Mohsin.saraiki
Wp/skr/شاہزیب قمر
شاہزیب قمر edit
سرائیکی شاعر
جم پل edit
3-1-2000 دری ڈھولے والی ڈیرہ غازیخان
استاد محترم edit
صادق میر بیگ صاحب
غزلاں edit
غزل 1
پھل حیاتی ہے خار نئیں کرنڑاں
نال کہیں دے وی پیار نئیں کرنڑاں
خود کوں ڈیکھن تاں روز رو پوون
انہیں اکھیں کوں چار نئیں کرنڑاں
ہک ڈو لمحیں دی چاشنی کیتے
آپ کوں داغدار نئیں کرنڑاں
بہہ کے شیشے دی تار وستی وچ
کہیں مفلس تے وار نئیں کرنڑاں
دل دے کعبے اندر جتی بت ہن
کہیں کوں پروردگار نئیں کرنڑاں
ڈکھ میڈے یار غم میڈے بیلی
اپنڑیں یاریں کوں گار نئیں کرنڑاں
توڑے جتنا قمر خطار کار ہیں
حیا سمندر کوں پار نئیں کرنڑاں
شاہزیب قمر
غزل 2
بھیجم سنیہڑا سئیں کوں بائمان کاں دے نال
ہے مونجھ پئ منجیدی ہر ستر تھاں دے نال
ہنڑ تاں وسار جھیڑے ساون وی ڈیکھ ول آئے
نصری دی پنڈ چنڑوں ہا توتاں دی چھاں دے نال
بس یار ول آ پاروں رل عید تاں گزاروں
میں آپ وچ نا مانواں سجڑیں دی بہاں دے نال
کیوں پیت کوں بھلا کے غیریں دے نال ٹر پئیں
خیراں تیڈیاں منگاں نت دل تے زباں دے نال
ساون دیاں روز ہوکاں سینے قہر دیاں سوکاں
سنڑ بے ملی دیاں کوکاں دل بے زباں دے نال
تسڑی کوں تس کھا گئ بس آس ہک مکا گئ
ناواں میڈا لکھیجے قمر دے ناں دے نال
شاہزیب قمر
ڈوہڑے edit
ڈوہڑہ
میڈے سر تے ڈکھ دی رات نہ بنڑ جذبات نہ کھس سجھ ابھرن ڈے
اج ترس چا کھا میڈے جوبن تے ہے لہندی مس سجھ ابھرن ڈے
در پلکیں نال بوہار ڈیساں میڈی لہسی تس سجھ ابھرن ڈے
بس قمر یار تاں آ نکلے پچھیں ڈیکھ چس سجھ ابھرن ڈے