Wb/nia/Fa'amate

Alai ndra'ugö fa'amate. Fe'e niha sauri lö öhalö fusi. Tohare'ö ba öfabali noso ba mboto, Awai khönia. Möi'ö öfabali zifaronga, möi'ö öfabali ama khö nono, ono khö nina. Öbe'e goho-koho ba gotalua zauri zimate.

Lö sangila luo wa'amate zi samö-samösa niha. Oi alua ba ginötö zinehe Nama.

Me lö sa'ae maliŵa dödö, lö maliŵa mbo, lö sa'ae mohanu, tebato sa'ae wangele ndro ba nuo ba da'ö laŵa'ö no mate

Hana wa so wa'amate?

Fefu zauri lö zilö mate. No tobali fondrakö soroi zokhö i'otarai mege tewöwöi niha si'oföna. Na so wa'atumbu ba ibase'ö ia fa'amate.

Oya mbörö zi samösa niha i'ondrasi ia fa'amate.

1. Atua ndröfi

Fa'anau gölö niha molo'ö zi no alua-lua ba itundreheni ia ngawalö hasila wanehesi ndra ere wangi'ila, ya'ia zi 70 fakhe. Na italu'i ndröfi da'ö ba laŵa'ö no onönönöta moroi khö Zo'aya.

2. Mofokhö

Oya manö ngawalö wökhö si so ba mboto niha, ba na lö la tolo ira doto ma sohalöŵö ba owaörita ba tola manö mate niha. Mitebai sa'ae itaha botonia wa'afökhö ba aetu noso.

Lö olifu ita me so dungö sotoi korona ba ndrofi 2020. Oya sibai niha simate ba zi sagörö ulidanl

3. So zilako

So göi zi mate börö na aekhu ba honda, fatandru ba lala, manendre ba alau.

Simate börö me so molö, tsunami, aruru danö, alömö, ma zui börö me so wasuwöta, nituo gaurifa sobiso.

4. Ibunu ia samösa ma nibunu

Börö bö'ö wa'amate me ilau samösa dangania khönia, samazaumba ia ba mbaho sabakha, samatundrö'ö ia ba moto, samadu dalu-dalu langu, sohie mbaginia, btn.

Fanaisi wa'amate

Me no oya ngawalö gosöndrata ba mbolokha gowöirata andre simane dalu-dalu ba zifaudu ba zi samba-sambalö fökhö ba no möi fanaisi wa'amate.

Na so nuo si tolazi si so kolesterol sokara ba tola labokai labe'e 'laeduru' irege tola mangele ndro si te'u'u.

Ba ngawalö wakake gowaörita osöndrata ndra ere ba no mangaohasi halöŵö wamadöhö fökhö.

Me so korona ba ndröfi 2020, ba döfi ma dua fakhe aefa da'ö so gosöndrata dalu-dalu nifotoi öba (vaksin) korona irege fefu niha oi lasuti öba. Fo'öbaini da'ö labali'ö ondrekhata simane fanörö köfa sihombo ma ba we'amöi ba gotalua zato.

Fabaliŵa lala

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö