Hosann oqbai

ህዳይ> እንብል እት ሀሌነ፣ ሐቴ ስርዐት ዐወዲ ኦሮ ገቢል ልሙድ ለገብአ ፈረሕ ቱ። ወ እሊ ሀዬ፤መሰረቱ(አሳሱ) ምን ስኑት ሰብ ለበጽሐው ተብዐት ወ አንስ አፍራድ ዎክ አጅናስ ውለድ አዳም፣እብ ናይ ለለሙኖ ዲን እት ቀደም ረቢ፣እበ ኖሱ ለሰረተየ መሰረት(አሳስ) ገለድ እት ቀደምለ ማናዮም ለአስሮ ወ ዐዙመት ብለዕ ወ ስተይ እግል ዓቅርቦም፣ፈተቾም፣ጄራኖም ወለ ላአሙሮም ብዕደም ሽዐብ ክም ዐቅሞም፣ለአበልዑ ወ ለአሰቱ ወ ልትደሐሮ ወ ልትጸንበሎ።

>ጽበጥ ህዳይ ው ቴለሉ ሰኒ ብዙሕ ቱ። ከእብ ክፋል ክፋሉ እግል እሽሮሖ፣

1ይ ክፈል፣ ሕጼ ቱ። ወ ሕጼ 2 ገበይ ቡ። ለሐቴ አብ ሕጻን ወ አብ ወለት መሰኒት ዎክ ፈተች ሐቆ ገብአው፣እግል ሕድ ገለድ አቱ።ወ አነ ሕጸን ሐቆ ወለድኮ ወ እንተ ወለት፤እንዴ ቤለው እብሊ ለወደዎ ገለድ ወ ክም ምራዶም ረቢ ሐቆ ሀበዮም፣እብለ ገበይ እለ ሕጼ ተምም ወ እት ህዳይ በጽሑ ወ ፍሬ ውላዶም ልርኡ።

>ከሊእ እም ሕጻን አው ዐመት እበ ገብአ ልግበእ ሐቆ አድሕድ ለአምሮ፣እም እግል ወልዬ ትምኒተ ሀሌኮ ትብል ወ ሶሚት እት ስጋደ ዎክ ወሪደ ተአስር እተ ወ ከምሰልሁመ፣ዐመት፣ሕጻን አው ሕት ዐባይ ከምሰልሁ ወድየ።

2ይ ክፈል፣ ሕጼ፣ዐድ ሕጸን እግል ዐድ ወለት ልትሰአሎ እበ ገበይለ ስርዐቶም ወልትሀያቦ ወ ልትከልኡ። ሐቆ ተሀየበው፣ኣምዕል ህደዮም አስሮ ወ ምኑ ወ ቀደም ህደይ ወዱ ዐድ ሕጻን እግል ዐድ ወለት ዘክሮ፣አተ ገብአ ሰዳይት ወዱ እግሎም አስክ አምዕል ህዳይ ትተምም። ወ አምዕል ፍጉሮም ክም ተመት፣አምዕለ ፈራሕ ተ ወ ዐድ ወ መትለ ለአጸጉቦም ክመ ዛርአሙ ዕጽፍ ዝክራኖም እግል ዐድ ሕጸን።

እተ ኣምዕለ ሕጻይ ዐድ ሕጻን፣ ስመይነ ኣትአምሩነ ልብሎ እግል ዐድ ወለት ወ ዐድ ወለት ሀዬ፣ እግል ዐድ ሕጻን፣ስመይዮም ለአትአሙሮም ወ ኣምዕል ለአስሮ ወ እተ ኣምዕል ላእለ ኣስረው ወጅብ ስመዮም እቡ መጽኡ።

ወ ዐድ ወለትመ ወለቶም እግር ለተክል እቡ እት ኣሐ(ሐ) ፍሊት ጀደዕ ጸንብሎ ዎክ ለሀይቦ ወ ዐድ ሕጻን መ ክል ገቢል ናዩ ቡ መላኪን ምነ አነ ለአምሮ እትሃጌ ሀሌኮ።

ደሀብ፣ልባስ መርዓት፤ልባስ ዐድ እም ወ ዐድ ኣብ፣ዕቤለ ኪስ ፍሬ፣ወኣት ምንድቅ፣ወጠቀት ወልባስ እግል ዓቅርብ መርዓት፣ወ እት ኣምዕል ህዳይ ዓድ ወለት እግል ዐድ ሕጻን መትሎ ብዝሕት ለአተሉ ምን ጭገረት ወ ሰለዲ ወ እግል መርዓት መርዓዊ ንዋይ ወ ሳላዲ ለሀይቦ ነፍሶም እግል ልቅደሮ። እሊ በሀለት ማል ሰበት አለቦም መባገሲ ገብእ እግሎም በሀለት ቱ።

ሰብዕት እንብል እት ሀሌነ፣

>ወእሊ ወክሱሰን ለ አወላይት ክፋል እት ዘበን በዲር ቱ ወ አዜ ለተ፣እብ ገበይ ፍቲ ኖሶም እት ህዳይ በጽሑ።

ለአተለሌ