Ashwini ashuu
ನೂಲಮದಿಮೆ edit
ನೂಲಮದಿಮೆ ಪಂಡ ಕೊಂಕಣೆರೆಗ್,ಆಚಾರಿನಕ್ಲೆಗ್,ಬೊಕ್ಕ ಬ್ರಾಹ್ಮಣರೆಗ್ ಮಸ್ತ್ ಪವಿತ್ರವಾಯಿನಂಚಿನ ಮದಿಮೆ.ಉಂದು ನೂಲಮದಿಮೆ ಆಣುಲೆಗ್ ಮಾತ್ರ ಸೀಮಿತವಾಯಿನಂಚಿನ.ಮಾತ ಆಣುಲೆಗ್ ೯,೧೧,೧೩,೧೫ ವರ್ಷಡ್ ನೂಲಮದಿಮೆ ಆವೊಡ್.ಆಣುಲೆಗ್ ಬ್ರಹ್ಮಚಾರ್ಯ ತಿಕ್ಕ್‌ದ್ ಆಯಿ ಬೊಕ್ಕ ಅಕ್ಲೆಗ್ ಒವುಲ ಅಪವಿತ್ರ ಉಪ್ಪುಜಿ.ನೂಲಮದಿಮೆ ಆಯಿ ಬೊಕ್ಕ ಅಕ್ಲೆಗ್ ಪವಿತ್ರವಾಯಿನಂಚಿನ ಸ್ಥಾನಮಾನ ತಿಕ್ಕುಂಡು ಬೊಕ್ಕ ಅಕಲೆನ್ ದೇ‌ವೆರ‍್ನ ಲೆಕ್ಕ ತೂಪೆರ್. ನೂಲಮದಿಮೆದಾನಿ ಮದಿಮಾಯೆನ ಪೊಪ್ಪ ಆ ಮದಿಮಾಯೆಗ್ ಪವಿತ್ರವಾಯಿನ ಗಾಯತ್ರಿ ಜಪೊನ್ ತೆರಿಪಾದ್ ಐತ ಅರ್ಥನ್‌ಲ ತೆರಿಪಾವೆರ್.ಅಯ್ಧ್ ಬೊಕ್ಕ ಪ್ರತೀ ದಿನ ಕಾಂಡೆ ಬೊಕ್ಕ ಬಯ್ಯೊಡ್ ಅಕ್ಲೆಗ್ ಸಂಧ್ಯಾವಂದನೆ ಮಲ್ಫೊಡು.ವಾ ಕಾರಣೊಗ್ಲ ಅವೆನ್ ಮಲ್ಫಂದೆ ಕುಲ್ಲೆರೆ ಇಜ್ಜಿ.ನೂಲಮದಿಮೆ ಆಯಿ ಬೊಕ್ಕ ಅಕ್ಲೆನ ವರ್ಷದ ಪರ್ಬ ಪಂಡ ನೂಲಪುನ್ನಮೆ.ಆನಿ ಅಕುಲ್ ಅಕಲ್ನ ನೂಲ್‌ನ್ ನೀರ್‌ಗ್ ಪಾಡ್‌ದ್ ಪೊಸ ನೂಲ್‌ನ್ ಪಾಡುವೆರ್.ಪೊಸ ನೂಲ್‌ನ್ ಪಾಡಿ ಬೊಕ್ಕ ಮಾತಾ ಹಿರಿಯ ಬ್ರಾಹ್ಮಣರೆಗ್ ಜನಿವರ,ಬಚ್ಛಿರೆ ಬಜ್ಜೆ ಕೊರ್ಪುನ ಒಂಜಿ ವಾಡಿಕೆ ಉಂಡು.ಐಟ್ ಇತ್ತಿನ ಜನಿವರೊನ್ ದೆತ್ತ್‌ಡ್ ಬಚ್ಚಿರೆ ಬೊಕ್ಕ ಬಜ್ಜೆದೊಟ್ಟು ಹಿರಿಯಕುಲು ಕಿರಿಯಕ್ಲೆಗ್ ಕಾಣಿಕೆನ್ ದೀದ್ ಅಕ್ಲೆಗ್ ಆರ್ಶಿವಾದ ಮಲ್ಪುವೆರ್.