ami, mibe'e ami ba danga Lowalangi andrö, sabölö, ena'ö ibe'e salaŵa ami, na no irugi baŵa.[6] 7 Mibe'e balazi ia, na so zabu dödömi, gofu hadia ia soso sa dödönia ami.[7] 8 Böi mabu-mabu ami, ba böi mörö-mörö, itörö sa danö si fa'udu khömi andrö, Afökha andrö, hulö zingo sindröndrö-ndröndrö, i'alu-alui, ha niha ni'ania.[8] 9 Da'ö mitimba, mi'abe'e'ö ami, ba wamati, me no mi'ila, si manö göi wamakao, sanörö talifusömi andrö, ba niha ba guli danö.[9] 10 Ba ifalua dania wamo'ahonoa ya'ami Lowalangi wa'ebua dödö andrö fefu, sogaoni ya'ami, ba lakhömi andrö khönia, si lö aetu, ba khö Keriso Yesu, i'abölö'ö ami, i'abe'e'ö ami, ba ifodane-dane ami, na no aefa mitaha wamakao ma'ifu![10] 11 Ya khönia wa'abölö, irugi zi lö aetu! Yaduhu.[11]

Fango'ozui sura

edit

III. 12 No usura khömi ma'ifu khö Ziliwano andrö, talifusö si lö faröi, uŵa'ö, famarou dödö nisuragu khömi ba famaduhu'ö, wa da'ö wa'ebua dödö Lowalangi andrö, si ndruhu, ba zi so ami andrö.[12] 13 I'owai ami awöda nituyu andrö, ba Mbabilona, ba onogu Mareko andrö.[13] 14 Faoma mi'owai naŵomi fa'agosa bawa ba wa'omasi andrö! Ya'ohahau dödömi, dozi ami, si so ba khö Keriso Yesu.[14]

Famotokhi ba gahe

edit
  1. ↑ Tit 1:5; Luk 24:48; Fam 1:9
  2. ↑ Yoh 21:16,17; HalZin 20:28; Tit 1:7,11
  3. ↑ KorII 1:24; TimI 4:12
  4. ↑ Heb 13:20; Yes 40:10,11; TimII 4:8; Fam 2:10,26
  5. ↑ Mat 20:26; Yak 4:6
  6. ↑ Yak 4:10
  7. ↑ Mat 6:25 b.t.; Sin 37:5
  8. ↑ Faigi 4:7; HalZin 20:31; Luk 22:31
  9. ↑ Yak 4:7; Fil 1:30
  10. ↑ KorI 1:9; Efes 3:16,17
  11. ↑ Faigi 4:11
  12. ↑ TesI 1:1; Rom 5:2
  13. ↑ HalZin 12:12
  14. ↑ Rom 16:16; 8:1

Fabaliŵa lala

edit

Olayama Zura Fetero I: 1 • 2 • 3 • 4 • 5

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Fetero_I/5&oldid=6229872"