Margarita Lissette Arévalo Martínez

[1] [2]

AKULWAKA, PALEKA WAN TEXIKAL YEY TECHANCHIN MAYA SE IYULU

Techan iwan se kalpuli Ciudad Delgado itakutun tutalyu Kuskatan. Ciudad Delgado kipia kan witz ne ejekat naka Apunkpa wan Tunakatepek, kan Nemi newey puyek at Naka Suyapango wan Kuskatan, kan Kisa ne tunal naka Tunakatepek wan Suyapango, kan kalakis ne tunal naka Kuskatantzinku, Mejicanos, wan Ayutuchtepet. Ne apan Cañas wan Acelhuate. Ne tepet Milingo wan Colis. Katka nemiket yey Techanchin: Akulwaka (Kan ne awulwa), Paleka (tal iwan itajtachishka) wan Texikal (chan tejtetchin) peroj Ne wey Tajpiani Maximiliano Hernández Martínez kitukeytijtuyat musentaliat ne yey techanchin. Techan kitukeytijtuyat "Villa Delgado" pal ne wey Tajtzin wan ne pale José Matias Delgado. Ipanutuk nemik se tunal se pual yey pal ne Metzti Majtakti ume tik ne shiwit Se shikipil chiknawi tzunti se pual kashtul. Tik Se tunal kashtul ume pal ne Metzti chiknawi tik ne shiwit se shikipil chiknawi tzunti yey pual chik yey ipan Ne Asambleaj Legislativaj kitukeytijtuyat Ciudad Delgado. Ciudad Delgado kipia nawi Techan: Las Victorias, Asunción Paleca, Santiago Aculhuaca wan San Sebastián Texical. Nusan Kipia chik ume kujtantechan: San Laureano Obispo, San José Cortez, Plan de Pino, Calle Real, Cabañas, Milingo wan San Juan Arenales.[3] Ne Techan iwan Se kalpul kipia tik chiwat se ilwit pal muchi Santoj. Se tunal Se pual pal ne Metzti se ne honorj San Sebastián uni ne techan lilwiw mas yek wan mas weyak. Ne lilwiw pejki ne ume tunal chik wasen Metzti Se wan tamik ne tunal chik ume nemanha ka ne se pual metzti Se. San Sebastián kipia ne historiantes Moros wan cristianos. Yejemet mijtuteat panutuk tik ne tiupan. Kwak ne Santoj yawi ka techan nemanha Tajtaketzat iwan tuteku Tiut.Tik ne unse tanestuk ne Tajtaketzat senyawit nejnemet ka iuj ne techan. Ililwiw Santiago Apóstol Aculhuaca se pual makwil pal ne metzti chikume. Asunción Paleca Ililwiw kashtul pal ne metzti chikwey.