Atallahhali

ولايت تيندوف

Tindouf - لموقار سنت 1970

ولاية تيندوف في لخريطة 2009

Tindouf تندوف 2

[ام لعسل ]

DZ - 37 وين جايه تندوف

تندوف (بالفرونسي: Tindouf) هيا مدينة وبلدية جزايرية وهيا ثانيك دايرة تاع تيندوف، تابعة إداريا لولاية تيندوف وهي ولاية جزايرية جايا فالصحرا. وهي بعيد علا مدينت دزاير ب 1291 كلومتر و نديرو 16 ساعة باه نوصلو ليها ولايتة تندوف ولاية جزايرية جايه فل الجنوب الغربي لْلْبلاد . بعيدة علا لعاصمة تاع لبلاد بـْ 1750كيلو. تندوف ولايه غي تاع سَِرْحة ولاية رعوية) فيها سخانة فصيف و لبرودة شوية فشتا.تيندوف عندها زوج معاني لي هوما:تين معناها البلاصا و نص زاوج دوف معنتها الطواف وتينطوف : وهو بلاصت

 الطواف الي يزوروه الناس علا خاطر لأهمية تاعو  التجارية والدينية عندها 700سنا ملي تاسست معروفا بلعلم و لمعرفا كان فيها علاما كبير و معروف بزاف  سموه محمد المخطار بن بلعمش .في عام 1852 لقبيلة تاع تجكانت و ارقيبات هوما لي اسسو تيندوف ومبعد دمرتها قبيلة الرقيبات علاجال حرب تاع 100 عيشا و عويشا .وكان فيها معرض .تجاري كبير سماوه "الموقار

'الموقع / لمساحة و لحدود'

ولايت تيندوف فيها موقع استراتيج مهم ومساحتها 158.874 كلم2 من الشمال كاين لمغرب و من شمال شرقي كاين ولايت سموها ولايت بشار و كاين فاني الجمهورية لعربية لصحراوية من لغرب ولايت ادرار من لجنوب ششرقي ومن الجنوب [[Wp/arq/ موريطانيا|موريطانيا]ت
تيندوف بعيدا علا بشار ب 543 كلم وبعيدا علا ادرار 758 كلم وهيا بعيدا ب 50 كلم علا صحراء لغربية و علا المروك ب 65 كلم 

الكليما تيندوف فيها سخانة بزاف علاجال لي جاي في قلب صحرا الصيف طويل و سخون بزاف فيها و شتا قصير بصح فربيع و فلخريف كليما شوية شوية مانصيبوش سخانة بزاف ولا لبرود بزاف لكليما جافة على العام وقاع الفصول نصيبوا معدل تاع النو فيها 27ملم ديجا النو ماتيحش بين شهر ماي و جويليا

.خطرات برك يدرب رعد ودرجت لحرار في جوييي 45درج و هو الشهر السخون بزاف فالعام كامل ومابين شهر جوا و سيبتمبر الا 50درج

==السكان==

عدد سكان تيندوف يفوت 058 64 الف نسمة علا حساب لاحصائيات لي داروهم سنت 2008 بصح تيندوف معروفا بزاف بناسها لكراما عندهم ضيافا مازالوا كيما ناس بكري يبغوا لخير لكامل ناس فيها اصول عربي كيما لجماعا لي معروف سموها جماعت الرقيبات الشرفاء حفضان احمد الرقيبي ولاد سيد احماد وحسن واحماد ولحميدنات وقاسم ابراهيم واولاد عبد الواحد و لبيهات ...الخ وكاين جماعات جاو من بلايص الشمال يعيتولهم في تيندوف جماعت شراقا علاجال لي جاو مشرق تاع تيندوف خدمتهم لحرف ولخدما تاع اليد

.كيما رسم وصنع صوالح بليد  وفاني يخدموا كومارس

التقسام تاع الدواير

ولايت تيندوف فيها دايرا لي هيا دايرت تيندوف وفيها زوج بلديات هما:

بلديت تيندوف .
بلديت ام لعسل :  مدين و بلديا جزايريا جايا في تيندوف .

لبلايص شايعين فيها

حي الرماضين، حي موساني، حي القصابي، حي النصر، حي تندوف لطفي. حي قندهار، حي الأمير عبد القادر، حي الخنقة، حي سليمان عميرات، حي البدر.هاذوا بلايص معروفين و شايعين بزاف فهاذيك لمنطقا.

لحضيرا في تيندوف

لحضيرا فيها 168000 كلم مربع : 1-لحجرا رويانا. 2-واد شق. 3-فرقش. 4-مو طوابع.

لحيوانات تاع تيندوف

تيندوف فيها حيوانات كيما لغزلان، لجمال، لمعيز و ضبع .وكان كاين فيها حيوانات بريا كيما لقطوطا و كلاب بصح نقارضت هادي لحيوانات مور لي بناو فلبلاد مجوايه تسعينات .

لبلايص الاثريا

صحرا تندوف عام 1880

لي معروفين بزاف هوما: -اثار لإنسان لعاقل لي معروفا بسم Homo Sapiens جايا في بلاصا سموها منطقة لكحال شهدت على التاريخ لكبير لمنطقة تندوف. -بيوت لإنسان لبدائي في شناشن و الصناعات الحجرية. -ستاسيو تاع رسومات لحجريةلي كانت في فترة ما قبل التاريخ في قارة سعادة، وأم طوابع. -قبور عملاقة. -تيميلوس Tumulus جاي في منطقت سلوقيا.

لحمادة والعرق

-حمادة توناسين. -عرق شاش. -عرق اقدي.

لبنيان لقديم

-لجامع لعتيق. -ازاويا تاع بلعمش. -قصبة أهل لعبد لمعروفا بالدويرية،ولي فيها جامع و ليكوليعلم القران و ثانيك ديار تاع بكري لي كبار و بنيانهم شباب .

ليفاك

لولايا تاع تيندوف فيها جامعات بزاف قلويين باريكزومبل: كاين لمركز الجامعي تيندوف الي هوا مؤسسا عموميا فيها بزاف ليدومان لهدف منو تعليم طلبا خدموه في 22 اوت 2011 وهو اول جميعا فلولايا و كان فيها فايت 1224ايتيديون .

دومان ميديكال

فيها سبيطار كبير و فيها ليكلينيك.

سبور

مركز إعلام وتنشيط الشباب.

 ديار تاع  الشباب 
.تاع ليسطاد باه يلعبوا الفوت

2 مركبات رياضية جوارية. بيـت الشباب. مـركــب شبـه أولمبي مغطى يرفد 5400 مقعد وفيه 2 تاع ليبيسين. قاعة متعددة الرياضات. 10 ليسطاد للعب. يوجد في المدينة نوادي لكرة القدم

النادي الرياضي للهواة الامير عبد القادر اتحاد تندوف

مخيمات تيندوف

مخيمات لاجئين الصحراويين جايا في الجنوب الشرقي تاع ولاية تندوف لجزائريةفيها ليكول سموه مدرست  27 فبراير الي  كانت بكري ايكول سبيسيال  لتكوين نساءبصح مع لوقت تحولت و ولات  مخيم صغير كيما الدويرا  ولا كثر