Wb/jv/Kawruh Basa Jawa/Tembung ing Basa Jawa/Ngrakit tembung andhahan
Kaya déné basa Indonesia, basa Jawa uga migunaaké ater-ater, sisipan, lan panambang. Tumrap paugeran kang digunaaké wis kababar "Ejaan Bahasa Jawa tahun 1991." Éwasemana, isih akèh sing durung mangerti marang paugeran baku iki.
Basa Jawa modern sing saiki kanggo pocapan padinan uga isih nganggo ater-ater, sisipan, lan panambang seka basa Jawa sadurungé (basa Jawa anyar, tengahan, lan kuno).
Ater-Ater edit
Ater-ater iku pocapan tambahan kang ana ing ngarep tembung lingga. Ater-ater iki ing antarané:
- Hanuswara (n, ny, m, ng)
- Tripurusa (tak, ko, di)
- Sa, pa, pi, pra, tar, ka, kuma, kapi, kami, a, ma, pan, pang, lan sapanunggalané
Ater-ater iki manéka warna maknané yèn wis dirakit karo tembung-tembung lingga utawa tembung andhahan liyané.